ಶಿಮ್ಲಾದಲ್ಲಿ ಸೀಟು ಪಡೆದ ಚಾಯ್​ವಾಲಾ!

ಶಿಮ್ಲಾ: ನಿರಂತರವಾಗಿ 4 ಬಾರಿ ಶಿಮ್ಲಾದಲ್ಲಿ ವಿಧಾನಸಭೆಗೆ ಸ್ಪರ್ಧಿಸಿದ್ದ ಸುರೇಶ್ ಭಾರದ್ವಾಜ್ ಬಿಟ್ಟು, ಸಾಮಾನ್ಯ ಚಾ ಅಂಗಡಿ ಮಾಲೀಕನಿಗೆ ಬಿಜೆಪಿ ಸೀಟನ್ನು ನೀಡಿದೆ!

ಚಹಾ ಅಂಗಡಿ ಹಾಕಿಕೊಂಡಿರುವ ಸಂಜಯ್ ಸೂದ್​ಗೆ ಶಿಮ್ಲಾದಿಂದ ಸ್ಪರ್ಧಿಸಲು ಬಿಜೆಪಿ ಪಕ್ಷ ಟಿಕೆಟ್​ ನೀಡಿದೆ. ಸುರೇಶ್ ಭಾರದ್ವಾಜ್ ವಿಧಾನಸಭೆಗೆ ಕಸುಂಪ್ತಿಯಿಂದ ಸ್ಫರ್ಧಿಸಲಿದ್ದಾರೆ. ಈ ಸಂದರ್ಭ ಮಾತನಾಡಿದ ಸೂದ್ , 'ನಾನು ಬಡತನದ ಹಿನ್ನೆಲೆಯಿಂದ ಬಂದವನು. 1991ರಿಂದ ಚಹಾ ಅಂಗಡಿ ನಡೆಸಿಕೊಂಡು ಬಂದಿದ್ದೇನೆ. ಅದಕ್ಕೂ ಹಿಂದೆ ಬಸ್​ಸ್ಟ್ಯಾಂಡ್​ನಲ್ಲಿ ದಿನಪತ್ರಿಕೆ ಮಾರುತ್ತಿದ್ದೆ' ಎಂದು ತಮ್ಮ ಹಿನ್ನೆಲೆಯನ್ನು ವಿವರಿಸಿದ್ದಾರೆ.

'ನನ್ನನ್ನು ಶಿಮ್ಲಾದಲ್ಲಿ ಸ್ಪರ್ಧೆಗೆ ಇಳಿಸಿದ ಬಿಜೆಪಿಗೆ ನಾನು ಆಭಾರಿಯಾಗಿದ್ದೇನೆ. ಈ ಸುದ್ದಿ ಕೇಳಿ ನನಗೆ ತುಂಬಾ ಖುಷಿಯಾಗಿದೆ. ಇದು ನನ್ನಂತಹ ಸಾಧಾರಣ ಕಾರ್ಯಕರ್ತನಿಗೆ ಸಿಕ್ಕಿರುವ ದೊಡ್ಡ ಗೌರವ' ಎಂದು ಟಿಕಟ್ ಸಿಕ್ಕಿರುವ ಬಗ್ಗೆ ಅಭ್ಯರ್ಥಿ ಸಂಜಯ್ ಸೂದ್ ಸಂತಸವನ್ನು ವ್ಯಕ್ತಪಡಿಸಿದರು.

https://www.vijayavani.net/diabetic-peoples-confused-about-the-consumption-of-fruits/

https://www.vijayavani.net/jss-distributes-plants/

https://www.vijayavani.net/a-cyclone-threat-to-karnataka-state/