ನವದೆಹಲಿ: ಯಶಸ್ಸು... ಇದು ಕೇಳಲು ಮತ್ತು ಓದಲು ಮೂರು ಅಕ್ಷರದ ಪದ. ಆದರೆ, ಅದನ್ನು ಪಡೆಯಲು ಸಾಕಷ್ಟು ಶ್ರಮಿಸಬೇಕು. ಅಲ್ಲದೆ, ಈ ಯಶಸ್ಸನ್ನು ಸಾಧಿಸಲು ಹಲವಾರು ಅವಮಾನಗಳು, ಅಡೆತಡೆಗಳು ಮತ್ತು ಮಾನಸಿಕ ಸಂಘರ್ಷಗಳನ್ನು ಎದುರಿಸಬೇಕಾಗುತ್ತದೆ. ಇಂತಹ ಸಂಗತಿಗಳನ್ನು ಧೈರ್ಯವಾಗಿ ಎದುರಿಸಿ ಯಶಸ್ಸಿನತ್ತ ಹೆಜ್ಜೆ ಹಾಕುವವರು ಬಹಳ ಕಡಿಮೆ. ಅಂಥವರು ಮಾತ್ರ ಸಮಾಜದಲ್ಲಿ ಜನಮನ್ನಣೆ ಪಡೆಯುತ್ತಾರೆ. ಅಂದುಕೊಂಡಿದ್ದನ್ನು ಸಾಧಿಸಿದಾಗ ಆ ಸಂತೋಷಕ್ಕೆ ಪಾರವೇ ಇರುವುದಿಲ್ಲ. ಇತ್ತೀಚೆಗಷ್ಟೇ ಚಹಾ ಮಾರುವವನ ಮಗಳು ಸುಮಾರು 10 ವರ್ಷಗಳ ಬಳಿಕ ಸಿಎ ಪರೀಕ್ಷೆ ಪಾಸ್ ಮಾಡಿದ್ದಾಳೆ. ಇದೇ ಖುಷಿಯಲ್ಲಿ ತನ್ನ ತಂದೆಯನ್ನು ಬಿಗಿದಪ್ಪಿ ಕಣ್ಣೀರಾಕುತ್ತಾ ಭಾವುಕಳಾದಳು. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
