ಇ-ಗೇಮಿಂಗ್, ಕ್ಯಾಸಿನೋಗಳು, ಕುದುರೆ ರೇಸ್ಗೆ ತೆರಿಗೆ ವಿಧಿಸಲು ತಿದ್ದುಪಡಿ ಮಾಡಲಾದ ಜಿಎಸ್ಟಿ ಕಾನೂನು ನಿಬಂಧನೆಗಳ ಅನುಷ್ಠಾನಕ್ಕೆ ಅ. 1ರಂದು ಹಣಕಾಸು ಸಚಿವಾಲಯ ಆದೇಶ ನೀಡಿದೆ. ಸಂಯೋಜಿತ ಸರಕು ಮತ್ತು ಸೇವಾ ತೆರಿಗೆಗೆ ತಿದ್ದುಪಡಿ ಪ್ರಕಾರ ಭಾರತದಲ್ಲಿ ಕಾರ್ಯನಿರ್ವಹಿಸುವ ಯಾವುದೇ ಆನ್ಲೈನ್ ಗೇಮಿಂಗ್ ಪ್ಲಾಟ್ಫಾಮ್ರ್ ಗಳು ದೇಶದಲ್ಲಿ ನೋಂದಣಿ ಮಾಡುವುದು ಕಡ್ಡಾಯ. ದೇಶೀಯ ಕಾನೂನಿಗೆ ಅನುಗುಣವಾಗಿ ಅವು ತೆರಿಗೆ ಪಾವತಿಸಬೇಕು ಎಂದು ಜಿಎಸ್ಟಿ ಪ್ರಾಧಿಕಾರ ಹೇಳಿದೆ. ಕೇಂದ್ರೀಯ ಜಿಎಸ್ಟಿ ಕಾಯಿದೆಯ ಇತ್ತೀಚಿನ ಬದಲಾವಣೆಗಳ ಪ್ರಕಾರ, ಆನ್ಲೈನ್ ಗೇಮಿಂಗ್, ಕ್ಯಾಸಿನೊ ಮತ್ತು ಕುದುರೆ ರೇಸ್ಗಳನ್ನು ಈಗ ಲಾಟರಿ, ಬೆಟ್ಟಿಂಗ್ ಮತ್ತು ಜೂಜಿನಂತೆಯೇ ಪರಿಗಣಿಸಲಾಗುತ್ತದೆ. ಬೆಟ್ಟಿಂಗ್ ಮೊತ್ತದ ಸಂಪೂರ್ಣ ಮುಖಬೆಲೆಯ ಮೇಲೆ ಶೇ. 28 ಜಿಎಸ್ಟಿ ಅನ್ವಯವಾಗುತ್ತದೆ.
