ರಾಜಕಾರಣಿಗಳ ಕೊರಳಿಗೆ ಡ್ರಗ್ಸ್​ ಉರುಳು: ಬಿಜೆಪಿ ಸಂಸದರ ಭಾವಿ ಅಳಿಯನಿಗೆ ಸಿಸಿಬಿ ನೋಟಿಸ್​!

ಬೆಂಗಳೂರು: ರಾಜ್ಯದಲ್ಲಿ ಡ್ರಗ್ಸ್​ ಮಾಫಿಯಾ ಭಾರೀ ಸದ್ದು ಮಾಡುತ್ತಿದೆ. ಸಿನಿಮಾ ನಟ-ನಟಿಯರು ಮಾತ್ರವಲ್ಲ ರಾಜಕಾರಣಿಗಳ ಕೊರಳಿಗೆ ಡ್ರಗ್ಸ್​ ಉರುಳು ಸುತ್ತಿಕೊಳ್ಳುತ್ತಿದೆ.

ಕಾಟನ್​ಪೇಟೆ ಪೊಲೀಸ್​ ಠಾಣೆಯಲ್ಲಿ ದಾಖಲಾಗಿರುವ ಡ್ರಗ್ಸ್​ ಕೇಸ್​ ಸಂಬಂಧ ಇಷ್ಟು ದಿನ ನಟ-ನಟಿಯರ ವಿಚಾರಣೆ ನಡೆಸುತ್ತಿದ್ದ ಸಿಸಿಬಿ ಪೊಲೀಸರು ಇದೀಗ ಕಾಂಗ್ರೆಸ್​ನ ಮಾಜಿ ಶಾಸಕ ಆರ್​.ವಿ.ದೇವರಾಜ್​ ಪುತ್ರ ಆರ್​.ವಿ.ಯುವರಾಜ್​ಗೆ ನೋಟಿಸ್​ ಕೊಟ್ಟಿದ್ದಾರೆ. ಈ ಯುವರಾಜ್​ ಸುಧಾಮನಗರ ವಾರ್ಡ್​ನ ಕಾರ್ಪೋರೇಟರ್​. ಅಷ್ಟೇ ಅಲ್ಲ ಬಿಜೆಪಿ ಸಂಸದ ಪಿ.ಸಿ.ಮೋಹನ್​ರ ಭಾವಿ ಅಳಿಯ!

ಇದನ್ನೂ ಓದಿರಿ ನನಗೆ ಮದುವೆ ಆಗಿಲ್ಲ ಎಂದ ಬೆನ್ನಲ್ಲೇ ನಟಿ ಸಂಜನಾರ ‘ಗಂಡ-ಹೆಂಡ್ತಿ’ ರಹಸ್ಯ ಬಯಲು?!

ಡ್ರಗ್ಸ್ ದಂಧೆಯಲ್ಲಿ ಯುವರಾಜ್​ ಹೆಸರು ಕೇಳಿಬಂದಿದ್ದು, ಪಕ್ಷಕ್ಕೆ ಡ್ಯಾಮೇಜ್ ಆಗುವ ಭೀತಿ ಕೆಪಿಸಿಸಿಗೆ ಎದುರಾಗಿದೆ. ಇನ್ನು ಯುವರಾಜ್​ ಜತೆ ಪಿ.ಸಿ. ಮೋಹನ್​ರ ಮಗಳ ಮದುವೆ ಲಾಕ್​ಡೌನ್​ ಸಮಯದಲ್ಲೇ ನಿಶ್ಚಯವಾಗಿತ್ತು. ಇದೀಗ ಎರಡೂ ಕುಟುಂಬದಲ್ಲೂ ಆತಂಕ ಮೂಡಿದೆ.

ಯುವರಾಜ್​ ಜತೆಗೆ ಖ್ಯಾತ ನಿರೂಪಕ ಅಕುಲ್ ಬಾಲಾಜಿ ಮತ್ತು ನಟ ಸಂತೋಷ್​ ಕುಮಾರ್​ ಅವರಿಗೂ ಸಿಸಿಬಿ ನೋಟಿಸ್​ ನೀಡಿದ್ದು, ಈ ಮೂವರೂ ಶನಿವಾರ ಬೆಳಗ್ಗೆ ವಿಚಾರಣೆಗೆ ಹಾಜರಾಗಬೇಕಿದೆ.

ಈ ಬಗ್ಗೆ ಮಧ್ಯಾಹ್ನ 2.30ರ ಸುಮಾರಿಗೆ 'ದಿಗ್ವಿಜಯ ನ್ಯೂಸ್'​ ಜತೆ ಮಾತನಾಡಿದ ಯುವರಾಜ್​, 'ನನಗೆ ಯಾವುದೇ ನೋಟಿಸ್​ ಬಂದಿಲ್ಲ. ನೋಟಿಸ್​ ಬಂದ ನಂತರ ಪ್ರತಿಕ್ರಿಯೆ ಕೊಡ್ತೀನಿ' ಎಂದರು. ಆದರೆ, ಹೈದ್ರಾಬಾದ್​ನಲ್ಲಿದ್ದ ಅಕುಲ್​ಗೆ ವಾಟ್ಸ್​ಆ್ಯಪ್​ ಮೂಲಕ ಸಿಸಿಬಿ ನೋಟಿಸ್​ ತಲುಪಿದ್ದು, ಅವರು ವಿಚಾರಣೆಗೆ ಖಂಡಿತ ಬರುವೆ ಎಂದರು.

https://www.vijayavani.net/new-twist-to-the-drugs-case-private-video-viral/

https://www.vijayavani.net/raginidwivedi-ravishankhar-drugspeddlerloompepper/

https://www.vijayavani.net/drug-mafia-bengaluru-congress-leaders/