ಕೆಲವು ನಿರ್ದಿಷ್ಟ ಸಂಸ್ಥೆಗಳಿಗೆ ಕಾನೂನು ಅನ್ವಯವಾಗುವುದಿಲ್ಲ ಎನ್ನುವ ಆರ್ಟಿಐ ಕಾನೂನಿನ 24ನೇ ಸೆಕ್ಷನ್ ಉಲ್ಲೇಖಿಸಿದ ಕೋರ್ಟ್, ಈ ವಿಚಾರದಲ್ಲಿ ಕಾನೂನಿನ ಎರಡನೇ ಶೆಡ್ಯೂಲ್ನಲ್ಲಿ ಸಿಬಿಐ ಹೆಸರು ನಮೂದಾಗಿದ್ದರೂ ಇಂಥ ಸಂಸ್ಥೆಗಳಿಗೆ ಇಡೀ ಕಾನೂನು ಅನ್ವಯವಾಗದೆಂದು ಅರ್ಥವಲ್ಲ ಎಂದು ಸ್ಪಷ್ಟಪಡಿಸಿದೆ. ಭ್ರಷ್ಟಾಚಾರ ಮತ್ತು ಮಾನವ ಹಕ್ಕು ಉಲ್ಲಂಘನೆ ಆರೋಪಗಳಿಗೆ ಸಂಬಂಧಿಸಿದ ಮಾಹಿತಿಗಳನ್ನು ಅರ್ಜಿದಾರರಿಗೆ ಒದಗಿಸಬಹುದೆಂದು ಸೆಕ್ಷನ್ 24ರ ನಿಯಮ ಹೇಳುತ್ತದೆ. ಅದನ್ನು ಎರಡನೇ ಶೆಡ್ಯೂಲ್ನಲ್ಲಿ ನಮೂದಿಸಿದ ವಿನಾಯಿತಿ ವಿಭಾಗದಲ್ಲಿ ಸೇರಿಸಲಾಗದು ಎಂದು ಜನವರಿ 30ರ ಆದೇಶದಲ್ಲಿ ನ್ಯಾಯಮೂರ್ತಿ ಸುಬ್ರಮಣಿಯಂ ಪ್ರಸಾದ್ ಹೇಳಿದ್ದಾರೆ.
