ಈ ನಗರದಲ್ಲಿವೆ ಬೆಕ್ಕಿನ ಗಾತ್ರದ ಇಲಿಗಳು! ಭೀತಿಯಲ್ಲಿ ಜನರು…

ವನವದೆಹಲಿ: ಬೆಕ್ಕಿನಷ್ಟು ದೊಡ್ಡದಾಗಿರುವ ಇಲಿಗಳು ವೇಲ್ಸ್‌ ನಗರದ ಕಡಲತೀರದ ಪ್ರದೇಶವನ್ನು ಆಕ್ರಮಿಸುತ್ತಿವೆ ಎಂದು BBC ವರದಿ ಮಾಡಿದೆ. ಟೆನ್‌ಬಿಯ ಕ್ಯಾಸಲ್ ಬೀಚ್ ಸುತ್ತಮುತ್ತಲಿನ ನಿವಾಸಿಗಳು ಇತ್ತೀಚಿನ ತಿಂಗಳುಗಳಲ್ಲಿ ಸಮಸ್ಯೆ ಉಲ್ಬಣಗೊಳ್ಳುತ್ತಿದೆ ಎಂದು ಹೇಳಿದ್ದಾರೆ. ಸ್ಥಳೀಯರು ಇವುಗಳನ್ನು ಸೂಪರ್ ಇಲಿಗಳು ಎಂದು ಕರೆದಿದ್ದು ಇವು ಕಡಲತೀರದ ಸುತ್ತಲೂ ಓಡಾಡುವುದನ್ನು ಅನೇಕ ವಿಡಿಯೋಗಳು ತೋರಿಸುತ್ತದೆ.

ನ್ಯೂಯಾರ್ಕ್ ಪೋಸ್ಟ್ ಪ್ರಕಾರ, ಇಲಿಗಳ ಈ ನಿರ್ದಿಷ್ಟ ತಳಿಯು ಕೆಲವು ವಿಷಗಳಿಗೆ ನಿರೋಧಕವಾಗಿದ್ದು ಕಾಂಕ್ರೀಟ್ ಮೂಲಕ ಕಡಿಯುವಂತಹ ಬಲವಾದ ಹಲ್ಲುಗಳನ್ನು ಹೊಂದಿದೆ. ಅಲ್ಲಿನ ವರದಿಗಳ ಪ್ರಕಾರ ಸ್ಥಳೀಯರು ಭಯದಲ್ಲಿ ವಾಸಿಸುತ್ತಿದ್ದಾರೆ.

ಇದನ್ನೂ ಓದಿ: VIDEO | ಸೂಪ್‌ನಲ್ಲಿ ದಂಪತಿಗೆ ಸಿಕ್ತು ಇಲಿ: ಕೋರ್ಟ್​​ ಮೆಟ್ಟಿಲೇರಿದ ಜೋಡಿಗೆ ಶಾಕ್​​..

ಈ ದೈತ್ಯಾಕಾರದ ಇಲಿಗಳು ತಲೆಯಿಂದ ಬಾಲದವರೆಗೆ 20 ಇಂಚು ಉದ್ದವಾಗಿವೆ. ಪೆಂಬ್ರೋಕೆಶೈರ್ ಕೌನ್ಸಿಲ್ ಜನರನ್ನು ಪಕ್ಷಿಗಳಿಗೆ ಆಹಾರ ನೀಡದಂತೆ ಅಥವಾ ಆಹಾರವನ್ನು ಬಿಡದಂತೆ ಒತ್ತಾಯಿಸಿದೆ. ಅದಲ್ಲದೇ ಇಲಿಗಳು ಗೂಡುಕಟ್ಟುತ್ತಿವೆ ಎಂದು ಭಾವಿಸಲಾದ ಬಂಡೆಗಳನ್ನು ತಜ್ಞ ಸಿಬ್ಬಂದಿ ಪರೀಕ್ಷಿಸುತ್ತಿದ್ದಾರೆ ಎಂದು ವರದಿ ತಿಳಿಸಿದೆ.

ಇದನ್ನೂ ಓದಿ: ಸುಣ್ಣವೆಂದು ಇಲಿ ಪಾಷಾಣ ಸವರಿ ವೀಳ್ಯದೆಲೆ ತಿಂದ ವೃದ್ಧೆ ಸಾವು

"ಇಲಿಗಳು ಕೆಲವೊಮ್ಮೆ ಬೆಕ್ಕುಗಳಂತೆ ದೊಡ್ಡದಾಗಿರುತ್ತವೆ, ಅವು ನಿಜವಾಗಿಯೂ ದೊಡ್ಡ ಇಲಿಗಳು" ಎಂದು ಸ್ಥಳೀಯರೊಬ್ಬರು ಹೇಳಿದ್ದಾರೆ. ಈ ಇಲಿಗಳು ಸಾಮಾನ್ಯಕ್ಕಿಂತ ದೊಡ್ಡದಾಗಿವೆ ಎಂದು ಅಲ್ಲಿನ ನಿವಾಸಿಗಳು ಹೇಳಿದ್ದಾರೆ. ಈ ದೈತ್ಯ ಇಲಿಗಳನ್ನು ತೊಡೆದುಹಾಕಲು ಬೋಟ್‌ಮ್ಯಾನ್ ಕೌನ್ಸಿಲ್ ಅನ್ನು ಒತ್ತಾಯಿಸಿದ್ದು "ಇದು ಬಹಳ ಸಮಯದಿಂದ ನಡೆಯುತ್ತಿದೆ, ಈ ಸಮಸ್ಯೆಯ ಬಗ್ಗೆ ಏನಾದರೂ ಮಾಡಬೇಕಾಗಿದೆ" ಎಂದು ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/britan-top-most-diplomat-reacts-on-khalistanis-protest-in-indian-highcommission-in-london/

https://www.vijayavani.net/auto-rikshaw-bandh-in-bangalore/