ವಕೀಲರ ಅಲಭ್ಯತೆಯಿಂದ 63 ಲಕ್ಷ ಕೇಸ್ ಬಾಕಿ

ವಕೀಲರ ಅಲಭ್ಯತೆಯ ಕಾರಣ ದೇಶದ ಕೆಳಹಂತದ ನ್ಯಾಯಾಲಯಗಳಲ್ಲಿ 63 ಲಕ್ಷ ಪ್ರಕರಣಗಳು ಇತ್ಯರ್ಥಕ್ಕೆ ಬಾಕಿ ಉಳಿದಿವೆ. ಇದರಲ್ಲಿ ಶೇ. 78 ಕೇಸ್​ಗಳು ಕ್ರಿಮಿನಲ್ ಮತ್ತು ಶೇ. 22 ಸಿವಿಲ್ ಪ್ರಕರಣಗಳಾಗಿವೆ ಎಂದು ರಾಷ್ಟ್ರೀಯ ನ್ಯಾಯಾಂಗ ಡೇಟಾ ಗ್ರಿಡ್ (ಎನ್​ಜೆಡಿಜಿ) ಹೇಳಿದೆ. ನೇಮಿಸಿಕೊಂಡಿದ್ದ ಲಾಯರ್​ಗಳ ಮರಣ, ವಕೀಲರ ಶುಲ್ಕ ಭರಿಸಲಾಗದ ಸ್ಥಿತಿ, ಪ್ರಾಸಿಕ್ಯೂಷನ್​ನಿಂದ ವಕೀಲರ ನೇಮಕದಲ್ಲಿ ಆಗಿರುವ ವಿಳಂಬ, ಉಚಿತ ನ್ಯಾಯಾಂಗ ಸೇವೆಯಲ್ಲಿನ ಅದಕ್ಷತೆ ವಕೀಲರ ಅಲಭ್ಯತೆಗೆ ಕಾರಣವಾಗಿವೆ. ಇದರೊಟ್ಟಿಗೆ ನ್ಯಾಯಾಧೀಶರ ಕೊರತೆ ಮತ್ತು ವಿಚಾರಣೆ ಮುಂದೂಡಿಕೆಯಿಂದಲೂ ಪ್ರಕರಣಗಳ ವಿಲೇವಾರಿ ವಿಳಂಬ ಆಗುತ್ತಿದೆ.

• ಉತ್ತರ ಪ್ರದೇಶ, ದೆಹಲಿ, ಗುಜರಾತ್, ಕರ್ನಾಟಕ, ಮಹಾರಾಷ್ಟ್ರ, ತಮಿಳುನಾಡು, ಬಿಹಾರಗಳಲ್ಲಿ ಒಟ್ಟಾರೆ 49 ಲಕ್ಷ ಕೇಸ್​ಗಳು (ಶೇ.77.7) ಬಾಕಿ ಇವೆ.
• ಕೇಂದ್ರ ಸರ್ಕಾರದ ಪ್ರಕಾರ, 2017-18 ಮತ್ತು 2021-22ರ ಅವಧಿಯಲ್ಲಿ ಒಂದು ಕೋಟಿ ಜನರಿಗೆ ಉಚಿತ ಕಾನೂನು ನೆರವು ದೊರಕಿದೆ.
• 2021-2ರಲ್ಲಿ ಮಧ್ಯಪ್ರದೇಶ, ಉತ್ತರ ಪ್ರದೇಶ, ಜಾರ್ಖಂಡ್, ಬಿಹಾರ, ಅಸ್ಸಾಂಗಳಲ್ಲಿ 58.60 ಲಕ್ಷ ಜನರು (ಶೇ. 94) ಉಚಿತ ಕಾನೂನು ಸೇವೆಯ ಫಲಾನುಭವಿಗಳಾಗಿದ್ದಾರೆ.

https://www.vijayavani.net/google-fires-manager-who-is-eight-months-pregnant/

https://www.vijayavani.net/revenue-department-employee-died-in-swimming-pool/