ಕರೊನಾ ಸೋಂಕು​ ಗುಣಪಡಿಸುತ್ತದೆ ಎಂದು ನಕಲಿ ಮಾತ್ರೆಗಳನ್ನು ಹಂಚುತ್ತಿದ್ದ ಡುಪ್ಲಿಕೇಟ್​ ವೈದ್ಯನ ವಿರುದ್ಧ ಪ್ರಕರಣ ದಾಖಲು...

ಯಾದಗಿರಿ: ಕರೊನಾ ಸಂದರ್ಭವನ್ನು ಅನೇಕರು ತಮ್ಮ ಲಾಭಕ್ಕಾಗಿ ಬಳಸಿಕೊಳ್ಳುತ್ತಿದ್ದಾರೆ. ಸುಳ್ಳು ಸುದ್ದಿಗಳನ್ನು ಹಬ್ಬಿಸುವವರು ಒಂದು ಕಡೆಯಾದರೆ, ಇನ್ನೊಂದು ಕಡೆ ಕೆಲವು ಮೆಡಿಕಲ್​ ಶಾಪ್​ ಸಿಬ್ಬಂದಿ ಮಾಸ್ಕ್​, ಸ್ಯಾನಿಟೈಸರ್​ ಬೆಲೆಗಳನ್ನು ವಿಪರೀತ ಹೆಚ್ಚು ಮಾಡಿದ್ದಾರೆ.

ಈಗ ಇನ್ನೊಂದೆಡೆ ನಕಲಿ ವೈದ್ಯರ ಕಾಟ ಶುರುವಾಗಿದೆ. ಕರೊನಾ ವೈರಸ್​ ಸೋಂಕು ಗುಣಮಾಡುವ ಮಾತ್ರೆಗಳೆಂದು ನಕಲಿ ಹೋಮಿಯೋಪಥಿಕ್​ ಮಾತ್ರೆಗಳನ್ನು ಹಂಚಿದ ಡುಪ್ಲಿಕೇಟ್​ ವೈದ್ಯನ ವಿರುದ್ಧ ಯಾದಗಿರಿಯ ಗುರುಮಿಠಕಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಲ್ಲದೆ ಈ ನಕಲಿ ವೈದ್ಯನಿಗೆ ಸಹಕಾರ ನೀಡಿದ ಆರೋಪದಡಿ ಜಿಲ್ಲಾಪಂಚಾಯಿತಿ ಮಾಜಿ ಅಧ್ಯಕ್ಷನ ವಿರುದ್ಧವೂ ಕೇಸ್​ ದಾಖಲಾಗಿದೆ.

ಯಾದಗಿರಿಯ ಗುರುಮಿಠಕಲ್​​ ತಾಲೂಕಿನ ಗುಂಜುನುರೂನಲ್ಲಿ ಘಟನೆ ನಡೆದಿದೆ. ಶರಣಗೌಡ ಮಾಲಿಪಾಟೀಲ್​ ಎಂಬಾತ ತಾನು ಸರ್ಕಾರಿ ವೈದ್ಯನೆಂದು ಹೇಳಿಕೊಂಡು ನಕಲಿ ಮಾತ್ರೆಗಳನ್ನು ಹಂಚಿದ್ದಾನೆ. ಆತ ನೀಡಿದ ಮಾತ್ರೆಯ ಪ್ಯಾಕೆಟ್​ ಮೇಲೆ ಡಿ.ಕೆ.ಶಿವಕುಮಾರ್​ ಮತ್ತು ಮಲ್ಲಿಕಾರ್ಜುನ ಖರ್ಗೆ ಫೋಟೋ ಕೂಡ ಇತ್ತು. ಈ ರೀತಿ ಮಾತ್ರೆ ಹಂಚುವಂತೆ ಜಿಲ್ಲಾಡಳಿತ ಯಾರಿಗೂ ಹೇಳಿರಲಿಲ್ಲ. ನಕಲಿ ವೈದ್ಯನ ವಿರುದ್ಧ ಪ್ರಕರಣ ದಾಖಲಾಗಿದೆ.

https://www.vijayavani.net/coronavirus-for-10-month-old-baby-in-mangalore/