ರೈಲಿನಲ್ಲಿ ಅತಿಹೆಚ್ಚು ಲಗೇಜು ಒಯ್ಯುತ್ತೀರಾ?; ಹಾಗಾದ್ರೆ ಬೀಳುತ್ತೆ ಭಾರಿ ದಂಡ! ರೈಲ್ವೆ ಇಲಾಖೆ ಹೊಸ ನಿಯಮ ಏನು?|Train Luggage

Train Luggage: ಭಾರತದಲ್ಲಿ ಪ್ರತಿದಿನ ಲಕ್ಷಾಂತರ ಪ್ರಯಾಣಿಕರು ರೈಲುಗಳಲ್ಲಿ ಪ್ರಯಾಣಿಸುತ್ತಾರೆ. ದೂರದ ಪ್ರಯಾಣಕ್ಕಾಗಿ ಎಲ್ಲರೂ ರೈಲು ಪ್ರಯಾಣವನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಜನರು ತಮ್ಮೊಂದಿಗೆ ಭಾರವಾದ ಸಾಮಾನುಗಳನ್ನು ಸಹ ಒಯ್ಯುತ್ತಾರೆ. ಆದರೆ, ಈಗ ಭಾರತೀಯ ರೈಲ್ವೆ ಇಲಾಖೆ ಸಾಮಾನುಗಳಿಗೆ(ಲಗೇಜು) ಸಂಬಂಧಿಸಿದ ನಿಯಮಗಳನ್ನು ಬಿಗಿಗೊಳಿಸಿದೆ. ಪ್ರಯಾಣಿಕರ ಸುರಕ್ಷತೆಗಾಗಿ ಹಲವು ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ.

ವಿಮಾನಗಳಲ್ಲಿರುವಂತೆಯೇ ಈಗ ರೈಲ್ವೆ ನಿಲ್ದಾಣಗಳಲ್ಲಿ ಲಗೇಜು ಪರಿಶೀಲನೆ ಕಡ್ಡಾಯವಾಗಿರುತ್ತದೆ. ನೀವು ಪ್ರಯಾಣಿಸುತ್ತಿರುವ ವರ್ಗವನ್ನು ಆಧರಿಸಿ ಸಾಮಾನುಗಳಿಗೆ ಅನುಮತಿ ನೀಡಲಾಗುತ್ತದೆ. ಈಗ ರೈಲ್ವೆ ಕೋಚ್​ಗಳಿಂದ ಲಗೇಜುಗಳನ್ನು ವರ್ಗಾಯಿಸಲಾಗುತ್ತದೆ. ಪ್ರಥಮ ದರ್ಜೆ ಎಸಿ ಕೋಚ್‌ನಲ್ಲಿ ಪ್ರಯಾಣಿಸುವ ಪ್ರತಿಯೊಬ್ಬ ವ್ಯಕ್ತಿಯು ತಮ್ಮೊಂದಿಗೆ 70 ಕೆಜಿ ವರೆಗೆ ಉಚಿತವಾಗಿ ಸಾಗಿಸಬಹುದು. ಅದೇ ರೀತಿ, ಎರಡನೇ ಎಸಿ ಕೋಚ್​ನಲ್ಲಿ ಪ್ರಯಾಣಿಸುವ ವ್ಯಕ್ತಿಯು 50 ಕೆಜಿ ಮತ್ತು ಮೂರನೇ ಎಸಿ ಕೋಚ್​ನಲ್ಲಿ ಪ್ರಯಾಣಿಸುವ ವ್ಯಕ್ತಿ 40 ಕೆಜಿ ಲಗೇಜು ಸಾಗಿಸಬಹುದು.

ಇದನ್ನೂ ಓದಿ: ನಿಮ್ಮ ಕೂದಲು ಹೆಚ್ಚಾಗಿ ಉದುರುತ್ತಿದೆಯಾ.? ಹಾಗಿದ್ರೆ ನಿರ್ಲಕ್ಷಿಸಬೇಡಿ ಇದು ಇತರ ಕಾಯಿಲೆಯ ಲಕ್ಷಣವಾಗಿರಬಹುದು| hair fall

ಆದರೆ ಈಗ ಸ್ಲೀಪರ್ ಕ್ಲಾಸ್‌ನಲ್ಲಿ ಪ್ರಯಾಣಿಸುವ ವ್ಯಕ್ತಿಯು 40 ಕೆಜಿಗಿಂತ ಹೆಚ್ಚಿನ ಸಾಮಾನುಗಳನ್ನು ಕೊಂಡೊಯ್ಯುವಂತಿಲ್ಲ.ಸಾಮಾನ್ಯ ಕೋಚ್‌ಗಳಲ್ಲಿ ಪ್ರಯಾಣಿಸುವ ಜನರು ತಮ್ಮೊಂದಿಗೆ 35 ಕೆಜಿ ಲಗೇಜು ಮಾತ್ರ ಕೊಂಡೊಯ್ಯಬೇಕು. ಈ ಮಿತಿಗಳನ್ನು ಮೀರಿದರೆ ಹೆಚ್ಚುವರಿ ಹಣವನ್ನು ಪಾವತಿಸಬೇಕಾಗುತ್ತದೆ ಎಂದು ರೈಲ್ವೆ ಇಲಾಖೆ ಮಾಹಿತಿ ನೀಡಿದೆ. (ಏಜೆನ್ಸೀಸ್)

https://www.vijayavani.net/a-fight-over-a-trivial-reason-a-junior-student-stabbed-a-10th-grader-to-death