ಇದು ಭಾರೀ ನಿರಾಶೆಗೆ ಕಾರಣವಾಗುತ್ತದೆ. ಬೆಂಗಳೂರಿನಂತಹ ದೊಡ್ಡ ನಗರಗಳಲ್ಲಿ ಕೇವಲ 15ರಿಂದ 20 ಸಾವಿರ ರೂ. ಸಂಬಳ ಕೊಟ್ಟರೆ ಜೀವನ ನಡೆಸುವುದಾದರೂ ಹೇಗೆ ಎಂಬುದು ಅನೇಕರ ಪ್ರಶ್ನೆ ಹಾಗೂ ಬೇಸರ. ಆದರೆ, ಉದ್ಯೋಗಿಗಳ ಈ ನೋವು ದೊಡ್ಡ ದೊಡ್ಡ ಸಂಸ್ಥೆಗಳ ಕಿವಿಗೆ ಬೀಳುವುದಿಲ್ಲ. ಬಿದ್ದರೂ ಪ್ರಯೋಜನವಿಲ್ಲ. ಕಾರಣ, ಆಯಾ ಕಂಪನಿಗಳಿಗೆ ಲಾಭ ಗಳಿಸುವುದಷ್ಟೇ ಧ್ಯೇಯವಾಗಿರುತ್ತದೆಯೇ ಹೊರತು ಉದ್ಯೋಗಿಗಳ ಯೋಗಕ್ಷೇಮ ಮತ್ತು ಬದುಕಿನ ಪರಿಸ್ಥಿತಿ ಬಗ್ಗೆ ಅಲ್ಲ. ಹೀಗಿರುವಾಗ, ಇಲ್ಲೊಬ್ಬರು ಆರಂಭದಲ್ಲಿ ತಿಂಗಳಿಗೆ 22,000 ರೂ. ಸಂಬಳಕ್ಕೆ ಕೆಲಸಕ್ಕೆ ಸೇರಿ, ಇಂದು 2.2 ಲಕ್ಷ ರೂ. ಸಂಬಳವನ್ನು ಯಾರ ಬೆಂಬಲ, ಪ್ರೋತ್ಸಾಹವಿಲ್ಲದೆ ಕೇವಲ ತಮ್ಮ ಶ್ರಮದಿಂದಲೇ ಗಿಟ್ಟಿಸಿಕೊಂಡಿದ್ದಾಗಿ ಹೇಳಿಕೊಂಡಿದ್ದಾರೆ.
