ಫ್ಲೈಓವರ್​ನಿಂದ ಏಕಾಏಕಿ ಬಿದ್ದ ಕಾರು:ಕೂದಲೆಳೆ ಅಂತರದಲ್ಲಿ ಬಚಾವಾದ ಮಹಿಳೆ..ವಿಡಿಯೋ ವೈರಲ್ ​​Flyover

Flyover: ಫ್ಲೈಓವರ್​ನಿಂದ ಏಕಾಏಕಿ ಕೆಳಗೆ ಹಾರಿದ ಕಾರಿನ ಆಪಘಾತದ ವೇಳೆ ಮೇಲಿಂದ ಬಿದ್ದ ಸೈನ್​ನ್​ಬೋರ್ಡ್​(ಸಿಗ್ನಲ್​ ಬೋರ್ಡ್​)ನಿಂದ ಯುವತಿಯೊಬ್ಬಳು ಕೂದಲೆಳೆ ಅಂತರದಲ್ಲಿ ಸಾವಿನಿಂದ ಪಾರಾದ ಹೃದಯವಿದ್ರಾವಕ ಕ್ಷಣದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿದೆ.

ಇಲ್ಲಿದೆ ನೋಡಿ ವಿಡಿಯೋ

ಕೆಂಪು ಬಣ್ಣದ ಕಾರು ಫ್ಲೈಓವರ್‌ನಲ್ಲಿ ಹೋಗುತ್ತಿದ್ದು ನಿಯಂತ್ರಣ ತಪ್ಪಿ ಏಕಾಏಕಿಯಾಗಿ ಕೆಳಗೆ ನೆಲಕ್ಕೆ ಬಿದ್ದಿದೆ. ಆ ಸದ್ದಿಗೆ ರೋಡಿನಲ್ಲಿ ಓಡಾಡುತ್ತಿರುವ ಮಹಿಳೆಯೊಬ್ಬಳು ಹೆದರಿ ಹಿಂದಕ್ಕೆ ಓಡಿ ಕತ್ತೆತ್ತಿ ಮೇಲೆ ನೋಡುತ್ತಾಳೆ. ಆಗ ದೊಡ್ಡ ಸೈನ್‌ಬೋರ್ಡ್ ಮೇಲಿನಿಂದ ಕೆಳಗೆ ಬೀಳುತ್ತದೆ. ಕೂದಲೆಳೆ ಅಂತರದಲ್ಲಿ ಅದು ಕೆಲವೇ ಕ್ಷಣಗಳ ಹಿಂದೆ ಅವಳು ನಿಂತಿದ್ದ ಸ್ಥಳಕ್ಕೆ ಅಪ್ಪಳಿಸುತ್ತದೆ.

ಇದನ್ನೂ ಓದಿ: ಭಾರತದ ಗಡಿಯತ್ತ ಯುದ್ಧ ಟ್ಯಾಂಕ್‌ಗಳು, ಶಸ್ತ್ರಾಸ್ತ್ರಗಳನ್ನು ಕಳುಹಿಸುತ್ತಿರುವ ಪಾಕಿಸ್ತಾನ;

ಅನೇಕ ನೆಟ್ಟಿಗರು ಈ ವಿಡಿಯೋ ನೋಡಿ "ಪವಾಡ" ಎಂದು ಕರೆದಿದ್ದಾರೆ. ಈ ಘಟನೆಯ ವಿಡಿಯೋ ಈಗಾಗಲೇ ಇನ್‌ಸ್ಟಾಗ್ರಾಮ್‌ನಲ್ಲಿ 2.6 ಕೋಟಿಗೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ ಮತ್ತು ಬಳಕೆದಾರರಿಂದ ಕಾಮೆಂಟ್​​​ಗಳ ಅಲೆಯನ್ನೇ ಹುಟ್ಟಿಸಿದ್ದಾರೆ. "ಹುಡುಗಿ ಕೇವಲ ಒಂದು ಸೆಕೆಂಡ್‌ನಲ್ಲಿ ಬದುಕುಳಿದರು" ಎಂದು ಒಬ್ಬ ಬಳಕೆದಾರ ಹೇಳದರೆ, ಮತ್ತೊಬ್ಬರು ಅಪನಂಬಿಕೆ ವ್ಯಕ್ತಪಡಿಸುತ್ತಾ, "ನಾನು ಈ ವೀಡಿಯೊವನ್ನು ನೋಡದಿದ್ದರೆ, ನಾನು ಹುಡುಗಿಯ ಮಾತುಗಳನ್ನು ನಂಬುತ್ತಿರಲಿಲ್ಲ" ಎಂದು ಬರೆದಿದ್ದಾರೆ.

"ನಾವು ಭಾರತೀಯರು ಹಾರುವ ಕಾರುಗಳಿಗಾಗಿ ಚೀನಾದೊಂದಿಗೆ ಸ್ಪರ್ಧೆಯನ್ನು ತಪ್ಪು ರೀತಿಯಲ್ಲಿ ತೆಗೆದುಕೊಂಡಿದ್ದೇವೆ" ಒಬ್ಬ ನೆಟ್ಟಿಗನ ಹಾಸ್ಯಮಯ ಹೇಳಿಕೆಯೂ ಸೋಶಿಯಲ್​ ಮೀಡಿಯಾದಲ್ಲಿ ಗಮನ ಸೆಳೆದಿದೆ. ಕೆಲವರು ಹುಡುಗಿಯ ತಕ್ಷಣದ ಚಿಂತನೆಯನ್ನು ಶ್ಲಾಘಿಸಿದ್ದಾರೆ, "ದೇವರು ಈ ಹುಡುಗಿಯ ಮೇಲೆ ಕರುಣೆ ತೋರಿಸಿದನು. ಅದೃಷ್ಟವಶಾತ್, ಅವಳು ಬದುಕುಳಿದಳು" ಎಂದು ಒಬ್ಬ ನೆಟ್ಟಿಗೆ ಹೇಳಿದ್ದಾನೆ.(ಏಜೆನ್ಸೀಸ್​)