ದೆಹಲಿ ಕಾರು ಸ್ಫೋಟ ದುರಂತ; ಜನರು ದಿಕ್ಕಾಪಾಲಾಗಿ ಓಡಿದ ಭಯಾನಕ ದೃಶ್ಯಗಳು ಸೆರೆ: ಇಲ್ಲಿದೆ ನೋಡಿ ವಿಡಿಯೋ | Car Explosion

ನವದೆಹಲಿ: ದೆಹಲಿ ಕೆಂಪುಕೋಟೆಯ ಮೆಟ್ರೋ ನಿಲ್ದಾಣದ ಬಳಿ ಸೋಮವಾರ(ನ.10) ಸಂಜೆ ನಡೆದ ಕಾರು ಸ್ಫೋಟದ(Car explosion) ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಇದೀಗ ಸ್ಫೋಟ ಸಂಭವಿಸಿದ ಕ್ಷಣದಲ್ಲಿ ಭಯಭೀತಿಯಲ್ಲಿ ನೂರಾರು ಜನರು ದಿಕ್ಕಾಪಾಲಾಗಿ ಓಡಿದ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಇದನ್ನೂ ಓದಿ:ದೆಹಲಿ ಕಾರು ಸ್ಫೋಟ ದುರಂತ: i20 ಕಾರಿನ ಮೂಲ ಮಾಲೀಕ ಮೊಹಮ್ಮದ್ ಸಲ್ಮಾನ್ ಬಂಧನ! | Car explosion

ಸ್ಫೋಟದ ಭಯಾನಕತೆಯನ್ನು ಅನೇಕ ಜನರ ಮೊಬೈಲ್ ಫೋನ್‌ಗಳಲ್ಲಿ ಸೆರೆಹಿಡಿಯಲಾಗಿದೆ. ಈ ವೀಡಿಯೊಗಳು ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿವೆ. ಒಂದು ವೀಡಿಯೊ ಕೆಂಪು ಕೋಟೆ ಬಳಿಯ ನೇತಾಜಿ ಸುಭಾಷ್ ಚಂದ್ರ ಬೋಸ್ ಮಾರ್ಗದ ಟ್ರಾಫಿಕ್ ಸಿಗ್ನಲ್‌ನಲ್ಲಿ ಐ20 ಕಾರು ಸ್ಫೋಟಗೊಂಡ ಕ್ಷಣವನ್ನು ಲೈವ್ ಆಗಿ ಸೆರೆಹಿಡಿಯುತ್ತದೆ, ಇನ್ನೊಂದು ಕೆಂಪು ಕೋಟೆ ಮೆಟ್ರೋ ನಿಲ್ದಾಣದ ಬಳಿ ಸ್ಫೋಟದ ನಂತರದ ಅವ್ಯವಸ್ಥೆಯನ್ನು ತೋರಿಸುತ್ತದೆ.

ವಿಡಿಯೋ ದೃಶ್ಯಗಳು

ವೀಡಿಯೊದಲ್ಲಿ, ಪಾದಚಾರಿಗಳು ಮತ್ತು ಇಬ್ಬರು ಪುರುಷರು ಅಂಗಡಿಯ ಮುಂದೆ ಆರಾಮವಾಗಿ ಮಾತನಾಡುವುದನ್ನು, ಒಬ್ಬ ಮಹಿಳೆ ಶಾಪಿಂಗ್ ಬ್ಯಾಗ್‌ನೊಂದಿಗೆ ನಡೆದುಕೊಂಡು ಹೋಗುವುದನ್ನು ಮತ್ತು ಮಕ್ಕಳು ಗುಂಪಿನಲ್ಲಿ ಬೆರೆಯುವುದನ್ನು ಕಾಣಬಹುದು. ನಂತರ,ಸ್ಫೋಟದ ಶಬ್ಧ ಕೇಳುತ್ತಿದ್ದಂತೆ ಜನರು ಓಡಿ ಹೋಗುವ ದೃಶ್ಯಗಳು ಕಾಣುತ್ತದೆ.

ಘಟನೆಯ ಹಿನ್ನೆಲೆ

ಕೆಂಪುಕೋಟೆಯ ಮೆಟ್ರೋ ಸ್ಟೇಷನ್ ಬಳಿ ಸಂಜೆ 6.30ರ ಸುಮಾರಿಗೆ ಕಾರೊಂದು ಸ್ಫೋಟಗೊಂಡಿದ್ದು, ಪಕ್ಕದಲ್ಲಿ 7ರಿಂದ 8 ಕಾರುಗಳು ಬೆಂಕಿಗಾಹುತಿಯಾಗಿವೆ. ಘಟನೆಯಲ್ಲಿ 8 ಮಂದಿ ಮೃತಪಟ್ಟಿದ್ದು, 30ಕ್ಕೂ ಅಧಿಕ ಜನ ಗಾಯಗೊಂಡಿದ್ದಾರೆ.

ಮೆಟ್ರೋ ನಿಲ್ದಾಣದ ಗೇಟ್ ಸಂಖ್ಯೆ 1 ರ ಬಳಿ ಕಾರಿನಲ್ಲಿ ಸ್ಫೋಟ ಸಂಭವಿಸಿದೆ. ನಂತರ ಪಕ್ಕದಲ್ಲಿದ್ದ 7 ರಿಂದ 8 ವಾಹನಗಳು ಸಹ ಬೆಂಕಿಗೆ ಆಹುತಿಯಾಗಿ ಹಾನಿಯಾಗಿವೆ. ತಕ್ಷಣ ಸ್ಥಳಕ್ಕೆ ಸುಮಾರು 20 ಅಗ್ನಿಶಾಮಕದಳ ವಾಹನಗಳು ಧಾವಿಸಿ ಬೆಂಕಿಯನ್ನು ನಂದಿಸಿವೆ. ಗಾಯಾಳುಗಳಮನ್ನು ಹತ್ತಿರದ ಎಲ್​ಎನ್​ಜೆಪಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. (ಏಜೆನ್ಸೀಸ್)

https://www.vijayavani.net/car-explosion-tragedy-i20-car-original-owner-mohammed-salman-arrested