'ರಾಹುಲ್ ಮೋದಿ-420'-ಯುಪಿಎಸ್​ಸಿ ಫಲಿತಾಂಶದ ಬೆನ್ನಲ್ಲೇ ಟ್ರೆಂಡ್​ ಆದ ಹೆಸರು...!

ಇಂದು ಯುಪಿಎಸ್​ಸಿ -2019 ಪರೀಕ್ಷೆ ಫಲಿತಾಂಶ ಪ್ರಕಟವಾಗಿದ್ದು, ಹರ್ಯಾಣದ ಪ್ರದೀಪ್ ಸಿಂಗ್​ ಮೊದಲನೇ ರ‍್ಯಾಂಕ್ ಪಡೆದು ಸಾಧನೆ ಮಾಡಿದ್ದಾರೆ. ಹಾಗೇ ದೆಹಲಿಯ ಜತಿನ್​ ಕಿಶೋರ್​ ಮತ್ತು ಉತ್ತರ ಪ್ರದೇಶದ ಪ್ರತಿಭಾ ವರ್ಮಾ ಕ್ರಮವಾಗಿ ಎರಡು ಮತ್ತು ಮೂರನೇ ರ‍್ಯಾಂಕ್​​ನೊಂದಿಗೆ ಟಾಪರ್ಸ್​ ಸ್ಥಾನಕ್ಕೇರಿದ್ದಾರೆ.

ಆದರೆ ಈ ಬಾರಿ ಯುಪಿಎಸ್​ಸಿ ಪರೀಕ್ಷೆ ಫಲಿತಾಂಶದ ಲಿಸ್ಟ್​ನಲ್ಲಿ ಒಂದು ವಿಚಿತ್ರ ನಡೆದಿದೆ. 420ನೇ ರ‍್ಯಾಂಕ್ ಪಡೆದಿರುವ ಅಭ್ಯರ್ಥಿ ರಾಹುಲ್​ ಮೋದಿ. ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ 'ರಾಹುಲ್​ ಮೋದಿ-420' ಎಂದು ಟ್ರೆಂಡ್​ ಆಗುತ್ತಿದೆ.

ಭಾರತೀಯ ರಾಜಕಾರಣದಲ್ಲಿ ನರೇಂದ್ರ ಮೋದಿ ಮತ್ತು ಕಾಂಗ್ರೆಸ್​ನ ರಾಹುಲ್​ ಗಾಂಧಿ ಪರಸ್ಪರ ವಿರೋಧಿಗಳು. ಆದರೆ ಕಾಕತಾಳೀಯವೆಂಬಂತೆ ಯುಪಿಎಸ್​ಸಿಯಲ್ಲಿ 420ನೇ ರ‍್ಯಾಂಕ್ ಪಡೆದವರ ಹೆಸರು ಇಬ್ಬರೂ ರಾಜಕಾರಣಿಗಳ ಅರ್ಧ ಹೆಸರನ್ನೊಳಗೊಂಡಿದೆ. ಅದೂ 420ನೇ ಸ್ಥಾನದಲ್ಲೇ ಬಂದಿದ್ದು ನೆಟ್ಟಿಗರಿಗೆ ಆಹಾರವಾದಂತಾಗಿದೆ. (ಏಜೆನ್ಸೀಸ್​)

https://www.vijayavani.net/indian-man-in-deadly-isis-attack-on-afghanistans-jalalabad-jail/