ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಷಾ ಜ.18ಕ್ಕೆ ಹುಬ್ಬಳ್ಳಿಗೆ ಬರುತ್ತಿದ್ದು, ಅಲ್ಲಿಯೇ ಚರ್ಚೆ ನಡೆಸುವುದಾಗಿ ಮುಖ್ಯಮಂತ್ರಿ ಯಡಿಯೂರಪ್ಪ ಪ್ರಕಟಿಸಿರುವ ಕಾರಣ, ಅಲ್ಲಿಯವರೆಗೆ ಸಂಪುಟ ಸಮಸ್ಯೆ ಇತ್ಯರ್ಥಗೊಳ್ಳುವಂತೆ ಕಾಣುತ್ತಿಲ್ಲ. ಹುಬ್ಬಳ್ಳಿ ಸಮಾವೇಶದಲ್ಲಿ ಸಿಎಂ, ಅಮಿತ್ ಷಾ ಅವರನ್ನು ಭೇಟಿಯಾದರೂ ಅಷ್ಟು ಸಾರಾಸಗಟಾಗಿ ಒಪ್ಪಿಗೆ ಕೊಡುವ ಲಕ್ಷಣಗಳಿಲ್ಲ. ಬದಲಿಗೆ ದಾವೋಸ್ ಸಮಾವೇಶ ಮುಗಿದ ಬಳಿಕ ಚರ್ಚೆ ಮಾಡೋಣ ಎಂದು ಮತ್ತೆ ಮುಂದೂಡುವ ಸಾಧ್ಯತೆಗಳು ದಟ್ಟವಾಗಿವೆ. ಸಂಪುಟ ವಿಸ್ತರಣೆ ಬಗ್ಗೆ ದೆಹಲಿಗೆ ಬರುವುದಾಗಿ ಕೇಂದ್ರ ನಾಯಕರಿಗೆಲ್ಲ ಸಿಎಂ ಮಾಹಿತಿ ರವಾನಿಸಿದಾಗಲೆಲ್ಲ ಅದಕ್ಕೆ ರೆಡ್ ಸಿಗ್ನಲ್ ತೋರಿಸುತ್ತಲೇ ಇದ್ದಾರೆ. ಇದರ ಹಿಂದೆ ಇರುವ ನಿಜ ಕಾರಣ ಏನು ಎನ್ನುವುದು ಬಿಜೆಪಿ ನಾಯಕರಿಗೆಲ್ಲ ಯಕ್ಷ ಪ್ರಶ್ನೆಯಾಗಿದೆ.
