ಚಿತ್ರ ವಿ-ಚಿತ್ರ: ನಾಯಿಮರಿಗಾಗಿ ಮನೆಯಲ್ಲೇ ಬಸ್

ನವದೆಹಲಿ: ಎಷ್ಟೋ ಜನರಿಗೆ ಪ್ರಾಣಿಗಳನ್ನು ಸಾಕುವುದೆಂದರೆ ಇಷ್ಟ. ಹೆಚ್ಚಾಗಿ ಸಾಕಲ್ಪಡುವ ಪ್ರಾಣಿಗಳೆಂದರೆ ಬೆಕ್ಕುಗಳು ಹಾಗೂ ನಾಯಿಗಳು. ಅಮೆರಿಕದ ಫುಟ್​ಬಾಲ್ ಆಟಗಾರರೊಬ್ಬರು ತಾವು ಸಾಕಿದ ನಾಯಿಮರಿಗಾಗಿ ಮನೆಯೊಳಗೇ ಏಣಿಯ ಮೆಟ್ಟಿಲುಗಳ ಪಕ್ಕ ಲಿಫ್ಟ್ ಮಾದರಿಯ ಡಬ್ಬಲ್ ಡೆಕ್ಕರ್ ಬಸ್​ನ ವ್ಯವಸ್ಥೆ ಮಾಡಿದ್ದಾರೆ.

ಒಳಗೆ ಕುಳಿತ ಕೂಡಲೇ ಬಸ್ ನಾಯಿಮರಿಯನ್ನು ಮೇಲಿನಿಂದ ಕೆಳಕ್ಕೆ, ಕೆಳಗಿನಿಂದ ಮೇಲಕ್ಕೆ ಕೊಂಡೊಯ್ಯುತ್ತದೆ. ನಾಯಿಮರಿಯು ಸಂಧಿವಾತ ಸಮಸ್ಯೆಯಿಂದ ಬಳಲುತ್ತಿದ್ದು, ಅದರ ಸ್ನಾಯು, ಮೃದ್ವಸ್ಥಿಗಳು ದುರ್ಬಲವಾಗಿವೆ. ಹೀಗಾಗಿ ಅದು ನಡೆದಾಡಿದರೆ ಬಿದ್ದುಹೋಗುತ್ತಿದೆ.ಹೀಗಾಗಿ ಈ ವ್ಯವಸ್ಥೆ ಮಾಡಲಾಗಿದೆ. ಈ ವ್ಯವಸ್ಥೆಗೆ ಅಂತರ್ಜಾಲದಲ್ಲಿ ಶ್ಲಾಘನೆ ವ್ಯಕ್ತವಾಗಿದೆ.