ಠಾಣೆಯ ಬಳಿಯೇ ಪೊಲೀಸ್ ಅಧಿಕಾರಿಯ ಮೇಲೆ ದಾಳಿ ಮಾಡಿದ ರೊಚ್ಚಿಗೆದ್ದ ಎಮ್ಮೆ; ಭಯಾನಕ ವಿಡಿಯೋ ವೈರಲ್​

ದಷ್ಟಪುಷ್ಟ ಎಮ್ಮೆಯೊಂದು ಪೊಲೀಸ್​ ಅಧಿಕಾರಿಯ ಮೇಲೆ ದಾಳಿ ಮಾಡಿರುವ ಭಯಾನಕ ವಿಡಿಯೋ ಸೋಷಿಯಲ್​ ಮೀಡಿಯಾಗಳಲ್ಲಿ ಸಿಕ್ಕಾಪಟೆ ವೈರಲ್ ಆಗುತ್ತಿದೆ.

ಉತ್ತರ ಪ್ರದೇಶದ ಸಂಭಾಲ್​​ನಲ್ಲಿನ ಠಾಣೆಯ ಆವರಣದಲ್ಲಿ ಈ ಘಟನೆ ನಡೆದಿದೆ. ಪೊಲೀಸ್ ಅಧಿಕಾರಿ ತಮ್ಮ ಬೈಕ್​​ನಲ್ಲಿ ಠಾಣೆಯ ದ್ವಾರ ಪ್ರವೇಶಿಸುತ್ತಿದ್ದರು. ಅಷ್ಟರಲ್ಲಿ ಅಲ್ಲಿಯೇ ಇದ್ದ ದೊಡ್ಡ ಎಮ್ಮೆ ಓಡಿಬಂದು ಅವರ ಬೈಕ್​​ಗೆ ಗುದ್ದಿದೆ. ಕೆಳಗೆ ಬಿದ್ದ ಪೊಲೀಸ್​ ಅಧಿಕಾರಿಯನ್ನು ಸ್ವಲ್ಪ ದೂರ ರೋಡ್​​ನಲ್ಲಿಯೇ ಎಳೆದುಕೊಂಡು ಹೋಗಿದೆ. ಅಷ್ಟರಲ್ಲಿ ಗುಲಾಬಿ ಬಣ್ಣದ ಅಂಗಿ ಹಾಕಿಕೊಂಡವನೊಬ್ಬ ಬಂದು ಎಮ್ಮೆಯನ್ನು ಅಲ್ಲಿಂದ ಓಡಿಸುವುದನ್ನು ವಿಡಿಯೋದಲ್ಲಿ ನೋಡಬಹುದು. ಇದನ್ನೂ ಓದಿ: ಮುಗಿಸಿಬಿಡ್ತೀನಿ ಅಂತ ಸುಶಾಂತ್​ಗೆ ಧಮ್ಕಿ ಹಾಕಿದ ಸ್ಟಾರ್ ಯಾರು?

ಈ ಎಮ್ಮೆಗೆ ಅದೇನಾಗಿತ್ತೋ ಗೊತ್ತಿಲ್ಲ...ತುಂಬ ರೊಚ್ಚಿಗೆದ್ದಿತ್ತು. ಪೊಲೀಸ್ ಅಧಿಕಾರಿಯ ಮೇಲೆ ದಾಳಿ ಮಾಡುವ ಮುನ್ನ, ಕೆಲವು ವಾಹನಗಳನ್ನೂ ಧ್ವಂಸ ಮಾಡಿದೆ ಎಂದು ಸ್ಥಳೀಯರು ಹೇಳಿದ್ದಾರೆ. ಎಮ್ಮೆಯಿಂದ ದಾಳಿಗೆ ಒಳಗಾದ ಪೊಲೀಸ್​ ಅಧಿಕಾರಿ ಎಎನ್​ಐ ಜತೆ ಮಾತನಾಡಿದ್ದು, ತಮಗೆ ಯಾವುದೇ ಗಂಭೀರ ಗಾಯವಾಗಿಲ್ಲ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/with-no-money-for-last-rites-man-abandons-mothers-body/