ಬಜೆಟ್​ ಘೋಷಣೆ, ಬಿಪಿಸಿಎಲ್​ ಆರ್ಡರ್: EV ಚಾರ್ಜರ್​ ತಯಾರಿಕೆ ಕಂಪನಿ ಷೇರಿಗೆ ಗರಿಷ್ಠ ಬೆಲೆ; ಫೆ. 6ರಂದು ಮಹತ್ವದ ದಿನ

ಮುಂಬೈ: ಸರ್ವೋಟೆಕ್ ಪವರ್ ಸಿಸ್ಟಮ್ಸ್ ಲಿಮಿಟೆಡ್ (Servotech Power Systems Ltd ) ಷೇರುಗಳ ಬೆಲೆ ನಿರಂತರವಾಗಿ ಹೆಚ್ಚುತ್ತಿದೆ. ಕಂಪನಿಯ ಷೇರುಗಳು ಶುಕ್ರವಾರವೂ ಅಪ್ಪರ್​ ಸರ್ಕ್ಯೂಟ್​ ಮುಟ್ಟಿ, ಶೇಕಡಾ 5 ಗರಿಷ್ಠ ಹೆಚ್ಚಳದ ಮಿತಿಯನ್ನು ತಲುಪಿದವು. ಅಲ್ಲದೆ, ಈ ಷೇರುಗಳ ಬೆಲೆ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ಕೂಡ ತಲುಪಿತು.

ಬಜೆಟ್​ ದಿನವಾದ ಗುರುವಾರ ಕೂಡ ಅಪ್ಪರ್​ ಸರ್ಕ್ಯೂಟ್​ ತಲುಪಿ, ಶೇಕಡಾ 5ರ ಏರಿಕೆಯನ್ನು ಈ ಷೇರು ದಾಖಲಿಸಿತ್ತು.

ಮಧ್ಯಂತರ ಬಜೆಟ್ ಮಂಡನೆಯನ್ನು ಮಾಡುವಾಗ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಎಲೆಕ್ಟ್ರಿಕ್ ವೆಹಿಕಲ್ (ಇವಿ) ಚಾರ್ಜರ್‌ಗಳ ಕುರಿತು ಮಾತನಾಡಿದ್ದರು. ಚಾರ್ಜಿಂಗ್ ಮೂಲಸೌಕರ್ಯವನ್ನು ಹೆಚ್ಚಿಸಲು ಎಲೆಕ್ಟ್ರಿಕ್ ವಾಹನ ಪರಿಸರ ವ್ಯವಸ್ಥೆಯನ್ನು ವಿಸ್ತರಿಸಲು ಸರ್ಕಾರ ಯೋಜಿಸಿದೆ. ಅಲ್ಲದೆ, ಸಾರ್ವಜನಿಕ ಸಾರಿಗೆ ಜಾಲದಲ್ಲಿ ಎಲೆಕ್ಟ್ರಿಕ್ ಬಸ್‌ಗಳ ಬಳಕೆ ಹೆಚ್ಚಿಸಲಾಗುತ್ತದೆ ಎಂದು ಹೇಳಿದ್ದರು.

ಎಲೆಕ್ಟ್ರಿಕ್ ವಾಹನಗಳ ಕುರಿತು ಬಜೆಟ್ ಯೋಜನೆಗಳಿಂದಾಗಿ ಈ ಸ್ಟಾಕ್ ಬೆಲೆ ಹೆಚ್ಚಳ ಕಾಣುತ್ತಿದೆ ಎಂದು ಸ್ಟಾಕ್ ಮಾರುಕಟ್ಟೆಯ ವಿಶ್ಲೇಷಕರು ಹೇಳುತ್ತಾರೆ.

ಸರ್ವೋಟೆಕ್ ಪವರ್ ಸಿಸ್ಟಮ್ಸ್ ಲಿಮಿಟೆಡ್ EV ಪರಿಕಲ್ಪನೆಯೊಂದಿಗೆ ಕೆಲಸ ಮಾಡುವ ಪಟ್ಟಿ ಮಾಡಿದ ಕಂಪನಿಗಳಲ್ಲಿ ಒಂದಾಗಿರುವುದರಿಂದ ಈ ಸ್ಟಾಕ್ ಅನ್ನು ಈಗ ಹೆಚ್ಚು ಖರೀದಿಸಲಾಗುತ್ತಿದೆ.

ಹಸಿರು ಶಕ್ತಿ ಇಂಧನ ಕ್ಷೇತ್ರದಲ್ಲಿ ಸ್ವಲ್ಪ ಬೆಳವಣಿಗೆಯನ್ನು ನಿರೀಕ್ಷಿಸಲಾಗಿದೆ. ಗಾಳಿ ಶಕ್ತಿಯು ನಮಗೆ ಅತ್ಯಂತ ಆಸಕ್ತಿದಾಯಕವಾಗಿದೆ. ಏಕೆಂದರೆ ನಾವು ಗಾಳಿ ಶಕ್ತಿಯೊಂದಿಗೆ ತೊಡಗಿಸಿಕೊಂಡಿರುವ ಕಂಪನಿಯಲ್ಲಿ ಹೂಡಿಕೆ ಮಾಡುತ್ತೇವೆ ಎಂದು ಹೆಸರಾಂತ ಪೋರ್ಟ್‌ಫೋಲಿಯೊ ಕಂಪನಿಯ ಸಂಸ್ಥಾಪಕ ಮತ್ತು ಫಂಡ್ ಮ್ಯಾನೇಜರ್ ಹೇಳಿದ್ದಾರೆ.

ಸರ್ವೋಟೆಕ್ ಪವರ್ ಸಿಸ್ಟಂನ ಮಂಡಳಿಯ ಸಭೆಯು ಫೆಬ್ರವರಿ 6, 2024 ರಂದು ನಡೆಯಲಿವೆ. ಈ ಸಭೆಯಲ್ಲಿ ಡಿಸೆಂಬರ್ ತ್ರೈಮಾಸಿಕ ಫಲಿತಾಂಶಗಳನ್ನು ಪ್ರಕಟಿಸಲಾಗುತ್ತಿದೆ. ಈ ತ್ರೈಮಾಸಿಕ ಫಲಿತಾಂಶಗಳ ಘೋಷಣೆಯು ಷೇರಿನ ಬೆಲೆ ಮೇಲೆ ಪರಿಣಾಮ ಬೀರಲಿದೆ.

BPCL ಎಂದೂ ಕರೆಯಲ್ಪಡುವ ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್‌ನಿಂದ ಇತ್ತೀಚೆಗೆ ಆರ್ಡರನ್ನು ಈ ವಾರ ಸರ್ವೋಟೆಕ್ ಪವರ್ ಸಿಸ್ಟಮ್ಸ್ ಪಡೆದುಕೊಂಡಿದೆ. 1800 DC ಕ್ಷಿಪ್ರ ಎಲೆಕ್ಟ್ರಿಕ್ ಚಾರ್ಜರ್‌ಗಳನ್ನು ಖರೀದಿಸಲು BPCL 120 ಕೋಟಿ ರೂಪಾಯಿಗಳಿಗೆ ಆರ್ಡರ್ ನೀಡುತ್ತಿದೆ ಎಂದು ಕಂಪನಿಯು ತಿಳಿಸಿದೆ. ಈ ಯೋಜನೆಯು ಸರ್ವೋಟೆಕ್ ಉತ್ಪಾದನೆ, ವಿತರಣೆ ಮತ್ತು ಸ್ಥಾಪನೆಯನ್ನು ಒಳಗೊಳ್ಳುತ್ತದೆ.

ಸರ್ವೋಟೆಕ್ ಪವರ್ ಸಿಸ್ಟಮ್ಸ್ ಲಿಮಿಟೆಡ್ ಭಾರತೀಯ ಮೂಲದ ಕಂಪನಿಯಾಗಿದೆ. ನವೀನ ಸೌರ-ಚಾಲಿತ ವೈದ್ಯಕೀಯ ಸಾಧನಗಳು, ಸೌರ ಫಲಕಗಳ ತಯಾರಿಕೆಯಲ್ಲಿ ತೊಡಗಿದೆ.

ಕಂಪನಿಯು ಸೌರಶಕ್ತಿಯಿಂದ ಚಾಲಿತ ಇನ್ವರ್ಟರ್‌ಗಳ ತಯಾರಿಕೆಯನ್ನೂ ಮಾಡುತ್ತದೆ. ಕಂಪನಿಯ ಉತ್ಪನ್ನಗಳಲ್ಲಿ ಎಲೆಕ್ಟ್ರಿಕ್ ವೆಹಿಕಲ್ (ಇವಿ) ಚಾರ್ಜರ್‌ಗಳು ಮತ್ತು ಲೈಟ್-ಎಮಿಟಿಂಗ್ ಡಯೋಡ್‌ಗಳು (ಎಲ್‌ಇಡಿಗಳು), ಪವರ್ ಮತ್ತು ಬ್ಯಾಕಪ್, ಸೌರ ಉತ್ಪನ್ನಗಳು ಮತ್ತು ಇತರ ಹಲವು ವಸ್ತುಗಳು ಸೇರಿವೆ.

https://www.vijayavani.net/export-company-that-gave-300-return-one-bonus-share-offer-for-one-stock

https://www.vijayavani.net/stock-that-gave-4000-gain-hits-upper-circuit-as-company-gears-up-to-give-bonus

https://www.vijayavani.net/miracle-of-rs-8-share-1-lakh-became-55-lakh-investors-are-crorepatis