ವಧುವಿನ ಸಹಾಯಕಿಯೂ ಬಾಡಿಗೆಗೆ ಸಿಗುತ್ತಾಳೆ! ನ್ಯೂಯಾರ್ಕ್‌ನಲ್ಲಿ ಹೊರಹೊಮ್ಮಿದ್ದಾರೆ 'ಬ್ರೈಡ್​​ ಮೇಡ್​​'ಗಳು

ಮನೆ ಕಟ್ಟಿ ನೋಡು ಅಥವಾ ಒಂದು ಮದುವೆ ಮಾಡಿ ನೋಡು ಅನ್ನೋ ಮಾತಿದೆ. ಮದುವೆ ಅಂದ್ರೆ ಸಾಕು ಸಾಕಷ್ಟು ಕೆಲಸಗಳಿರ್ತಾವೆ.
ಮದುವೆಗಳಿಗೆ ಮೇಕಪ್ ಆರ್ಟಿಸ್ಟ್, ಕ್ಯಾಟರರ್ಸ್ ಮತ್ತು ಛಾಯಾಗ್ರಾಹಕರನ್ನು ಕಾಯ್ದಿರಿಸುವಂತಹ ಸಾಕಷ್ಟು ಯೋಜನೆ ಅಗತ್ಯವಿರುತ್ತದೆ. ಆದರೆ ಮದುವಣಗಿತ್ತಿಯ ಆಪ್ತೆ ಅಥವಾ ಸಹಾಯಕಿಯನ್ನು ಬುಕ್ ಮಾಡುವ ಬಗ್ಗೆ ನೀವು ಎಂದಾದರೂ ಕೇಳಿದ್ದೀರಾ?

ವಧುವಿನ ಹುಡುಗಿಯಾಗಿ "ಉದ್ಯೋಗ" ಮಾಡುವ ಅಸಾಮಾನ್ಯ ವಿವಾಹ ವೃತ್ತಿಪರರು ನ್ಯೂಯಾರ್ಕ್‌ನಲ್ಲಿ ಹೊರಹೊಮ್ಮಿದ್ದಾರೆ. ಮಹಿಳೆ, ಜೆನ್ ಗ್ಲಾಂಟ್ಜ್, ಒಂಬತ್ತು ವರ್ಷಗಳಿಂದ ವೃತ್ತಿಪರ ವಧುವಿನ ಗೆಳತಿಯ (Brides Maid) ಕಾರ್ಯನಿರ್ವಹಿಸುತ್ತಿದ್ದಾರೆ.
ಬ್ರೈಡ್ಸ್ ಮೆಯ್ಡ್ ಎಂಬ ಹೊಸ ವೃತ್ತಿ

"ಹೈರಿಂಗ್ ಬ್ರೈಡ್‌ಮೇಡ್" ಎಂಬ ತನ್ನ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ, ಜೆನ್ ತನ್ನ ವೃತ್ತಿಯ ಬಗ್ಗೆ ಮತ್ತು ಅದನ್ನು ಆಯ್ಕೆ ಮಾಡಲು ಕಾರಣವೇನು ಎಂಬುದರ ಕುರಿತು ಮಾತನಾಡುತ್ತಾಳೆ.

ಅವಳ ಅನೇಕ ಸ್ನೇಹಿತರು ಅವಳನ್ನು ಮದುವೆಗಳಲ್ಲಿ ಮದುವೆ ಗೆಳತಿಯಾಗಲು ಆಹ್ವಾನಿಸುತ್ತಿದ್ದರು, ಇದರಿಂದ ಪ್ರೇರಣೆ ಹೊಂದಿದ ಜೆನ್ ಗ್ಲಾಂಟ್ಜ್ ತನ್ನ ವೃತ್ತಿ ಪ್ರಾರಂಭಿಸಿದೆ ಎಂದು ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ ಜಗತ್ತಿನಲ್ಲಿ ತನ್ನಂತಹ ಇನ್ನೂ ಹೆಚ್ಚು ಜನರು ಈ ರೀತಿ ಇರಬಹುದು ಎಂದು ಅವಳು ಹೇಳುತ್ತಾಳೆ.
ಸದ್ಯ ಆಕೆಯ ಪೋಸ್ಟ್ ನೋಡಿದ ಜನರು ಅವಳನ್ನು ಸಾಕಷ್ಟು ಪ್ರಶ್ನಿಸಿದ್ದರೂ ಆಕೆ ಸುಮ್ಮನಿದ್ದು ಯಾವುದೇ ಉತ್ತರ ನೀಡಿಲ್ಲ. ನೂರಾರು ಲೈಕ್‌ಗಳು ಮತ್ತು ಕಾಮೆಂಟ್‌ಗಳೊಂದಿಗೆ ಜನರು ವೀಡಿಯೊಗೆ ಬೆಂಬಲವನ್ನು ಸಹ ತೋರಿಸಿದ್ದಾರೆ.