ಪರಸ್ಪರ ಮಾಸ್ಕ್ ತೊಡಿಸಿ ಗಮನ ಸೆಳೆದ ವಧು-ವರರು!

ಹುಬ್ಬಳ್ಳಿ: ಕರೊನಾ ಲಾಕ್‌ಡೌನ್ ಇದ್ದ ಕಾರಣ ಇದುವರೆಗೆ ಮದುವೆ ನಡೆಯುವುದೇ ದುಸ್ತರವಾಗಿತ್ತು. ಒಂದು ವೇಳೆ ಅಧಿಕಾರಿಗಳ ಕಣ್ತಪ್ಪಿಸಿ ಮದುವೆ ನಡೆದರೂ ಅದರಲ್ಲಿ ಸಾಮಾಜಿಕ ಅಂತರ, ಮಾಸ್ಕ್ ಮುಂತಾದ ನಿಯಮಗಳನ್ನು ಪಾಲಿಸುವುದು ಕಂಡುಬರುತ್ತಿರಲಿಲ್ಲ.

ಆದರೆ ಹುಬ್ಬಳ್ಳಿ ನಗರದಲ್ಲಿ ಸೋಮವಾರ ನಡೆದ ಮದುವೆ ಸಮಾರಂಭವೊಂದು ಕರೊನಾ ಕಾಲದಲ್ಲೂ ಮಾದರಿ ಎಂದು ಹೊಗಳಿಕೆಗೆ ಪಾತ್ರವಾಗಿದೆ.

ಇದನ್ನೂ ಓದಿ: ‘ಮಾಸ್ಕ್ ಹಾಕ್ಕೊಳ್ರಯ್ಯ’ ಎಂದಿದ್ದಕ್ಕೆ ಪೊಲೀಸಪ್ಪನ ಬಟ್ಟೆ ಹರಿದು ಹಲ್ಲೆ!

ನವ ದಂಪತಿಗಳು ಹಾರ ಬದಲಾಯಿಸಿಕೊಂಡಿದ್ದಲ್ಲದೇ ಮಾಸ್ಕ್ ಸಹ ಬದಲಾಯಿಸಿಕೊಳ್ಳುವ ಮೂಲಕ ಹೊಸ ಸಂಪ್ರದಾಯಕ್ಕೆ ನಾಂದಿ ಹಾಡಿದರು.

ಇಲ್ಲಿನ ಉದಯನಗರದ ಸೋಮಲಿಂಗೇಶ್ವರ ದೇವಸ್ಥಾನದಲ್ಲಿ ಆಯೋಜಿಸಲಾಗಿದ್ದ ವಿವಾಹ ಸಮಾರಂಭದಲ್ಲಿ ಶಿವರಾಜ್- ಪ್ರಶಾಂತಿನಿ ಹಾಗೂ ಸುನೀಲ- ಸುಪ್ರಿಯಾ ಜೋಡಿ ಪರಸ್ಪರರಿಗೆ ಹಾರ ಹಾಕಿದ ನಂತರ, ಮಾಸ್ಕ್ ಸಹ ತೊಡಿಸಿದರು. ಆ ಮೂಲಕ ಮಾಸ್ಕ್ ಕುರಿತು ಅಲ್ಲಿಗೆ ಬಂದಿದ್ದ ಬಂಧುಗಳಲ್ಲಿ ಮತ್ತು ಒಟ್ಟಾರೆಯಾಗಿ ಸಾರ್ವಜನಿಕರಲ್ಲಿ ವಿಭಿನ್ನವಾಗಿ ಜಾಗೃತಿ ಮೂಡಿಸಿದರು.

ಇದನ್ನೂ ಓದಿ: VIDEO: ಪಾಂಡ್ಯ ಸಹೋದರರ ಸಂಗೀತ ಪ್ರೇಮ