ಆಕೆ ವಾಟ್ಸ್ಆ್ಯಪ್ನಲ್ಲಿ ವರನ ಫೋಟೋ ನೋಡಿದಾಗ ಆತ ಅವಳಿಗೆ ಸುಂದರವಾಗಿ ಕಂಡಿದ್ದನಂತೆ. ಆದರೆ ಮಂಟಪದಲ್ಲಿ ಕಂಡ ಆತನ ಮುಖ ಆಕೆಗೆ ಇಷ್ಟವಾಗಿಲ್ಲ. ಹುಡುಗ ನಾನು ವಾಟ್ಸ್ಆ್ಯಪ್ನಲ್ಲಿ ನೋಡಿದ ಹುಡುಗನ ಹಾಗಿಲ್ಲ ಎಂದು ಗೋಳಿಡಲು ಆರಂಭಿಸಿದ್ದಾಳೆ. ಸೊಸೆಯಾಗಿ ಬರಬೇಕಾದವಳ ದೂರು ಕೇಳಿ ವರನ ಕುಟುಂಬದವರೂ ಸಿಟ್ಟಿಗೆದ್ದು ಜಗಳ ಆರಂಭಿಸಿದ್ದಾರೆ. ವಧುವಿನ ಕುಟುಂಬದವರು ಆಕೆಯ ಮನವೊಲಿಸಲು ಸಾಕಷ್ಟು ಪ್ರಯತ್ನ ಮಾಡಿದ್ದಾರೆ. ಆದರೆ ಅದು ಸಾಧ್ಯವಾಗದೆ ಎರಡೂ ಕುಟುಂಬಗಳ ನಡುವಿನ ಜಗಳ ತಾರಕಕ್ಕೇರಿದೆ. ಅಷ್ಟರಲ್ಲಿ ಊರಿನ ಮುಖ್ಯಸ್ಥರು ಮಧ್ಯಸ್ತಿಕೆ ವಹಿಸಿದ್ದು, ಮದುವೆ ಮಾಡದೆಯೇ ವರನ ಕುಟುಂಬವನ್ನು ವಾಪಾಸು ಕಳುಹಿಸಿದ್ದಾರೆ. (ಏಜೆನ್ಸೀಸ್)
