ವಧು ಬಿಹಾರದಲ್ಲಿ, ವರ ಉತ್ತರ ಪ್ರದೇಶದಲ್ಲಿ- ಮದುವೆ ನಡೆಯಿತು ವಿಡಿಯೋ ಕಾಲ್ ಮೂಲಕ!

ಲಖನೌ: ಕರೊನಾ ಸೋಂಕು ತಡೆಗಟ್ಟುವ ಸಲುವಾಗಿ ದೇಶದಲ್ಲಿ ಲಾಕ್​ಡೌನ್ ಘೋಷಣೆಯಾಗಿದ್ದು ಪ್ರಯಾಣದ ಮೇಲೆ ನಿರ್ಬಂಧ ಹೇರಲಾಗಿದೆ. ನಿಶ್ಚಿಯಿಸಲ್ಪಟ್ಟ ಮದುವೆ ನಡೆಸುವುದಕ್ಕೆ ಅವರು ಕಂಡುಕೊಂಡ ವಿಧಾನ ಈಗ ದೇಶದ ಗಮನಸೆಳೆದಿದೆ. ವಧು ಬಿಹಾರದ ಪಟನಾದವಳು. ವರ ಉತ್ತರ ಪ್ರದೇಶದ ಘಾಜಿಯಾಬಾದ್​ನವನು. ಅವರ ವಿವಾಹ ಸರಳವಾಗಿ ಅವರವರ ಮನೆಯಲ್ಲಿದ್ದುಕೊಂಡೇ ನಡೆಯಿತು. ಅದೂ ವಿಡಿಯೋ ಕಾಲ್​ ಮೂಲಕ!

ವಧು ಸಾದಿಯಾ ನಸ್ರೀನ್ ಮತ್ತು ವರ ದಾನಿಷ್​ ರಝಾ ಅವರ ವಿವಾಹ ಮಾರ್ಚ್ 23ರಂದು ನಡೆಸಲು ಅವರ ಮನೆಯವರು ನಿಶ್ಚಯಿಸಿದ್ದರು. ಆದರೆ, ಸರ್ಕಾರ ದಿಢೀರ್ ಅಗಿ ಸಂಕಷ್ಟಮಯ ಸನ್ನಿವೇಶದ ಕಾರಣ 21ದಿನಗಳ ಲಾಕ್​ಡೌನ್ ಘೋಷಿದೆ. ಇದರ ನಡುವೆ ಕೆಲವು ರಾಜ್ಯಗಳಲ್ಲಿ ಮೊದಲೇ ನಿರ್ಬಂಧ ಇದ್ದ ಕಾರಣ, ವರ ರಝಾ ಘಾಜಿಯಾಬಾದ್​ನಿಂದ ಪಟನಾಕ್ಕೆ ಪ್ರಯಾಣಿಸುವುದು ಸಾಧ್ಯವಾಗಲಿಲ್ಲ. ಇಷ್ಟಾಗ್ಯೂ ವಿವಾಹ ಕಾರ್ಯ ನೆರವೇರಿಸಲು ಆ ಕುಟುಂಬಗಳು ನಿಶ್ಚಯಿಸಿದ ಕಾರಣ ಧಾರ್ಮಿಕ ಮುಖಂಡರು ವಿಡಿಯೋ ಕಾಲ್​ ಮೂಲಕ ಅದನ್ನು ನೆರವೇರಿಸಿಕೊಟ್ಟರು.

ವಿಡಿಯೋದಲ್ಲಿ ಜೋಡಿ ಖುಬೂಲ್​ ಹೇ ಎಂದು ಹೇಳುವ ದೃಶ್ಯವಿದೆ. ಅದೇ ರೀತಿ ಸಂಬಂಧಿಕರು ಪರಸ್ಪರ ಆಲಂಗಿಸಿಕೊಂಡು ಮುಬಾರಕ್ ಹೋ ಎಂದು ಹೇಳುವುದೂ ಕಾಣಿಸುತ್ತಿದೆ. ಈ ವಿಶೇಷ ವಿವಾಹ ಕಾರ್ಯವನ್ನು ವಿಡಿಯೋ ಮಾಡಿದ್ದು, ಅದೀಗ ವೈರಲ್ ಆಗಿದೆ. (ಏಜೆನ್ಸೀಸ್)

https://www.vijayavani.net/war-against-corona-virus-railways-to-make-ventilators-coaches-to-be-isolation-units/