ಹಸಮಣೆ ಏರಿದಳು, ತಾಳಿಗೆ ಕೊರಳೊಡ್ಡಿದಳು! ಮೊದಲ ರಾತ್ರಿಯೇ ಕಾದಿತ್ತು ಪತಿಗೆ ಭಯಾನಕ ಶಾಕ್​ | Bride

Bride Escape: ಪ್ರಸ್ತುತ ನಡೆಯುತ್ತಿರುವ ವಿಚಿತ್ರ ಘಟನೆಗಳು ಮದುವೆ ಎಂದರೆ ಹೆದರುವಂತೆ ಮಾಡಿಟ್ಟಿದೆ. ನೂರಾರು ಕನಸುಗಳನ್ನು ಹೊತ್ತು ದಾಂಪತ್ಯ ಜೀವನಕ್ಕೆ ಕಾಲಿಟ್ಟು, ಜೀವನದ ಎರಡನೇ ಭಾಗವನ್ನು ಅದ್ಭುತವಾಗಿ ಕಟ್ಟಿಕೊಳ್ಳೋಣ ಎಂದು ಬಯಸುವ ಮನಸ್ಸುಗಳಿಗೆ ಇಂತಹ ಘಟನೆಗಳು ನಿಜಕ್ಕೂ ಆತಂಕ ಮೂಡಿಸುತ್ತವೆ.

ಇದನ್ನೂ ಓದಿ: ಇಸ್ರೇಲ್-ಹಮಾಸ್ ಕದನ ವಿರಾಮ: ನೀವು ಶಾಂತಿಯುತವಾಗಿ ಒಪ್ಪಿದರೆ ಸರಿ, ಇಲ್ಲದಿದ್ದರೆ ಮತ್ತೆ ದಾಳಿ ಮಾಡುತ್ತೇವೆ ಎಂದ ಬೆಂಜಮಿನ್ ನೆತನ್ಯಾಹು |Benjamin Netanyahu

ಇಲ್ಲೊಬ್ಬಳು ಯುವತಿ ತನ್ನ ಮನೆಯವರು ಹೇಳಿದಂತೆ ಮದುವೆಗೆ ಒಪ್ಪಿಕೊಂಡು, ವರನ ಕೈಯಿಂದ ತಾಳಿಯೂ ಕಟ್ಟಿಸಿಕೊಂಡು, ಮೊದಲ ರಾತ್ರಿಯಲ್ಲಿ ಮನೆಯಲ್ಲಿಟ್ಟಿದ್ದ ಚಿನ್ನಾಭರಣ, ಹಣವನ್ನು ಕದ್ದು, ಸ್ಥಳದಿಂದ ಪರಾರಿಯಾದ ಘಟನೆ ಸದ್ಯ ಕುಟುಂಬಸ್ಥರು ಮತ್ತು ಸಂಬಂಧಿಕರನ್ನು ಬೆರಗಾಗಿಸಿದೆ. ರಾಜಸ್ಥಾನದಲ್ಲಿ ನಡೆದ ಈ ಘಟನೆ ಇದೀಗ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದು, ಆರೋಪಿಯ ಸೆರೆಗೆ ಬಲೆ ಬೀಸಲಾಗಿದೆ.

ಮೊದಲ ರಾತ್ರಿಯೇ ಪತಿಗೆ ಶಾಕ್​

ಮದುವೆ ಸಂಭ್ರಮದಲ್ಲಿ ಎಲ್ಲರೊಂದಿಗೆ ಖುಷಿಯಿಂದಲೇ ಮಾತನಾಡುತ್ತಿದ್ದ ವಧು, ವರನ ಜತೆ ಹಸಮಣೆ ಏರಿ, ತಾಳಿಯನ್ನು ಕಟ್ಟಿಸಿಕೊಂಡಳು. ಬಳಿಕ ಮೊದಲ ರಾತ್ರಿಯಲ್ಲಿ ಪತಿಗೆ ಷರತ್ತು ಹಾಕಿದಳು. "ನಾವಿಬ್ಬರು ಈ ರಾತ್ರಿ ಒಟ್ಟಿಗೆ ಸೇರುವಂತಿಲ್ಲ, ಮಲಗುವಂತಿಲ್ಲ. ಇದು ನಮ್ಮ ಪದ್ಧತಿಗಳಿಗೆ ವಿರುದ್ಧವಾಗಿದೆ" ಎಂದು ಹೇಳಿದಳು. ಇದಕ್ಕೆ ಒಪ್ಪಿದ ಪತಿರಾಯ, ಇರಬಹುದೇನೋ ಎಂದುಕೊಂಡು ಬೇರೆ ಕೋಣೆಯಲ್ಲಿ ಮಲಗಿದ್ದಾನೆ. ಇದು ಆಕೆಯ ಕಳ್ಳತನಕ್ಕೆ ಒಂದು ನೆಪ ಎಂಬುದು ಆತನಿಗೆ ತಿಳಿಯಲಿಲ್ಲ.

ಬೆಳಗಿನ ಜಾವ 3 ಗಂಟೆ ಸುಮಾರಿಗೆ ನೀರು ಕುಡಿಯಲು ಎದ್ದ ಗಂಡನಿಗೆ, ಹೆಂಡತಿ ರೂಮ್​ನಲ್ಲಿ ಇಲ್ಲದೆ ಇರುವುದು ಆತಂಕ ಮೂಡಿಸಿದೆ. ಆಕೆ ಮಲಗಿದ್ದ ರೂಮ್​ನ ಸರಿಯಾಗಿ ನೋಡಿದಾಗ ಅಲ್ಮಿರಾದಲ್ಲಿದ್ದ ಚಿನ್ನಾಭರಣ ಮತ್ತು ನೋಟಿನ ಕಂತೆಗಳನ್ನು ಲಪಟಾಯಿಸಿ, ಪರಾರಿಯಾಗಿರುವುದು ಸ್ಪಷ್ಟವಾಗಿದೆ. ಸದ್ಯ ಯುವತಿ ವಿರುದ್ಧ ದೂರ ದಾಖಲಾಗಿದೆ,(ಏಜೆನ್ಸೀಸ್).

https://www.vijayavani.net/renukaswamy-murder-case-accused-darshan-case-on-trial