ಚಿತ್ರ ವಿ-ಚಿತ್ರ: ಬೆರಗು ಮೂಡಿಸುವ ಉತ್ಸಾಹಿ ಬಾಲಕ

ನವದೆಹಲಿ: ಸಾಮಾನ್ಯವಾಗಿ ಯಾವಾಗಲೂ ಮಕ್ಕಳು ಹಿರಿಯರಿಗಿಂತ ಉತ್ಸಾಹಿಗಳೇ ಆಗಿರುತ್ತಾರೆ. ಇದಕ್ಕೆ ಇತ್ತೀಚಿನ ಉದಾಹರಣೆಯೆಂದರೆ ಇಂಗ್ಲೆಂಡ್​ನ ಕೌಂಟಿಯ ಐದು ವರ್ಷದ ಬಾಲಕ ಟೋನಿ. ಎರಡೂ ಕಾಲುಗಳನ್ನು ಕಳೆದುಕೊಂಡಿರುವ ಈ ಬಾಲಕ ತನಗೆ ತಾನೇ ಹತ್ತು ಕಿ.ಮೀ. ನಡಿಗೆಯ ಚಾಲೆಂಜ್ ಸ್ವೀಕರಿಸಿದ್ದಾನೆ.

ಈ ಜೂನ್​ನಲ್ಲಿ ಪ್ರತಿನಿತ್ಯ ನಡೆಯುವ ಮೂಲಕ ತನ್ನ ಗುರಿಯನ್ನು ತಲುಪಲು ನಿರ್ಧರಿಸಿದ್ದಾನೆ. ಲಂಡನ್​ನ ಆಸ್ಪತ್ರೆಯೊಂದಕ್ಕಾಗಿ ಟೋನಿ 500 ಪೌಂಡ್ ಹಣ ಸಂಗ್ರಹಿಸುವ ಉದ್ದೇಶ ಹೊಂದಿದ್ದ. ಈಗಾಗಲೇ 3,90,000 ಪೌಂಡ್ ಸಂಗ್ರಹಿಸಿದ್ದಾನೆ. ಹುಟ್ಟಿದ 41 ದಿನಕ್ಕೇ ದೈಹಿಕ ಹಿಂಸೆಗೆ ಗುರಿಯಾಗಿದ್ದ ಟೋನಿ ಕೃತಕ ಕಾಲುಗಳ ನೆರವಿನಿಂದ ನಡೆಯುತ್ತಿದ್ದಾನೆ. ಇಷ್ಟಾದರೂ ಜೀವನಪ್ರೀತಿ ಕಳೆದುಕೊಳ್ಳದಿರುವುದು ವಿಶೇಷ.