EX Girlfriend​ಗೆ ನೂರಾರು ಗಿಫ್ಟ್​ ಕಳುಹಿಸಿ ಸೇಡು ತೀರಿಸಿಕೊಂಡ ಗೆಳೆಯ!; ಹೇಗೆ ಗೊತ್ತಾ?

EX Girlfriend : ಕ್ಯಾಶ್​​ ಆನ್​ ಡೆಲಿವರಿ ಮೂಲಕ ತನ್ನ ಮಾಜಿ ಗೆಳತಿಗೆ ನೂರಾರು ಬೃಹತ್​ ಮೊತ್ತದ ಗಿಫ್ಟ್ಸ್​ ಕಳುಹಿಸುವ ಮೂಲಕ ಸೇಡು ತೀರಿಸಿಕೊಂಡಿರುವ ವಿಲಕ್ಷಣ ಘಟನೆಯೊಂದು ಪಶ್ಚಿಮ ಬಂಗಾಳದ ನೊಯ್ಡದಲ್ಲಿ ವರದಿಯಾಗಿದೆ.

ಇದನ್ನೂ ಓದಿ:ಕೋರ್ಟ್ ಕಲಾಪಕ್ಕೆ ಗೈರು, ಥಿಯೇಟರ್​ಗೆ ಹಾಜರು! ದರ್ಶನ್​ಗೆ ಎದುರಾಗುತ್ತಾ ಮತ್ತೊಂದು ಸಂಕಷ್ಟ? Darshan

ತನ್ನ ಮಾಜಿ ಪ್ರಿಯಕರನೊಬ್ಬ ಕ್ಯಾಶ್​ ಆನ್​ ಡೆಲಿವರಿ(ಹಣ ಪಾವತಿ ಬಳಿಕ ವಸ್ತು ತಗೆದುಕೊಳ್ಳೋದು) ಗಿಫ್ಟ್ಸ್​ ಕಳುಹಿಸುವ ಮೂಲಕ ನಿರಂತರ ಕಿರುಕುಳ ನೀಡುತ್ತಿದ್ದಾನೆ ಎಂದು ಆರೋಪಿಸಿ ಯುವತಿ ದೂರು ದಾಖಲಿಸಿದ್ದು, ಆತನನ್ನು ಪೊಲೀಸರು ಇದೀಗ ಬಂಧಿಸಿದ್ದಾರೆ.

24 ವರ್ಷದ ಬ್ಯಾಂಕ್ ಕಾರ್ಯನಿರ್ವಾಹಕಿಯಾಗಿರುವ ಸಂತ್ರಸ್ತೆ ಲೇಕ್ ಟೌನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಆರೋಪಿ ಹಿಂಬಾಲಕ ಹಲವಾರು ಕ್ಯಾಶ್-ಆನ್-ಡೆಲಿವರಿ ಪ್ಯಾಕೇಜ್‌ಗಳನ್ನು ಕಳುಹಿಸುತ್ತಿದ್ದರಿಂದ ನಿರಂತರ ಕಿರುಕುಳ ಉಂಟಾಗಿದೆ ಮತ್ತು ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನಂತಹ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳು ಆಕೆಯ ಖಾತೆಗಳನ್ನು ನಿರ್ಬಂಧಿಸಿವೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.

ಇದನ್ನೂ ಓದಿ:ಕೂಲ್ ಕ್ಯಾಪ್ಟನ್‌ಗೆ ಮಹತ್ವದ ಜವಾಬ್ದಾರಿ; ಸಿಎಸ್‌ಕೆ ನಾಯಕನಾಗಿ ಎಂಎಸ್ ಧೋನಿ ಎಂಟ್ರಿ| Dhoni

ವರದಿಯ ಪ್ರಕಾರ, ಪೊಲೀಸರು ಆರಂಭದಲ್ಲಿ ಆಕೆಯ ಸಹೋದ್ಯೋಗಿಗಳು ಎಂದು ಶಂಕಿಸಿದ್ದಾರೆ. ಬಳಿಕ ಆಕೆಯ ಮಾಜಿ ಗೆಳೆಯ 25 ವರ್ಷದ ಸುಮಾನ್​ ಸಿಕ್ದರ್​ ಎಂದು ಗುರುತಿಸಲಾಗಿದೆ. ಕಳೆದ ವರ್ಷ ನವಂಬರ್​ನಿಂದ ಈ ವರೆಗೆ 300 ಕ್ಕೂ ಅಧಿಕ ಗಿಫ್ಟ್​ ಕಳುಹಿಸಿದ್ದಾನೆ.

ನಡೆದಿದ್ದೇನು..?

ಈ ಜೋಡಿ ಇತ್ತೀಚೆಗೆ ಬೇರ್ಪಟ್ಟಿತು. ಆದರೆ, ಇದನ್ನು ಸಹಿಸಲಾಗದೆ, ಸಿಕ್ದರ್ ಸೇಡಿನ ಕ್ರಮವಾಗಿ ಆಕೆಗೆ ಬೃಹತ್ ಪಾರ್ಸೆಲ್‌ಗಳನ್ನು ಕಳುಹಿಸಲು ಪ್ರಾರಂಭಿಸಿದನು. ಆ ಮಹಿಳೆ ಆನ್‌ಲೈನ್ ಶಾಪಿಂಗ್ ಅನ್ನು ಇಷ್ಟಪಡುತ್ತಿದ್ದಳು ಮತ್ತು ಆಗಾಗ್ಗೆ ತನ್ನಿಂದ ಉಡುಗೊರೆಗಳನ್ನು ಬೇಡುತ್ತಿದ್ದಳು, ಆದರೆ ಅದನ್ನು ಭರಿಸಲು ಅವನಿಗೆ ಸಾಧ್ಯವಾಗಲಿಲ್ಲ. ಇದರಿಂದ ಇಬ್ಬರು ಬೇರ್ಪಟ್ಟಿದ್ದರು ಎಂದು ಸಿಕ್ದರ್​ ಹೇಳಿದ್ದಾರೆ.

ಪಾರ್ಸೆಲ್ ಬುಕ್ ಮಾಡಿ, ಅಪರಿಚಿತ ಸಂಖ್ಯೆಗಳಿಂದ ಸಂದೇಶ ಮತ್ತು ಕರೆಗಳನ್ನು ಕಳುಹಿಸಿ ಕಿರುಕುಳ ನೀಡುತ್ತಿದ್ದಾಗಿ ಸಿಕ್ದರ್​ ಒಪ್ಪಿಕೊಂಡಿದ್ದಾನೆ.(ಏಜೆನ್ಸೀಸ್​)

https://www.vijayavani.net/up-meerut-husband-marries-wife-to-lover-out-of-fear

https://www.vijayavani.net/no-matter-who-says-im-a-tala-fan-instead-of-hating-me-rayudu-openly-scolded-me