ಆತ 12 ವರ್ಷದ ಬಾಲಕ. ಉತ್ತರ ಪ್ರದೇಶದ ನೋಯ್ಡಾದಲ್ಲಿ ತಂದೆ ತಾಯಿಯೊಂದಿಗೆ ಬದುಕುತ್ತಿದ್ದ. ಆತನ ಪಕ್ಕದ ಮನೆಯಲ್ಲಿ 16 ವರ್ಷದ ಬಾಲಕನಿದ್ದಾನೆ. ಇಬ್ಬರೂ ಒಂದೇ ಶಾಲೆಗೆ ಹೋಗುತ್ತಾರೆ. ಒಂದೇ ಬಸ್ಸಿನಲ್ಲಿ ಓಡಾಡುವ ಅವರ ಮಧ್ಯೆ ಸ್ನೇಹ ಬೆಳೆದಿದೆ. ಅದೇ ಸ್ನೇಹವನ್ನು ದುರುಪಯೋಗ ಮಾಡಿಕೊಂಡ 16 ವರ್ಷದ ಬಾಲಕ, ನೆರೆ ಮನೆಯ ಹುಡುಗನನ್ನು ಆಗಾಗ ಮನೆಗೆ ಕರೆಸಿಕೊಂದಿದ್ದಾನೆ. ಮನೆಯಲ್ಲಿ ಯಾರೂ ಇಲ್ಲದಿದ್ದಾಗ ಆತನ ಬಟ್ಟೆ ಬಿಚ್ಚಿ, ಲೈಂಗಿಕ ದೌರ್ಜನ್ಯವೆಸಗಿದ್ದಾನೆ. ಈ ರೀತಿಯ ಘಟನೆ ಕಳೆದ ನಾಲ್ಕು ವರ್ಷಗಳಿಂದ ನಡೆಯುತ್ತಲೇ ಬಂದಿದೆ. ಇತ್ತೀಚಿಗೆ ತನ್ನ ಮೇಲೆ ದೌರ್ಜನ್ಯವಾಗುತ್ತಿರುವುದಾಗಿ ಬಾಲಕ ಸಹಾಯವಾಣಿಯೊಂದಕ್ಕೆ ಕರೆ ಮಾಡಿ ತಿಳಿಸಿದ್ದು, ಅದರಿಂದ ವಿಚಾರ ಹೊರಬಿದ್ದಿದೆ. ಬಾಲಕನ ಪೋಷಕರು ಪೊಲೀಸರ ಮೊರೆ ಹೋಗಿದ್ದಾರೆ.
