ಬಾಲಕ ಆತ್ಮಹತ್ಯೆ; ಚಾಟ್​ ಜಿಪಿಟಿಯೇ ನಮ್ಮ ಮಗನ ಸಾವಿಗೆ ಕಾರಣ; ಓಪನ್ ಎಐ ಸಿಇಒ ವಿರುದ್ಧ ಕೇಸ್ ಹಾಕಿದ ತಂದೆ-ತಾಯಿ| ChatGPT

ChatGPT: ಅಮೆರಿಕಾದ ಕ್ಯಾಲಿಪೋರ್ನಿಯಾದಲ್ಲಿ 16 ವರ್ಷದ ಬಾಲಕ ಆ್ಯಡಮ್ ರೈನ್ ಎಂಬಾತ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಆದರೆ ಆತ್ಮಹತ್ಯೆಗೆ ಓಪನ್ ಎಐನ ಚಾಟ್​ಜಿಪಿಟಿಯೇ ಕಾರಣ ಎಂದು ಮೃತ ಬಾಲಕನ  ತಂದೆ-ತಾಯಿ ಆರೋಪಿಸಿದ್ದು, ಓಪನ್ ಎಐ ಸಿಇಒ ಸ್ಯಾಮ್ ಅಲ್ಟಮನ್​ ವಿರುದ್ಧ ಮೊಕದ್ದಮೆ ಹೂಡಿದ್ದಾರೆ ಎಂದು ವರದಿಯಾಗಿದೆ.

ಮೃತ ಬಾಲಕ ಆ್ಯಡಮ್ ರೈನ್ ಒಬ್ಬ ಪ್ರತಿಭಾವಂತ ವಿದ್ಯಾರ್ಥಿಯಾಗಿದ್ದು, ಏಪ್ರಿಲ್​ನಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಆತನ ತಂದೆ-ತಾಯಿಯಾದ ಮ್ಯಾಥ್ಯು ಮತ್ತು ಮರಿಯಾ ರೈನ್ ಕ್ಯಾಲಿಪೋರ್ನಿಯಾದ ಸುಪೇರಿಯರ್ ಕೋರ್ಟ್​ನಲ್ಲಿ ಕೇಸ್​ ದಾಖಲಿಸಿದ್ದಾರೆ.

ದಂಪತಿಗಳು ಸಲ್ಲಿಸಿದ ಮೊಕದ್ದಮೆಯಲ್ಲಿ, ChatGPT ತಮ್ಮ ಮಗನೊಂದಿಗೆ ಆರು ತಿಂಗಳ ಕಾಲ ಸಂವಾದ ನಡೆಸಿ, ಅವನಿಗೆ ಆತ್ಮಹತ್ಯೆಗೆ ಸಂಬಂಧಿಸಿದ ಸಲಹೆಗಳನ್ನು ನೀಡಿತು ಎಂದು ದೂರಿದ್ದಾರೆ. ಅತಿಯಾದ ಮತ್ತು ಅಪಾಯಕಾರಿ ಸಂವಾದವನ್ನು ನಡೆಸಿದ್ದು, AI ಚಾಟ್‌ಬಾಟ್ ಸಿವಿಕ್‌ನ ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಗುರುತಿಸಲು ವಿಫಲವಾಯಿತು. ಬದಲಿಗೆ, ಆತನಿಗೆ ಆತ್ಮಹತ್ಯೆಯ ಕುರಿತು "ಕೌನ್ಸೆಲಿಂಗ್" ನೀಡಿತು, ಇದು ಆತನಿಗೆ ಆತ್ಮಹತ್ಯೆ ಮಾಡಿಕೊಳ್ಳುವ ನಿರ್ಧಾರವನ್ನು ಉತ್ತೇಜಿಸಿತು ಎಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ: ಭಾರತೀಯ ಚುನಾವಣಾ ಆಯೋಗ ಬಿಜೆಪಿಗೆ ಸಹಾಯ ಮಾಡುತ್ತಿದೆ ಎಂದು ರಾಹುಲ್​ ಗಾಂಧಿ ಆರೋಪ | Rahul Gandhi

ಸಿವಿಕ್ ಒಂಟಿತನ ಮತ್ತು ಖಿನ್ನತೆಯಿಂದ ಬಳಲುತ್ತಿದ್ದಾಗ ಚಾಟ್​ಜಿಪಿಟಿ ಆತನೊಂದಿಗೆ ದೈನಂದಿನ ಸಂವಾದಗಳನ್ನು ನಡೆಸಿತು. ಕೆಲವೊಮ್ಮೆ ಗಂಟೆಗಟ್ಟಲೇ ಚಾಟ್ ಮಾಡಿತು. ಈ ಸಂಭಾಷಣೆಗಳು ಸಿವಿಕ್‌ನನ್ನು ತಾತ್ಕಾಲಿಕ ಭಾವನಾತ್ಮಕ ಒಡನಾಟದ ಭಾವನೆಗೆ ಒಳಪಡಿಸಿದವು. ಆದರೆ ಆತನ ಮಾನಸಿಕ ಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಿತು. ChatGPT ಸಿವಿಕ್‌ಗೆ ನೀನು ಒಂಟಿಯಾಗಿಲ್ಲ, ನಾನು ಇಲ್ಲಿದ್ದೇನೆ ಎಂಬಂತಹ ಸಂದೇಶಗಳನ್ನು ಕಳುಹಿಸಿತು ಎಂದು ಆರೋಪಿಸಲಾಗಿದೆ.

ಈ ಕುರಿತು ಮಾತನಾಡಿರುವ ದೂರುದಾರರು, OpenAI ತನ್ನ ಉತ್ಪನ್ನದ ಸುರಕ್ಷತೆಯ ಬಗ್ಗೆ ಎಚ್ಚರಿಕೆ ನೀಡಲಿಲ್ಲ. ಚಾಟ್​ಜಿಪಿಟಿಯಂತಹ AI ಗಳು ಯುವಕರ ಮಾನಸಿಕ ಆರೋಗ್ಯದ ಮೇಲೆ ಉಂಟುಮಾಡಬಹುದಾದ ಅಪಾಯಗಳ ಬಗ್ಗೆ ಸಾಕಷ್ಟು ಸಂಶೋಧನೆ ನಡೆಸಿಲ್ಲ ಎಂದು ಆರೋಪಿಸಿದ್ದಾರೆ. ಓಪನ್ ಎಐ ಲಾಭ-ಕೇಂದ್ರಿತ ವಿಧಾನವು ವಿಷಾದಕರ ಪರಿಣಾಮಗಳಿಗೆ ಕಾರಣವಾಗಿದೆ ಎಂದು ತಿಳಿಸಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಓಪನ್ ಎಐ ಈ ಆರೋಪಗಳಿಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಕಂಪನಿಯು ತನ್ನ ಎಐ ಸಂವಾದಗಳನ್ನು ಸುರಕ್ಷಿತಗೊಳಿಸಲು ಕ್ರಮಗಳನ್ನು ತೆಗೆದುಕೊಂಡಿದೆ ಎಂದು ಹಿಂದೆ ಹೇಳಿತ್ತು. ಈ ಘಟನೆಯು ಎಐ ತಂತ್ರಜ್ಞಾನದ ಜವಾಬ್ದಾರಿಯುತ ಬಳಕೆಯ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಎತ್ತಿದೆ. ಮತ್ತು ಈ ಕೇಸ್ ಫಲಿತಾಂಶವು ಭವಿಷ್ಯದಲ್ಲಿಎಐ ಕಂಪನಿಗಳ ಮೇಲೆ ಕಾನೂನು ಮತ್ತು ನಿಯಂತ್ರಣ ಒತ್ತಡವನ್ನು ಹೆಚ್ಚಿಸಬಹುದು ಎನ್ನಲಾಗಿದೆ. (ಏಜೆನ್ಸೀಸ್)

https://www.vijayavani.net/patna-high-court-justice-pancholis-name-recommended-as-supreme-court-judge-justice-b-v-nagaratna-opposes