ಎಸ್ಟಿಮಾ ಎಂಬುದು ಚರ್ಮದ ತುರಿಕೆ, ಕೆಂಪು ಬಿರುಕು ಮತ್ತು ಒರಟಾಗಿ ಪರಿಣಮಿಸುವ ಸ್ಥಿತಿಯಾಗಿದೆ. ಎಸ್ಟಿಮಾ ಇರುವ ಅನೇಕ ಜನರಿಗೆ ರೋಗಲಕ್ಷಣಗಳನ್ನು ನಿರ್ವಹಿಸುವುದು ದೈನಂದಿನ ಸವಾಲಾಗಿದೆ. ಇದರಿಂದಾಗಿ ಉಂಟಾಗುವ ಒತ್ತಡವನ್ನು ಕಡಿಮೆ ಮಾಡಲು ಯೋಗ ಸಹಕಾರಿ. ಯೋಗವು ಮನಸ್ಸು-ದೇಹದ ಅಭ್ಯಾಸವಾಗಿದ್ದು, ದೈಹಿಕ, ಭಾವನಾತ್ಮಕ, ಮಾನಸಿಕ ಮತ್ತು ಅಧ್ಯಾತ್ಮಿಕ ಯೋಗಕ್ಷೇಮವನ್ನು ಸುಧಾರಿಸಲು ಸಹಾಯವಾಗುತ್ತದೆ. ಒತ್ತಡದ ಜೀವನವು ಚರ್ಮದ ಕಾಯಿಲೆಗಳ ಮೇಲೆ ಪ್ರಭಾವ ಬೀರುತ್ತದೆ. ಚರ್ಮದಲ್ಲಿನ ಪ್ರತಿರಕ್ಷಣಾ ಕೋಶಗಳ ಮೇಲೆ ಪರಿಣಾಮ ಬೀರುತ್ತದೆ. ಎಸ್ಟಿಮಾ ಇರುವವರು ಚರ್ಮದ ದುರ್ಬಲ ತಡೆಗೋಡೆ ಹೊಂದಿರುವುದರಿಂದ ಚರ್ಮದ ಪ್ರತಿರಕ್ಷಣಾ ಕೋಶಗಳ ಮೇಲೆ ಒತ್ತಡದ ಪರಿಣಾಮಗಳಿಗೆ ಅವರು ಹೆಚ್ಚು ಒಳಗಾಗುತ್ತದೆ. ಉತ್ತಮ ರಕ್ತಸಂಚಾರಕ್ಕೆ ಆಸನಗಳಲ್ಲಿ ಪಾದಹಸ್ತಾಸನ, ಪ್ರಸಾರಿತ ಪಾದೋತ್ಥಾನಾಸನ, ಶಶಾಂಕಾಸನ, ಮಂಡೂಕಾಸನ, ಸರ್ವಾಂಗಾಸನ, ಹಲಾಸನ, ಅಧೋಮುಖ ಶ್ವಾನಾಸನ, ಶವಾಸನ ಮಾಡುವುದು ಒಳಿತು.
