ನಿರ್ಮಲ ಮನಸ್ಸಿನವರಿಗೆ ದೊರೆಯುವ ಫಲ ಅತ್ಯಮೂಲ್ಯವಾದುದು. ಏಕೆಂದರೆ, ಅವರು ದೇವರನ್ನು ನೋಡುವ ಭಾಗ್ಯ ಅತಿ ಶ್ರೇಷ್ಠವಾದುದು. ನಿರ್ಮಲ ಚಿತ್ತರಿಗೆ ಇದು ಸಾಧ್ಯವೆಂದಾಗ ಬೇರೆಯವರಿಗೆ ಅದು ಅಸಾಧ್ಯವೆನ್ನುವುದೂ ಸ್ಪಷ್ಟ. ಕ್ರಿಸ್ತನ ಈ ಮಾತಿನ ಅಗ್ನಿಪರೀಕ್ಷೆ ಇರುವುದೇ ಇದರ ಆಚರಣೆಯಲ್ಲಿ. ಈ ಮಾತು ಹೆಜ್ಜೆ ಹೆಜ್ಜೆಗೂ ನಮ್ಮನ್ನು ತಟ್ಟಿ ಎಚ್ಚರಿಸುವಂತಾಗಬೇಕು. ಆ ಎಚ್ಚರಿಕೆಯಲ್ಲಿ ನಮ್ಮನ್ನು ನಾವು ಪ್ರಶ್ನಿಸು ವಂತೆ ಮಾಡಬೇಕು. ಇವುಗಳನ್ನೆಲ್ಲ ನಾವು ಒಳಪಡಿಸಿಕೊಂಡು ಗೆದ್ದಾಗ ಮಾತ್ರ ಕ್ರಿಸ್ತನ ಈ ಆಶಯ ಸಾಧ್ಯವೆನಿಸುವುದು. ಬಹಿರಂಗ ಶುಧಿ್ಧಂತ ಅಂತರಂಗ ಶುಧಿ್ಧುೕ ಬಹು ಶ್ರೇಷ್ಠ. ಬಹಿರಂಗದ ಶುದ್ದಿಯಿಂದ ದೇವರನ್ನು ತಲುಪಲು ಆಗದು. ದೇವರು ಮೆಚ್ಚುವುದು ಅಂತರಂಗದ ಶುಧಿ್ಧುನ್ನು ಮಾತ್ರ. ಪ್ರಚಾರ ಪ್ರಿಯ ಮನಸ್ಸಿನಿಂದ ನಾವು ಕೈಗೊಳ್ಳುವ ಭಜನೆ, ಹಾಡು, ಸಂಗೀತ, ಆಚರಿಸುವ ಪೂಜಾ ವಿಧಿ ವಿಧಾನಗಳು, ಆರಾಧನೆಗಳು, ಅರ್ಪಿಸುವ ಕಾಣೆಕೆಗಳು, ಹರಕೆಗಳು, ಇವು ಯಾವುವೂ ನಿಜವಾದ ಫಲ ನೀಡಲಾರವು.
