ಸೋಂಕಿಗೆ ತುತ್ತಾದ ಮಧುಮೇಹಿಗಳು ಗುಣಮುಖರಾದ ನಂತರ ಶಿಲೀಂಧ್ರ (ಫಂಗಸ್) ದಾಳಿ ಮಾಡುತ್ತಿದೆ. ಪ್ರತಿ ಲಕ್ಷ ಜನರಲ್ಲಿ ಸರಾಸರಿ 10 ಜನರಿಗೆ ಈ ಸೋಂಕು ತಗುಲುತ್ತಿದೆ. ರಾಜ್ಯದಲ್ಲಿ ಈವರೆಗೆ 19 ಲಕ್ಷ ಸೋಂಕಿತರು ಪತ್ತೆಯಾಗಿದ್ದು, ಪ್ರಸ್ತುತ 190-200ಕ್ಕಿಂತ ಹೆಚ್ಚಿನವರಿಗೆ ಶಿಲೀಂಧ್ರ ಹರಡಿರಬಹುದೆಂದು ಅಂದಾಜಿಸಲಾಗಿದೆ. ಮುಂದಿನ ದಿನಗಳಲ್ಲಿ ಈ ಪ್ರಮಾಣ ಗಣನೀಯವಾಗಿ ಹೆಚ್ಚುವ ಆತಂಕವೂ ಇದೆ. ಕರೋನಾಗೆ ಚಿಕಿತ್ಸೆ ನೀಡುವ ಸಂದರ್ಭದಲ್ಲಿ ಸ್ಟಿರಾಯ್್ಡ ಬಳಸಲಾಗುತ್ತಿದೆ. ಇದು ಪ್ರಾಣ ಉಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂಬುದು ವೈದ್ಯರ ಅಂದಾಜು. ಆದರೆ, ಹೆಚ್ಚು ಮಧುಮೇಹ ಹೊಂದಿರುವ ರೋಗಿಗಳು ಸ್ಟಿರಾಯ್್ಡ ಬಳಸುವುದರಿಂದ ಸಕ್ಕರೆ ಅಂಶ ಮತ್ತಷ್ಟು ಹೆಚ್ಚಾಗಿ ಫಂಗಸ್ ಬೆಳವಣಿಗೆ ವೃದ್ಧಿಯಾಗುತ್ತದೆ.
