ಮಧ್ಯಪ್ರದೇಶ ವಿಧಾನಸಭೆ ಸ್ಪೀಕರ್ ಆಗಿ ಬಿಜೆಪಿಯ ಗಿರೀಶ್ ಗೌತಮ್ ಆಯ್ಕೆ

ಭೋಪಾಲ್: ಹಿರಿಯ ಬಿಜೆಪಿ ಶಾಸಕ ಗಿರೀಶ್ ಗೌತಮ್ ಅವರು ಮಧ್ಯಪ್ರದೇಶದ ವಿಧಾನಸಭೆಯ ಸ್ಪೀಕರ್ ಆಗಿ ಸೋಮವಾರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. 68 ವರ್ಷದ ಗೌತಮ್​ ಅವರು ರೇವಾ ಜಿಲ್ಲೆಯ ದಿಯೊತಲಬ್ ಕ್ಷೇತ್ರದಿಂದ ನಾಲ್ಕು ಬಾರಿ ಅವಿರತವಾಗಿ ಚುನಾಯಿತರಾಗಿರುವ ನಾಯಕರಾಗಿದ್ದಾರೆ.

ರಾಜ್ಯದ ಬಜೆಟ್​ ಅಧಿವೇಶನದ ಮೊದಲನೇ ದಿನವಾದ ಇಂದು ಗೌತಮ್ ಅವರನ್ನು ಸಭಾಪತಿಯ ಸ್ಥಾನಕ್ಕೆ ಚುನಾಯಿಸಲು ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾನ್ ಪ್ರಸ್ತಾವನೆ ಮಾಡಿದರು. ಈ ಪ್ರಸ್ತಾವನೆಯನ್ನು ಗೃಹ ಮಂತ್ರಿ ನರೋತ್ತಮ್ ಮಿಶ್ರ, ವೈದ್ಯಕೀಯ ಶಿಕ್ಷಣ ಮಂತ್ರಿ ವಿಶ್ವಾಸ್ ಸಾರಂಗ್ ಮತ್ತು ಕೃಷಿ ಮಂತ್ರಿ ಕಮಲ್ ಪಟೇಲ್ ಬೆಂಬಲಿಸಿದರು. ವಿರೋಧ ಪಕ್ಷದ ನಾಯಕರಾದ ಕಮಲ್ ನಾಥ್ ಕೂಡ ಬೆಂಬಲ ವ್ಯಕ್ತಪಡಿಸಿದರು. ನಂತರ ಪ್ರೊ ಟೆಮ್​ ಸ್ಪೀಕರ್​ ರಾಮೇಶ್ವರ ಶರ್ಮ ಗೌತಮ್ ಅವರನ್ನು ಸಭಾಪತಿಯಾಗಿ ಘೋಷಿಸಿದರು.

ಇದನ್ನೂ ಓದಿ: ಆತ್ಮಹತ್ಯೆ ಮಾಡಿಕೊಂಡ ದಾದರ್ ಸಂಸದ ಮೋಹನ್ ದೇಲ್ಕರ್

ಕಳೆದ ವರ್ಷ ಮಾರ್ಚ್​ನಲ್ಲಿ ಕಾಂಗ್ರೆಸ್ ನೇತೃತ್ವದ ಸರ್ಕಾರ ಪತನಗೊಂಡಾಗ ಆಗಿನ ಸ್ಪೀಕರ್ ಎನ್.ಪಿ.ಪ್ರಜಾಪತಿ ರಾಜೀನಾಮೆ ನೀಡಿದ್ದರಿಂದ ಈ ಸ್ಥಾನ ತೆರವಾಗಿತ್ತು. ಆನಂತರ ಬಿಜೆಪಿಯ ಶಿವರಾಜ್ ಸಿಂಗ್ ಚೌಹಾನ್ ಸರ್ಕಾರವು ಅಧಿಕಾರ ಸ್ವೀಕರಿಸಿದ್ದು, ರಾಮೇಶ್ವರ ಶರ್ಮ ಅವರನ್ನು ಪ್ರೊ ಟೆಮ್ ಸ್ಪೀಕರ್ ಆಗಿ ನೇಮಕ ಮಾಡಲಾಗಿತ್ತು.(ಏಜೆನ್ಸೀಸ್)

ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್​ ಮಾಡಿ

https://www.vijayavani.net/delhi-not-far-for-assam-people-says-modi/

https://www.vijayavani.net/coal-smuggling-case-i-am-unaware-says-rujira-banerji/

https://www.vijayavani.net/man-abuses-daughter-repeatedly-gets-30-years-term/