ಬೆಂಗಳೂರು:
ಹಿಂದೆ ಚುನಾವಣೆಗೆ ನಿಲ್ಲುವ ಆಸೆಯಿಂದಲೇ ವರಿಷ್ಠರ ಭೇಟಿಗೆ ಹೋಗಿದ್ದೆ. ಆದರೆ ಭೇಟಿಗೆ ಅವಕಾಶ ಕೊಡದೇ ನಿರ್ಲಕ್ಷ್ಯ ಮಾಡಿದ್ದರು. ಮುಂದೆಯೂ ಹಾಗೇ ನಡೆಸಿಕೊಳ್ಳಬಹುದೆಂಬ ಭಯ ಇದೆ. ಅದಕ್ಕಾಗಿಯೇ ಚುನಾವಣಾ ರಾಜಕಾರಣದಿಂದ ದೂರ ಉಳಿದಿದ್ದೆ ಎಂದು ಮಾಜಿ ಸಿಎಂ ಡಿ.ವಿ.ಸದಾನಂದಗೌಡ ಸಭೆಯಲ್ಲಿಯೇ ಬೇಸರ ವ್ಯಕ್ತಪಡಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ನಿನ್ನೆ ಎಲ್ಲರೂ ಮನೆಗೆ ಬಂದಿದ್ದು ಸಂತೋಷವಾಗಿದೆ. ಆದರೆ, ಈಗಾಗಲೇ ಯುವಕರು ಅಂತಾ ಹೇಳಿಕೊಂಡು, ಹಿರಿಯರನ್ನು ಮೂಲೆ ಗುಂಪು ಮಾಡ್ತಿದ್ದಾರೆ. ನೀವು ಈಶ್ವರಪ್ಪ ಕೂಡ ಇವಾಗ ರಾಜಕೀಯದಲ್ಲಿ ಇಲ್ಲ. ಹೀಗಿರುವಾಗ ನಾನು ಹೇಗೆ ಮುಂದೆ ನಡೆಯಲಿ? ಚುನಾವಣೆ ಸೋತ ನಂತರ ಹೈಕಮಾಂಡ್ ನಾಯಕರು ಬರ್ತಾನೆ ಇಲ್ಲ. ಅರುಣ್ ಸಿಂಗ್ ಕೂಡ ಸದ್ದೇ ಇಲ್ಲ ಎಂದು ಬೇಸರದಮಾತು ಮುಂದುವರಿಸಿದ್ದಾಗ ಖುದ್ದು ಬಿ.ಎಸ್.ಯಡಿಯೂರಪ್ಪ ಮತ್ತು ವಿಜಯೇಂದ್ರ ಸಮಾಧಾನ ಮಾಡಿದರೆಂದು ತಿಳಿದುಬಂದಿದೆ.
