18ಕ್ಕೆ ಸಿದ್ಧತೆ ಪೂರ್ಣ: ಮೋದಿಯವರ ಕಾರ್ಯಕ್ರಮವನ್ನು ಗಂಭೀರವಾಗಿ ಪರಿಗಣಿಸಿ ಜೂ.18ರೊಳಗೆ ಎಲ್ಲ ಸಿದ್ಧತೆ ಪೂರ್ಣಗೊಳಿಸಬೇಕು ಎಂದು ಸಿಎಂ, ಪಕ್ಷದ ರಾಜ್ಯ ನಾಯಕರು ಸಲಹೆ ನೀಡಿದರು. ಸಚಿವರ ಜತೆ ಶಾಸಕರಿಗೂ ಜವಾಬ್ದಾರಿ ಹಂಚಲಾಗಿದೆ. ಕುಡಿಯುವ ನೀರಿನ ವ್ಯವಸ್ಥೆ, ಸ್ವಚ್ಛತೆಯಿಂದ ಹಿಡಿದು ಪ್ರತಿಹಂತದ ಪ್ರಚಾರ ವ್ಯವಸ್ಥೆಗೆ ಮೂರು ಹಂತದ ಸಮಿತಿಗಳನ್ನು ರಚಿಸಿ ನಿರ್ವಹಿಸಲು ಸೂಚಿಸಲಾಯಿತು. ಬೆಂಗಳೂರಿನ ಎಲ್ಲ ವಾರ್ಡ್ಗಳು, ರಸ್ತೆಗಳು, ವೃತ್ತಗಳಿಗೆ ಅಲಂಕಾರ, ಬಂಟಿಂಗ್ಸ್ ಸೇರಿ ಎಲ್ಲಿ ನೋಡಿದರಲ್ಲಿ ಕಮಲ ಚಿಹ್ನೆ, ಬಾವುಟ ರಾರಾಜಿಸಬೇಕು. ಅಧಿಕೃತ ಸರ್ಕಾರಿ ಕಾರ್ಯಕ್ರಮಗಳು ನಡೆಯುವ ಸ್ಥಳ, ವೇದಿಕೆ ಹೊರತುಪಪಡಿಸಿ ಉಳಿದೆಲ್ಲೆಡೆ ಕೇಸರಿಮಯಗೊಳಿಸಬೇಕು. ಮೋದಿ ಬೆಂಗಳೂರಿಗೆ ಬಂದಿಳಿದು ವಾಪಸ್ ಮೈಸೂರಿಗೆ ಹೋಗುವ ತನಕ ಕಾರ್ಯಕ್ರಮಗಳಲ್ಲಿ ಅಚ್ಚುಕಟ್ಟು, ಹೆಚ್ಚಿನ ಜನರ ಜಮಾವಣೆ, ಶಿಸ್ತು ಹಾಗೂ ಉತ್ಸಾಹಭರಿತ ವಾತಾವರಣ ಸೃಷ್ಟಿಸಬೇಕು ಎಂದು ಹೇಳಿದರು.
