ನವದೆಹಲಿ: ದೇಶದಲ್ಲಿ ಜನನ ಪ್ರಮಾಣ ದರ ಇದೇ ಮೊದಲ ಬಾರಿಗೆ 2.1 ಕ್ಕಿಂತ ಕೆಳಕ್ಕೆ ಜಾರಿದೆ. ಇದು ಜನ ಸಂಖ್ಯಾಬೆಳವಣಿಗೆ ಸ್ಥಿರವಾಗಿರುವುದರ ಸಂಕೇತ ಎಂಬ ಅಂಶದ ಕಡೆಗೆ 2019-21ರ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆ (ಎನ್ಎಫ್ಎಚ್ಎಸ್-5)ಯ ವರದಿ ಬೆಳಕು ಚೆಲ್ಲಿದೆ. ಪ್ರಕಟವಾಗಿರುವ ಡೇಟಾ ಪ್ರಕಾರ, 2015-16ರಲ್ಲಿ ಪ್ರತಿ ಮಹಿಳೆಗೆ ಸರಾಸರಿ 2.2 ಮಕ್ಕಳಿದ್ದರೆ, ಈಗ ಅದು 2ಕ್ಕೆ ಇಳಿಕೆಯಾಗಿದೆ. ಮಧ್ಯಪ್ರದೇಶ, ರಾಜಸ್ಥಾನ, ಜಾರ್ಖಂಡ್ ಮತ್ತು ಉತ್ತರ ಪ್ರದೇಶಗಳಲ್ಲಿ ಈ ರೀತಿ ಆಗಿಲ್ಲ. ಎಲ್ಲ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಆಧುನಿಕ ಗರ್ಭ ನಿರೋಧಕ ವಿಧಾನಗಳನ್ನು ಬಳಸುವವರ ಸಂಖ್ಯೆಯೂ ಹೆಚ್ಚಾಗಿದೆ ಎಂಬ ಅಂಶವೂ ವರದಿಯಲ್ಲಿದೆ.
