ಬೈಕ್ ಸವಾರರ ಮೇಲೆ ಬೇಸ್‌ಬಾಲ್ ಬ್ಯಾಟ್‌ನಿಂದ ಹಲ್ಲೆ; ವಿಡಿಯೋ ವೈರಲ್​​ | Viral Video

Viral Video: ಬಾಡಿ ಬಿಲ್ಡರ್‌ಗಳ ಗುಂಪೊಂದು ಬೈಕ್ ಸವಾರರ ಮೇಲೆ ಬೇಸ್‌ಬಾಲ್ ಬ್ಯಾಟ್‌ನಿಂದ ಹಲ್ಲೆಗೈದ ಘಟನೆ ಗುರುಗ್ರಾಮದಲ್ಲಿ ಸಂಭವಿಸಿದೆ. ಕಪ್ಪು ಬಣ್ಣದ ಸ್ಕಾರ್ಪಿಯೋ ಕಾರಿನಲ್ಲಿ ಬಂದ ಬಾಡಿಬಿಲ್ಡರ್‌ಗಳು, ಬೈಕ್ ಸವಾರರ ಮೇಲೆ ಭೀಕರವಾಗಿ ಹಲ್ಲೆ ನಡೆಸಿದ್ದು, ಓರ್ವ ಗಂಭೀರವಾಗಿ ಗಾಯಗೊಂಡಿದ್ದಾನೆ.

ಇದನ್ನೂ ಓದಿ: ಟಾಸ್​ ವೇಳೆ ಮದುವೆ ವಿಚಾರ ಪ್ರಸ್ತಾಪ! ಪ್ರಶ್ನೆ ಕೇಳಿದವರಿಗೆ ಗಿಲ್​ ಕೊಟ್ಟ ಶಾಕಿಂಗ್ ಉತ್ತರ ವೈರಲ್

ಘಟನೆಯ ವೀಡಿಯೊದಲ್ಲಿ ಬೈಕ್ ಸವಾರರಲ್ಲಿ ಒಬ್ಬರು ದಾಳಿಕೋರರ ಬಳಿ ಅಂಗಲಾಚಿ ಬೇಡಿಕೊಳ್ಳುತ್ತಿರುವುದನ್ನು ಕಾಣಬಹುದು. ಎಷ್ಟೇ ಬೇಡಿದರೂ ಗೂಂಡಾಗಳು ಮಾತ್ರ ಆತನಿಗೆ ಬೆದರಿಸಿ, ಮನಬಂದತೆ ಥಳಿಸಿದ್ದಾರೆ. ಗುರುಗ್ರಾಮ್​ ಪೊಲೀಸ್ ಠಾಣೆಯಲ್ಲಿ ಈ ಪ್ರಕರಣ ದಾಖಲಾಗಿದ್ದು, ಶಂಕಿತರಿಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.

ಅಸಲಿಗೆ ನಡೆದಿದ್ದೇನು?

ಏ.20ರಂದು ಬೈಕ್ ಸವಾರರ ಗುಂಪೊಂದು ಆಂಬಿಯನ್ಸ್ ಮಾಲ್​ನಿಂದ ಪಟೌಡಿಗೆ ತಿಂಡಿ ತಿನ್ನಲು ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಕಪ್ಪು ಬಣ್ಣದ ಸ್ಕಾರ್ಪಿಯೋದಲ್ಲಿ ಬಂದ ವ್ಯಕ್ತಿಗಳು ಬೈಕ್ ಸವಾರರನ್ನು ಹಿಂಬಾಲಿಸುತ್ತಿದ್ದರು, ನಂತರ ಬಸಾಯಿ ವಿಲೇಜ್ ಫ್ಲೈಓವರ್‌ನಲ್ಲಿ ಅವರನ್ನು ತಡೆದು, ಬೈಕ್​ನಲ್ಲಿದ್ದ ಇಬ್ಬರಿಗೂ ಬೇಸ್‌ಬಾಲ್ ಬ್ಯಾಟ್‌ನಿಂದ ದಾಳಿ ನಡೆಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿದೆ. ಆರೋಪಿಗಳನ್ನು ಈಗಾಗಲೇ ಗುರುತಿಸಲಾಗಿದ್ದು, ಶೀಘ್ರದಲ್ಲೇ ಬಂಧಿಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್)