Stock Market; ನಾಳೆ ಬಿಹಾರ ಚುನಾವಣೆ ಫಲಿತಾಂಶ ಪ್ರಭಾವ: ಷೇರುಪೇಟೆಲಿ ಸೆನ್ಸೆಕ್ಸ್, ನಿಫ್ಟಿ ಅಂಕ ಸ್ಥಿರ

ಮುಂಬೈ: ದೇಶೀಯ ಷೇರು (Stock Market) ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಗುರುವಾರ(ನ.13) ಸ್ಥಿರಗೊಂಡಿದೆ.

ವಹಿವಾಟಿನ ಮುಕ್ತಾಯದ ವೇಳೆಗೆ ಸೆನ್ಸೆಕ್ಸ್ 12.16 ಪಾಯಿಂಟ್‌ಗಳು ಅಥವಾ ಶೇಕಡಾ 0.01 ರಷ್ಟು ಏರಿಕೆಯಾಗಿ 84,478.67 ಕ್ಕೆ ತಲುಪಿತು. ಒಟ್ಟು 1,262 ಪಾಯಿಂಟ್‌ಗಳ ಏರಿಕೆಯೊಂದಿಗೆ ತನ್ನ ಗೆಲುವಿನ ಹಾದಿಯನ್ನು ನಾಲ್ಕು ದಿನಗಳಿಗೆ ವಿಸ್ತರಿಸಿತು. ನಿಫ್ಟಿ 50 3.35 ಪಾಯಿಂಟ್‌ಗಳು ಅಥವಾ ಶೇಕಡಾ 0.01 ರಷ್ಟು ಏರಿಕೆಯಾಗಿ 25,879.15 ಕ್ಕೆ ಸ್ಥಿರಗೊಂಡಿದೆ.

ಸ್ಥಿರಕ್ಕೆ ಕಾರಣ ಏನು?

ನಾಳೆಯೇ ಬಿಹಾರ ಚುನಾವಣೆ ಫಲಿತಾಂಶ ಪ್ರಕಟವಾಗಲಿದ್ದು, ರಿಸಲ್ಟ್​ ಆಧಾರದ ಮೇಲೆ ಇಂದಿನ ಮಾರುಕಟ್ಟೆ ಸ್ಥಿರಗೊಂಡಿದೆ ಎಂದು ಮಾರುಕಟ್ಟೆ ತಜ್ಞರ ಅಭಿಪ್ರಾಯವಾಗಿದೆ.ಬಿಹಾರದಲ್ಲಿ ಎನ್‌ಡಿಎ ಅಧಿಕಾರವನ್ನು ಉಳಿಸಿಕೊಳ್ಳುತ್ತದೆ ಎಂದು ಮಾರುಕಟ್ಟೆ ನಿರೀಕ್ಷಿಸುತ್ತದೆ. ಹೆಚ್ಚಿನ ಸಮೀಕ್ಷೆಗಳು ಎನ್‌ಡಿಎಗೆ ನಿರ್ಣಾಯಕ ಗೆಲುವು ಸಾಧಿಸುತ್ತದೆ ಎಂದು ಭವಿಷ್ಯ ನುಡಿದಿವೆ. ಏನಾಗಲಿದೆ ಎಂಬುದು ಕಾದು ನೋಡಬೇಕಾಗಿದೆ.

ಏಷ್ಯನ್ ಪೇಂಟ್ಸ್​ಗೆ ಅಧಿಕ ಲಾಭ

ಸೆನ್ಸೆಕ್ಸ್‌ನಲ್ಲಿ ಏಷ್ಯನ್ ಪೇಂಟ್ಸ್ ಶೇ.3.74 ರಷ್ಟು ಏರಿಕೆಯಾಗಿ ರೂ.2,877 ಕ್ಕೆ ತಲುಪಿ ಅತಿ ಹೆಚ್ಚು ಲಾಭ ಗಳಿಸಿತು. ಐಸಿಐಸಿಐ ಬ್ಯಾಂಕ್ ಶೇ.1.90 ರಷ್ಟು ಏರಿಕೆ ಕಂಡರೆ, ಪವರ್ ಗ್ರಿಡ್, ಎಲ್ & ಟಿ, ಬಜಾಜ್ ಫಿನ್‌ಸರ್ವ್ ಮತ್ತು ಭಾರ್ತಿ ಏರ್‌ಟೆಲ್ ಕ್ರಮವಾಗಿ ಶೇ.1.16, ಶೇ.1.16, ಶೇ.0.90 ಮತ್ತು ಶೇ.0.73 ರಷ್ಟು ಏರಿಕೆ ಕಂಡಿವೆ (ಏಜೆನ್ಸೀಸ್​).

https://www.vijayavani.net/where-your-pan-card-is-being-used-without-your-knowledge