ಭವ್ಯಾಗೆ ಬೆರಳು ತೋರಿಸಿ ಮಾತನಾಡಿದ ಧನರಾಜ್​; ಇದು... ಎಂದ Bigg Boss ಸ್ಫರ್ಧಿ

ಬೆಂಗಳೂರು: ಕಲರ್ಸ್​ ಕನ್ನಡ  ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ರಿಯಾಲಿಟಿ ಶೋ ಬಿಗ್​ಬಾಸ್​ (Bigg Boss) ಸೀಸನ್​ 11 ದಿನ ಕಳೆದಂತೆ ಪ್ರೇಕ್ಷಕರಿಗೆ ಮನರಂಜನೆಯ ರಸದೌತಣವನ್ನೇ ನೀಡುತ್ತಿದೆ. ಇನ್ನೂ ಕಾರ್ಯಕ್ರಮ ಶುರುವಾಗಿ ಆರನೇ ವಾರವಾಗುತ್ತ ಬಂದಿದ್ದು, ಈ ವಾರ ಸ್ಫರ್ಧಿಗಳಿಗೆ ನೀಡಿರುವ ಟಾಸ್ಕ್​ ಮಾತ್ರ ಎಲ್ಲರ ಗಮನ ಸೆಳೆಯುತ್ತಿದೆ.

ಬಿಗ್​ಬಾಸ್ (Bigg Boss)​ ಮನೆಯಲ್ಲಿ ಈ ವಾರ ಸ್ಫರ್ಧಿಗಳಿಗೆ ವಿವಿಧ ಟಾಸ್ಕ್​​ಗಳನ್ನು ನೀಡಲಾಗುತ್ತಿದ್ದು, ಈ ಟಾಸ್ಕ್​ನಲ್ಲಿ ಗೆದ್ದ ತಂಡಕ್ಕೆ ಲವು ಆಯ್ಕೆಗಳು ಸಿಗುತ್ತಿವೆ. ಈಗ ಟಾಸ್ಕ್ ಗೆದ್ದ ಒಂದು ತಂಡಕ್ಕೆ ಸೇವೆ ಭಾಗ್ಯ ಸಿಕ್ಕಿದೆ. ಸೋತ ತಂಡದವರು ಸೇವೆ ಮಾಡಿದ್ದು, ಇದಕ್ಕೆ ಸಂಬಂಧಿಸಿದ ಪ್ರೋಮೋವನ್ನು ಬಿಡುಗಡೆ ಮಾಡಲಾಗಿದೆ.

ಬಿಡುಗಡೆಯಾಗಿರುವ ಪ್ರೋಮೋ ನೋಡುವುದಾದರೆ, ಭವ್ಯಾ, ಗೋಲ್ಡ್​ ಸುರೇಶ್​, ಉಗ್ರಂ ಮಂಜು ಹಾಗೂ ಧನರಾಜ್​ ಮನೆಮಂದಿ ಹೇಳಿದಂತೆ ಕೆಲಸ ಮಾಡುತ್ತಿರುವುದನ್ನು ನೋಡಬಹುದಾಗಿದೆ. ಈ ವೇಳೆ ಧನರಾಜ್​, ಭವ್ಯಾ ಹಾಗೂ ಸುರೇಶ್​ ನಡುವಿನ ನಂಭಾಷಣೆ ಹಾಸ್ಯಾಸ್ಟದವಾಗಿದ್ದು, ಇಂದಿನ ಸಂಚಿಕೆ ಪ್ರೇಕ್ಷಕರಿಗೆ ಭರ್ಜರಿ ಮನರಂಜನೆ ನೀಡುವುದು ಖಾತ್ರಿಯಾಗಿದೆ.

ಭರಪೂರ ಮನರಂಜನೆಯ ಜೊತೆಗೆ ವಿವಾದಗಳನ್ನು ಹುಟ್ಟು ಹಾಕುವ ಬಿಗ್​ಬಾಸ್ (Bigg Boss)​, ಕಿರುತೆರೆ ಲೋಕದ ಜನಪ್ರಿಯ ಶೋಗಳಲ್ಲಿ ಒಂದೆಂದರೆ ತಪ್ಪಾಗಲಾರದು. ಪ್ರೀತಿ, ಸ್ನೇಹ ಸಂಬಂಧಗಳಿಗೆ ಈ ಶೋ ಬೆಸುಗೆಯಾಗುತ್ತದೆ. ಇಲ್ಲಿ ನಗು, ಕಣ್ಣೀರು, ಕೋಪ, ಮುನಿಸು ಮತ್ತು ಮನಸ್ತಾಪಗಳ ಮಿಶ್ರಣವು ಇದೆ. ಟಾಸ್ಕ್​ ನೀಡುವುದರ ಜೊತೆಗೆ ಜೀವನದ ಪಾಠವನ್ನು ಹೇಳಲಾಗುತ್ತದೆ. ಎಲ್ಲದಕ್ಕಿಂತ ಹೆಚ್ಚಾಗಿ ವಾರದ ಕೊನೆಯಲ್ಲಿ ನಟ ಕಿಚ್ಚ ಸುದೀಪ್​ ಸರಿ-ತಪ್ಪುಗಳ ತಿದ್ದುವಿಕೆ ಶೋಗೆ ಹೊಸ ಆಯಾಮವನ್ನು ತಂದುಕೊಡುತ್ತದೆ. ಈ ಎಲ್ಲ ಕಾರಣಗಳಿಂದ ಈ ಶೋ ವಿಶೇಷ ಎನಿಸಿಕೊಂಡಿದ್ದು, ಕಿರುತೆರೆ ಲೋಕದಲ್ಲಿ ಸಿಕ್ಕಾಪಟ್ಟೆ ಪಾಪ್ಯೂಲರ್​ ಆಗಿದೆ.

https://www.vijayavani.net/ipl-2025-auction-dates-out-to-be-held-in-jeddah-player-from-italy-signs-up

https://www.vijayavani.net/us-election-results-trump-claims-florida-17-other-states-harris-wins-7including-ny