ಇತ್ತೀಚೆಗಷ್ಟೇ ರಾಧಿಕಾ ಕುಮಾರಸ್ವಾಮಿ ನಾಯಕಿಯಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಇದೀಗ ಆ ಸುದ್ದಿಗೆ ಬ್ರೇಕ್ ಹಾಕಿರುವ ನಾಗಶೇಖರ್, ‘ಆರಂಭದಲ್ಲಿ ಈ ಇಬ್ಬರು ನಟಿಯರ ಹೆಸರು ನಮ್ಮ ಪರಿಶೀಲನೆಯಲ್ಲಿತ್ತು. ಬಳಿಕ ಭಾವನಾ ಅವರನ್ನು ಆಯ್ದುಕೊಂಡೆವು. ಈ ಮೊದಲು ಬೇರಾವ ಸಿನಿಮಾದಲ್ಲಿ ಈ ಜೋಡಿ ಒಟ್ಟಿಗೆ ಕೆಲಸ ಮಾಡಿಲ್ಲ. ನಮ್ಮ ಸಿನಿಮಾದಲ್ಲಿ ಫ್ರೆಶ್ ಜೋಡಿಯನ್ನು ಪರಿಚಯಿಸುತ್ತಿದ್ದೇವೆ. ನೋಡುಗರಿಗೂ ಇದು ಹೊಸ ಅನುಭವ ನೀಡಲಿದೆ. ಸದ್ಯದ ಪ್ಲಾನ್ ಪ್ರಕಾರ ಸೆಪ್ಟೆಂಬರ್ನಿಂದ ಶೂಟಿಂಗ್ಗೆ ಚಾಲನೆ ನೀಡಬೇಕೆಂಬ ತಯಾರಿ ನಡೆಯುತ್ತಿದೆ’ ಎಂದು ಮಾಹಿತಿ ನೀಡುತ್ತಾರೆ ನಾಗಶೇಖರ್. ಇತ್ತ ‘ಭಜರಂಗಿ 2’ ಚಿತ್ರದಲ್ಲಿಯೂ ಭಾವನಾ ವಿಭಿನ್ನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ‘ಇನ್ಸ್ಪೆಕ್ಟರ್ ವಿಕ್ರಂ’ ಸಿನಿಮಾ ಕೆಲಸಗಳನ್ನೂ ಅವರು ಮುಗಿಸಿಕೊಂಡಿದ್ದಾರೆ. ಇದೀಗ ಸೆಪ್ಟಂಬರ್ ಆರಂಭದಿಂದ ಕೃಷ್ಣನ ಸಿನಿಮಾ ಶೂಟಿಂಗ್ನಲ್ಲಿ ಪಾಲ್ಗೊಳ್ಳಲಿದ್ದಾರೆ. ಪ್ರೀತಮ್ ಗುಬ್ಬಿ ಸಂಭಾಷಣೆ, ಸತ್ಯ ಹೆಗಡೆ ಛಾಯಾಗ್ರಹಣ, ಜೆಸ್ಸಿ ಗಿಫ್ಟ್ ಸಂಗೀತ ಸಂಯೋಜಿಸಲಿದ್ದಾರೆ.
