25 ರೂಪಾಯಿಗೆ ಸಿಗಲಿದೆ ಭಾರತ್​ ರೈಸ್​! ಸರ್ಕಾರದಿಂದಲೇ ಸರಬರಾಜು

ನವದೆಹಲಿ: ಕೇಂದ್ರ ಸರ್ಕಾರದ ಪ್ರಸ್ತಾವಿತ 'ಭಾರತ್​ ರೈಸ್​' ಶ್ರೀಘ್ರದಲ್ಲೇ ಕೆ.ಜಿ.ಗೆ 25 ರೂ. ದರದಲ್ಲಿ ಸಿಗಲಿದೆ. ಸರ್ಕಾರವೇ ಈ ಅಕ್ಕಿಯನ್ನು ನ್ಯಾಷನಲ್​ ಅಗ್ರಿಕಲ್ಚರಲ್​ ಕೋಆಪರೇಟಿವ್​ ಮಾರ್ಕೆಟಿಂಗ್​ ಫೆಡರೇಷನ್​ ಆಫ್​​ ಇಂಡಿಯಾ, ನ್ಯಾಷನಲ್​ ಕೋಆಪರೇಟಿವ್​ ಕನ್ಸೂಮರ್ಸ್​ ಫೆಡರೇಷನ್​ ಆಫ್​ ಇಂಡಿಯಾ ಮತ್ತು ಮೊಬೈಲ್​ ವ್ಯಾನ್​ಗಳ ಮೂಲಕ ಸಾರ್ವಜನಿಕರಿಗೆ ಸರಬರಾಜು ಮಾಡಲಿದೆ.

ಅಗತ್ಯ ಆಹಾರ ಪದಾರ್ಥಗಳ ಬೆಲೆ ಏರಿಕೆ ಹಿನ್ನೆಲೆಯಲ್ಲಿ ಜನರಿಗೆ ಅನುಕೂಲ ಮಾಡಿಕೊಡುವ ನಿಟ್ಟಿನಲ್ಲಿ ಈ ಕ್ರಮಕೈಗೊಳ್ಳಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ದೇಶದಲ್ಲಿ ಅಕ್ಕಿಯ ಸರಾಸರಿ ಚಿಲ್ಲರೆ ಬೆಲೆ ಕೆ.ಜಿ.ಗೆ 43.30 ಆಗುವ ಮೂಲಕ ಕಳೆದ ವರ್ಷಕ್ಕಿಂತ ಶೇ. 14.1 ಹೆಚ್ಚಳ ಆಗಿರುವ ಹಿನ್ನೆಲೆಯಲ್ಲಿ ಭಾರತ್​ ರೈಸ್​ ಪೂರೈಕೆ ಮಾಡಲು ನಿರ್ಧರಿಸಲಾಗಿದೆ.

ಆ ಬಳಿಕ ರಿಯಾಯಿತಿ ದರದಲ್ಲಿ ಗೋಧಿಹಿಟ್ಟು, ಧಾನ್ಯ ಕೂಡ ಕೊಡಲಾಗುವುದು. ಪ್ರಸ್ತುತ ಭಾರತ್​ ಫ್ಲೋರ್​ ಕೆ.ಜಿ.ಗೆ 27.50 ಮತ್ತು ಭಾರತ್​ ದಾಲ್​ ಕೆ.ಜಿ.ಗೆ 60 ರೂ. ದರದಲ್ಲಿ ಸರ್ಕಾರ ನೀಡುತ್ತಿದೆ.

https://www.vijayavani.net/ram-janmabhoomi-trust-meeting-today-decision-will-be-taken-on-the-statue-of-ramlala

https://www.vijayavani.net/ayodhya-railway-station-renamed-as-ayodhya-dham-junctio