ಅಶ್ಲೀಲ ವಿಡಿಯೋ ಪೋಸ್ಟ್ ಮಾಡಿದ್ದವನಿಗೆ ಎಣ್ಣೆ ಎರಚಿ, ಥಳಿಸಿದ್ದ ಮಹಿಳೆಯರಿಗಾಗಿ ಪೊಲೀಸರ ಹುಡುಕಾಟ

ತಿರುವನಂತಪುರ: ಯೂಟ್ಯೂಬ್​​ನಲ್ಲಿ ಅಶ್ಲೀಲ ವಿಡಿಯೋ ಹಾಕಿದ್ದವನಿಗೆ ಥಳಿಸಿದ ಮೂವರು ಮಹಿಳೆಯರು ನಾಪತ್ತೆಯಾಗಿದ್ದಾರೆ..ಆತ ಜೈಲು ಸೇರಿದ್ದಾನೆ. ಕಾಣೆಯಾದ ಮಹಿಳೆಯರನ್ನು ಪೊಲೀಸರು ಹುಡುಕುತ್ತಿದ್ದಾರೆ.

ಈ ಪ್ರಕರಣದ ವಿಚಾರಣೆ ತಿರುವನಂತಪುರಂದ ಸೆಶನ್​ ಕೋರ್ಟ್​​ನಲ್ಲಿ ನಡೆಯುತ್ತಿದ್ದು, ಹಲ್ಲೆ ನಡೆಸಿದ ಆರೋಪಿಗಳಾದ ಭಾಗ್ಯಲಕ್ಷ್ಮೀ, ದಿಯಾ ಸನಾ ಮತ್ತು ಶ್ರೀಲಕ್ಷ್ಮೀ ಅರಾಕಲ್​ ಕಣ್ಮರೆಯಾಗಿದ್ದು, ಟ್ರೇಸ್​ ಮಾಡಲು ಆಗುತ್ತಿಲ್ಲ ಎಂದು ಸರ್ಕಾರದ ಪರ ಪ್ರಾಸಿಕ್ಯೂಟರ್​ ನ್ಯಾಯಾಲಯಕ್ಕೆ ತಿಳಿಸಿದ್ದಾರೆ.

ತಿರುವನಂತಪುರ ನಿವಾಸಿಯಾದ ವಿಜಯ್​ ಪಿ. ನಾಯರ್​ ಎಂಬಾತ ತನ್ನ ಯೂ ಟ್ಯೂಬ್​ ಚಾನಲ್​ನಲ್ಲಿ ಅಶ್ಲೀಲ ವಿಡಿಯೋ ಪೋಸ್ಟ್ ಮಾಡಿದ್ದಾನೆಂದು ಆರೋಪಿಸಿ ಡಬ್ಬಿಂಗ್​ ಕಲಾವಿದೆ ಭಾಗ್ಯಲಕ್ಷ್ಮೀ, ಸಾಮಾಜಿಕ ಕಾರ್ಯಕರ್ತೆಯರಾದ ದಿಯಾ ಮತ್ತು ಶ್ರೀಲಕ್ಷ್ಮೀ ಸೇರಿ ಆತನ ಮೇಲೆ ಎಣ್ಣೆ ಎರಚಿ, ಥಳಿಸಿದ್ದರು. ಆ ವಿಡಿಯೋ ಎಲ್ಲೆಡೆ ವೈರಲ್ ಆಗಿತ್ತು. ಸದಾ ಮಹಿಳೆಯರ ವಿರುದ್ಧ ನಿಂದನಾತ್ಮಕವಾಗಿ ಪೋಸ್ಟ್​ಗಳನ್ನು ಹಾಕುವ ವಿಜಯ್​ ವಿರುದ್ಧ ಅನೇಕ ಬಾರಿ ಪೊಲೀಸರಿಗೆ ದೂರು ನೀಡಿದರೂ ಅವರು ಕ್ರಮ ಕೈಗೊಂಡಿರಲಿಲ್ಲ ಎಂದು ಈ ಮಹಿಳೆಯರು ಆರೋಪಿಸಿದ್ದರು. ಇದನ್ನೂ ಓದಿ: VIDEO: ಚೀನಿಯರ ಸದೆ ಬಡಿಯಲು ಗಡಿಯಲ್ಲಿ ಸದ್ದು ಮಾಡುತ್ತಿದೆ ‘ಚಿನೂಕ್’​

ವಿಡಿಯೋ ವೈರಲ್ ಆಗುತ್ತಿದ್ದಂತೆ ಪೊಲೀಸರು ಈ ಮೂವರು ಮಹಿಳೆಯರು ಮತ್ತು ವಿಜಯ್​ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದರು. ಅಶ್ಲೀಲ, ನಿಂದನಾತ್ಮಕ ವಿಡಿಯೋ ಹಾಕಿದ ಕೇಸ್​ ಸೇರಿ, ಇನ್ನೂ ಮೂರ್ನಾಲ್ಕು ಕೇಸ್​ಗಳು ವಿಜಯ್​ ವಿರುದ್ಧ ದಾಖಲಾಗಿದೆ. ಹಾಗೇ ಹಲ್ಲೆ ಮಾಡಿದ ಆರೋಪದಡಿ ಮೂವರು ಮಹಿಳೆಯರನ್ನು ಬಂಧಿಸಲು ಪೊಲೀಸರು ಪ್ರಯತ್ನಿಸುತ್ತಿದ್ದಾರೆ. ಇದನ್ನೂ ಓದಿ: ಕೊಟ್ಟಿಗೆ ಹಾರದಲ್ಲಿ ‘ಕಸ್ತೂರಿ ಮಹಲ್’ ಚಿತ್ರಕ್ಕೆ ಬಿರುಸಿನ ಚಿತ್ರೀಕರಣ

ನಾಪತ್ತೆಯಾಗಿರುವ ಮಹಿಳೆಯರು ತಮ್ಮ ವಕೀಲರ ಮೂಲಕ ಸಲ್ಲಿಸಿದ್ದ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ಕೋರ್ಟ್ ತಿರಸ್ಕರಿಸಿದ್ದು, ಕಾನೂನನ್ನು ಕೈಗೆ ತೆಗೆದುಕೊಳ್ಳುವ ಅಧಿಕಾರ ಯಾರಿಗೂ ಇಲ್ಲ ಎಂದು ಹೇಳಿದೆ. ವಿಜಯ್​​ಗೆ ಒಂದು ಪ್ರಕರಣದಲ್ಲಿ ಜಾಮೀನು ಸಿಕ್ಕಿದ್ದರೂ ಇನ್ನೊಂದು ಕೇಸ್​ನಲ್ಲಿ ಸಿಕ್ಕಿಲ್ಲ. ಇದರಿಂದಾಗಿ ಅವನೂ ಜೈಲಿನಲ್ಲಿಯೇ ಇದ್ದಾನೆ.

ಹಾಗೇ ಸೋಷಿಯಲ್​ ಮೀಡಿಯಾದಲ್ಲಿ ಮಹಿಳೆಯರನ್ನು ನಿಂದಿಸುವುದು, ಅಶ್ಲೀಲ ಪೋಸ್ಟ್ ಹಾಕುವವರ ವಿರುದ್ಧ ಕಠಿಣ ಕ್ರಮದ ಕಾನೂನು ರಚಿಸಲಾಗುವುದು ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್​ ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/hope-article-370-will-be-restored-in-jk-with-chinas-support/