ಬೆಂಗಳೂರಿನಲ್ಲಿ ಟೆಕ್ಕಿ ಸೂಸೈಡ್​ ಕೇಸ್​​​, ಬಿಟೌನ್​ ಕ್ವೀನ್​​​ ರಿಯಾಕ್ಷನ್​​.. Kangana Ranaut ಹೇಳಿದ್ದೇನು?

ನವದೆಹಲಿ: ಅತುಲ್ ಸುಭಾಷ್ ಆತ್ಮಹತ್ಯೆ ಪ್ರಕರಣ ಸದ್ಯ ಚರ್ಚೆಯ ವಿಷಯವಾಗಿದೆ. ಪತಿ-ಪತ್ನಿಯರ ನಡುವಿನ ಬಿಕ್ಕಟ್ಟು ಯಾವ ಮಟ್ಟಕ್ಕೆ ತಲುಪಬಹುದು ಎಂಬುದಕ್ಕೆ ಈ ಚರ್ಚೆಯೇ ಸಾಕ್ಷಿ. 498(ಎ) ಕಾನೂನು ಕೂಡ ಚರ್ಚೆಯ ಕೇಂದ್ರವಾಗಿದೆ. ಈ ನಡುವೆ ಪ್ರಕರಣದ ಕುರಿತು ಬಿಜೆಪಿ ಸಂಸದೆ ಕಂಗನಾ ರಣಾವತ್(Kangana Ranaut) ಪ್ರತಿಕ್ರಿಯಿಸಿದ್ದಾರೆ.

ಇದನ್ನು ಓದಿ: ನನ್ನ ಸಿನಿಮಾ ಹಿಟ್​ ಆದರೂ ಬೆಂಬಲ ಸಿಗುವುದಿಲ್ಲ; ಬಾಲಿವುಡ್​​ ಕರಾಳ ಸತ್ಯ ಬಿಚ್ಚಿಟ್ಟ ಸ್ಟಾರ್​ ನಟ

ಇಂತಹ ಪ್ರಕರಣ ಬಂದ ನಂತರ ಪರಿಶೀಲನೆ ನಡೆಸಬೇಕು. ಇಂತಹ ಘಟನೆಗಳನ್ನು ಎದುರಿಸಲು ಪ್ರತ್ಯೇಕ ಸಂಸ್ಥೆ ಇರಬೇಕು. ಈ ಪ್ರಕರಣ ನೋಡಿ ದೇಶವೆ ದುಃಖದಲ್ಲಿದೆ ಮತ್ತು ಅಘಾತದಲ್ಲಿದೆ ಎಂದು ಕಂಗನಾ ರಣಾವತ್ ಹೇಳಿದ್ದಾರೆ. ಯುವಕನೊಬ್ಬನ ವಿಡಿಯೋ ಹೃದಯ ವಿದ್ರಾವಕವಾಗಿದೆ.ಮದುವೆಯು ಭಾರತೀಯ ಸಂಪ್ರದಾಯಗಳಿಗೆ ಬದ್ಧವಾಗಿರುವವರೆಗೆ ಉತ್ತಮವಾಗಿರುತ್ತದೆ. ಆದರೆ ಅವರೇ ಹೇಳಿರುವಂತೆ ಅದರಲ್ಲಿ ಎಡಪಂಥೀಯ ಹುಳು, ಸಮಾಜವಾದದ ಹುಳು, ನಕಲಿ ಸ್ತ್ರೀವಾದದ ಹುಳು, ಇತರೆ ಮೂರ್ನಾಲ್ಕು ಸಂಗತಿಗಳನ್ನು ಜನ ವ್ಯಾಪಾರ ಮಾಡುತ್ತಾರೆ. ಅವರ ಸಾಮರ್ಥ್ಯ ಮೀರಿದ ಕೋಟ್ಯಂತರ ರೂಪಾಯಿ ವಸೂಲಿ ಮಾಡಲಾಗುತ್ತಿದೆ ಎಂದು ಹೇಳಿದ್ದಾರೆ.

ಇದು ಖಂಡನೀಯ, ಹೀಗಾಗಬಾರದು ಎಂದು ಹೇಳಲು ಏನೂ ಇಲ್ಲ ಎಂದು ಕಂಗನಾ ಹೇಳಿದ್ದಾರೆ. ಯುವಕರ ಮೇಲೆ ಈ ರೀತಿಯ ಹೊರೆ ಬೀಳಬಾರದು. ಪ್ರತಿ ತಿಂಗಳು ಮೂರು ಪಟ್ಟು-ನಾಲ್ಕು ಪಟ್ಟು ಸಂಬಳ ನೀಡುತ್ತಿದ್ದು, ಕೋಟ್ಯಂತರ ರೂಪಾಯಿಗೆ ಬೇಡಿಕೆ ಇರುವುದರಿಂದ ಒತ್ತಡದಲ್ಲಿ ಈ ರೀತಿ ಮಾಡಿದ್ದಾರೆ.ಇಂತಹ ಘಟನೆಗಳನ್ನು ಎದುರಿಸಲು ಪ್ರತ್ಯೇಕ ಸಂಸ್ಥೆ ಇರಬೇಕು ಎಂದು ತಿಳಿಸಿದ್ದಾರೆ. ಆದರೆ ಇಂತಹ ಒಬ್ಬಳು ತಪ್ಪು ಮಹಿಳೆಯನ್ನು ಉದಾಹರಣೆಯಾಗಿಟ್ಟುಕೊಂಡು ನಾವು ಪ್ರತಿದಿನ ಕಿರುಕುಳಕ್ಕೊಳಗಾಗುವ ಮಹಿಳೆಯರ ಸಂಖ್ಯೆಯನ್ನು ನಿರ್ಲಕ್ಷಿಸಲಾಗುವುದಿಲ್ಲ. 99 ಪ್ರತಿಶತದಷ್ಟು ಮದುವೆಗಳಲ್ಲಿ, ಪುರುಷರು ತಪ್ಪು ಮಾಡುತ್ತಾರೆ ಎಂದು ಹೇಳಲಾಗಿದೆ. ಆದ್ದರಿಂದಲೇ ಇಂತಹ ತಪ್ಪುಗಳೂ ಆಗುತ್ತವೆ ಎಂದು ಕಂಗನಾ ರಣಾವತ್​ ತಿಳಿಸಿದ್ದಾರೆ.

ಬೆಂಗಳೂರಿನಲ್ಲಿ ಸೂಸೈಡ್​ ಮಾಡಿಕೊಂಡ ಅತುಲ್ ಸುಭಾಷ್ ಆತ್ಮಹತ್ಯೆಗೂ ಮುನ್ನ ವಿಡಿಯೋ ಮಾಡಿದ್ದ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಆತ್ಮಹತ್ಯೆಗೆ ಪತ್ನಿ ಹಾಗೂ ಅತ್ತೆ, ಅವರ ಸಂಬಂಧಿಕರು ಪ್ರಚೋದನೆ ನೀಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಅತುಲ್ ಉತ್ತರ ಪ್ರದೇಶದ ಜೌನ್‌ಪುರ ನಿವಾಸಿಯಾಗಿದ್ದು, ಬೆಂಗಳೂರಿನಲ್ಲಿ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದರು. ಘಟನೆ ನಡೆದ ಸ್ಥಳದಲ್ಲಿ 24 ಪುಟಗಳ ಸೂಸೈಡ್ ನೋಟ್ ಕೂಡ ಪೊಲೀಸರಿಗೆ ಸಿಕ್ಕಿದೆ.(ಏಜೆನ್ಸೀಸ್​​)

https://www.vijayavani.net/mahira-khan-reacting-on-using-shahrukh-khan-name-for-attention-rumours