ಸಿಂಡಿಕೇಟ್ ಸದಸ್ಯರ ದೂರಿನಲ್ಲೇನಿದೆ?: ವಿಶ್ವವಿದ್ಯಾಲಯಗಳು ಪ್ರತಿ ವರ್ಷ ವಾರ್ಷಿಕ ವರದಿಯನ್ನು ರೂಪಿಸಿ ಇದನ್ನು ಸಿಂಡಿಕೇಟ್ ಸಭೆ ಮುಂದೆ ಪ್ರಸ್ತಾಪಿಸಿ ಅನುಮೋದನೆ ಪಡೆದು ಸೆಪ್ಟಂಬರ್ ಅವಧಿಯೊಳಗೆ ಸರ್ಕಾರಕ್ಕೆ ಸಲ್ಲಿಸಬೇಕು. ಆದರೆ, ವಿವಿಯ ಯಾವುದೇ ವರದಿಯನ್ನು ಸಲ್ಲಿಸಿಲ್ಲ. ಸಿವಿಲ್ ಕಾಮಗಾರಿ ಮತ್ತಿತರ ಖರೀದಿ ವಿಚಾರಗಳಲ್ಲಿ ಸಮಿತಿ ರಚನೆ ಮಾಡಿಲ್ಲ. ಸಿಂಡಿಕೇಟ್ ಸಭೆ ಮುಂದೆ ಪ್ರಸ್ತಾಪಿಸಿಲ್ಲ. ವಿಜ್ಞಾನ ಸಮಾವೇಶಕ್ಕೆ 2 ಕೋಟಿ ರೂ. ವೆಚ್ಚ ಮಾಡಿದ್ದು, ಇದರ ಲೆಕ್ಕವೇ ವಿವಿ ಬಳಿ ಇಲ್ಲ. ಆರ್ಥಿಕ ಅರಾಜಕತೆ ವಿವಿಯಲ್ಲಿ ನಡೆಯುತ್ತಿರುವುದು ಸ್ಪಷ್ಟವಾಗಿ ತಿಳಿದಿದೆ. ಇದರಲ್ಲಿ ವಿವಿಯ ಕುಲಪತಿ ಮತ್ತು ಅಧಿಕಾರಿ ವರ್ಗ ಶಾಮೀಲಾಗಿರುವುದು ಕಂಡು ಬಂದಿದೆ ಎಂದು ಸಿಂಡಿಕೇಟ್ ಸದಸ್ಯರು ನೇರವಾಗಿ ಆರೋಪಿಸುತ್ತಾರೆ.
