BBKS10: ಅಮ್ಮನ ನೋಡಲು ಹಂಬಲಿಸಿದ ಕಾರ್ತಿಕ್​; ಕಣ್ಣೀರಿಟ್ಟರು ಬರಲಿಲ್ಲ ವಾಪಾಸ್!

ಬೆಂಗಳೂರು: ಬಿಗ್ ಬಾಸ್​ ಮನೆಯಲ್ಲಿ ಇಷ್ಟು ದಿನಗಳವರೆಗೂ ಟಾಸ್ಕ್​ ಹಾಗೂ ಇತರೆ ವಿಚಾರಗಳಿಗೆ ಪರಸ್ಪರ ಏರುಧ್ವನಿಯಲ್ಲಿ ಕಿತ್ತಾಡಿಕೊಂಡು, ಕಣ್ಣೀರಿಡುತ್ತಿದ್ದ ಮನೆಮಂದಿ ಇದೀಗ ತಮ್ಮ ಕುಟುಂಬದವರ ಆಗಮನ ತಿಳಿದು ಮೌನ ತಾಳಿದ್ದಾರೆ. ಹೆಚ್ಚು ಮಾತನಾಡದೆ ಪಾಜ್​ ಆಗಿ, ತಮ್ಮವರನ್ನು ಕಂಡ ಕೂಡಲೇ ಪ್ರೀತಿಯಿಂದ ಕಂಬನಿ ಮಿಡಿಯುತ್ತಿದ್ದಾರೆ. ನಿನ್ನೆಯಿಂದಲೂ ಮನೆಯ ಸದಸ್ಯರ ಕುಟುಂಬದವರು ಒಬ್ಬೊಬ್ಬರೆ ಒಳಗೆ ಬರುತ್ತಿದ್ದು, ಈ ಪೈಕಿ ಮೊದಲಿಗೆ ನಮ್ರತಾ ಅವರ ತಾಯಿ ಎಂಟ್ರಿ ಕೊಟ್ಟು ಎಲ್ಲರನ್ನೂ ಮಾತನಾಡಿಸಿ, ಹೋದರು.

ಇದನ್ನೂ ಓದಿ: ಸ್ಕ್ಯಾನಿಂಗ್ ದಾಖಲೆ ಪರಿಶೀಲನೆ ನಡೆಸಿ: ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಕೆ.ಮೋಹನ್ ಸೂಚನೆ

ಸುದೀಪ್ ಇಲ್ಲದೆ ಈ ವಾರಾಂತ್ಯ ಕಳೆದು ಹೊಸ ವಾರ ಶುರುವಾಗಿದ್ದು, ಹೊಸ ಉತ್ಸಾಹದೊಂದಿಗೆ, ಅಗ್ರೆಸಿವ್ ಅಲ್ಲದೆ ಸೌಹಾರ್ದಯುತವಾಗಿ ಆಡುವ ಸಂಕಲ್ಪದೊಂದಿಗೆ ಮನೆಮಂದಿ ಕಣಕ್ಕಿಳಿದಿದ್ದಾರೆ. ಇದೆಲ್ಲದರ ಮಧ್ಯೆ ಮನೆಯವರ ಆಗಮನ ಸ್ಪರ್ಧಿಗಳಿಗೆ ಅತೀವ ಸಂತಸ ಉಂಟುಮಾಡಿದ್ದು, ವರ್ತೂರು ಸಂತೋಷ್ ಹಾಗೂ ತುಕಾಲಿ ಸಂತೋಷ್​ ಅವರ ಕುಟುಂಬದವರು ಮನೆಯೊಳಗೆ ಬಂದಿದ್ದು, ಇತರೆ ಸ್ಪರ್ಧಿಗಳನ್ನು ಮತ್ತಷ್ಟು ಭಾವುಕರನ್ನಾಗಿ ಮಾಡಿದೆ.

ಪ್ರತಿಯೊಬ್ಬ ಸ್ಪರ್ಧಿಯ ಕುಟುಂಬದವರು ಮನೆಯೊಳಗೆ ಬರುತ್ತಿದ್ದಂತೆ ಮುಖ್ಯದ್ವಾರದ ಎದುರು ಮಕ್ಕಳಂತೆ ತಮ್ಮ ಮನೆಯವರ ಆಗಮನಕ್ಕಾಗಿ ಕಾರ್ತಿಕ್​ ಕಾದು ಕುಳಿತ್ತಿದ್ದರು. ಅದೇ ಸಮಯಕ್ಕೆ ಹಾಡು ಹೇಳುತ್ತ ಮನೆಗೆ ಎಂಟ್ರಿ ಕೊಟ್ಟ ಅವರ ತಾಯಿ, ಹಿಂಬದಿಯಿಂದ ಕಾರ್ತಿಕ್​ನ ತಬ್ಬಿ, ಮುತ್ತು ಕೊಟ್ಟು ಸಮಾಧಾನದ ಮಾತುಗಳನ್ನು ಹೇಳಿದರು. ಈ ವೇಳೆ ಪಾಜ್​ ಆಗಿದ್ದ ಕಾರ್ತಿಕ್​ ಅಮ್ಮನನ್ನು ಮಾತನಾಡಿಸಲು ಆಗದೆ ಬಿಕ್ಕಿ ಬಿಕ್ಕಿ ಅತ್ತರು. ಕಡೆಗೂ ಅವರಿಗೆ ತಮ್ಮ ತಾಯಿಯನ್ನು ಒಂದು ನಿಮಿಷ ನಿಂತು ಕೂಡ ಮಾತನಾಡಿಸಲು ಅವಕಾಶ ಸಿಗದೆ ಹೋಯಿತಲ್ಲ? ಎಂಬ ಬೇಸರ ಮನೆಮಂದಿಗೆ ಕಾಡಿದೆ.

ಇದನ್ನೂ ಓದಿ: ಬಾಕ್ಸ್​ ಆಫೀಸ್​ನಲ್ಲಿ ‘ಸಲಾರ್‌’ ಅಬ್ಬರ! ಅಮೆರಿಕಾದಲ್ಲಿ ಗಳಿಸಿದ್ದೆಷ್ಟು? ಇಲ್ಲಿದೆ ಮಾಹಿತಿ

ಮುಖ್ಯದ್ವಾರದಿಂದ ಹೊರ ಹೋದ ಕಾರ್ತಿಕ್ ತಾಯಿ ಮಗನನ್ನು ಮಾತನಾಡಿಸಲು ಹಿಂತಿರುಗಿ ಬರುತ್ತಾರಾ? ಇಲ್ವಾ? ಎಂಬುದನ್ನು ಇಂದಿನ ಸಂಚಿಕೆಯಲ್ಲಿ ನೋಡಬೇಕಿದೆ. ದಿನದ 24 ಗಂಟೆಗಳ ಲೈವ್​ ಸ್ಟ್ರೀಮಿಂಗ್ ಜಿಯೋ ಸಿನಿಮಾದಲ್ಲಿ ಪ್ರಸಾರವಾಗುತ್ತಿದೆ.

https://www.vijayavani.net/rahul-gandhi-meets-wrestlers-in-haryana