BBKS10: 'ನನ್ನ ಮೆಟ್ಟಿಲಂತೆ ತುಳಿದುಕೊಂಡು ಹೋಗಿದ್ದಾರೆ'; ಸ್ನೇಹದ ಹೆಸರಿನಲ್ಲಿ ಕಾರ್ತಿಕ್​ಗೆ ಆಯ್ತಾ ಮೋಸ?

ಬೆಂಗಳೂರು: ಬಿಗ್ ಬಾಸ್​ ಕನ್ನಡ ಸೀಸನ್​ 10 ಇದೀಗ 15ನೇ ವಾರಾಂತ್ಯವನ್ನು ತಲುಪಿದ್ದು, ಫಿನಾಲೆ ಹಂತಕ್ಕೆ ಎಂಟ್ರಿ ಕೊಡಲು ಸ್ಪರ್ಧಿಗಳ ನಡುವೆ ಭಾರೀ ಪೈಫೋಟಿಯೇ ನಡೆಯುತ್ತಿದೆ. ಫಿನಾಲೆಯ ಟಾಪ್​ ಐದು ಫೈನಲಿಸ್ಟ್​ ಸ್ಥಾನಕ್ಕೆ ಹೋಗಲು ಈಗಾಗಲೇ ಸಂಗೀತಾ ಶೃಂಗೇರಿ ಮತ್ತು ತುಕಾಲಿ ಸಂತೋಷ್​ ಅವಕಾಶ ಪಡೆದಿದ್ದಾರೆ. ಇದರ ಬೆನ್ನಲ್ಲೇ ನಿನ್ನೆ ನಡೆದ ವಾರದ ಕಥೆ ಕಿಚ್ಚ ಜತೆ ಸಂಚಿಕೆಯಲ್ಲಿ ಸುದೀಪ್ ಫೈನಲ್​ಗೆ ಪ್ರವೇಶಿಸುತ್ತಿರುವ ಮೂರನೇ ಸ್ಪರ್ಧಿ ವರ್ತೂರು ಸಂತೋಷ್​ ಎಂದು ಘೋಷಿಸಿದರು.

ಇದನ್ನೂ ಓದಿ: ಆರ್ಥಿಕವಾಗಿ ಹಿಂದುಳಿದಿರುವ ಬ್ರಾಹ್ಮಣ ಕುಟುಂಬಗಳಿಗೆ ಸರ್ಕಾರದಿಂದ ಸಿಹಿಸುದ್ದಿ

ಇನ್ನು ನಾಮಿನೇಷನ್​ ಪಟ್ಟಿಯಲ್ಲಿ ಕುಳಿತಿರುವ ಕಾರ್ತಿಕ್, ನಮ್ರತಾ, ವಿನಯ್​ ಹಾಗೂ ಪ್ರತಾಪ್​ ನಡುವೆ ಯಾರು ಹೊರಗೆ? ಯಾರು ಒಳಗೆ? ಎಂಬುದನ್ನು ಇಂದಿನ ಸಂಚಿಕೆಯಲ್ಲಿ ಕಾದು ನೋಡಬೇಕು. ಇದೆಲ್ಲದರ ಮಧ್ಯೆ ಸುದೀಪ್, ಇತ್ತೀಚಿನ ದಿನಗಳಲ್ಲಿ ಕಾರ್ತಿಕ್​ ಒಂಟಿಯಾಗಿದ್ದಾರೆ ಅನಿಸುತ್ತಿದೆಯಾ ಎಂದು ಮನೆಮಂದಿಗೆಲ್ಲಾ ಒಂದು ಪ್ರಶ್ನೆಯನ್ನು ಮುಂದಿಟ್ಟಿದ್ದಾರೆ. ಇದಕ್ಕೆ ಉತ್ತರಿಸಿದ ವಿನಯ್​, ಸ್ನೇಹದಲ್ಲಿ ನಿರೀಕ್ಷೆ ಶುರುವಾದರೆ ಅದು ಸ್ನೇಹವಾಗಿ ಉಳಿಯುವುದಿಲ್ಲ ಎಂದಿದ್ದಾರೆ.

ಇನ್ನು ಸಂಗೀತಾ ಮಾತನಾಡಿ, ಯಾರಾದ್ರು ಅವರನ್ನು ನಂಬಿದ್ರೆ, ಅವರಿಗೆ ಇವರು​ ನಂಬಿಕೆ ದ್ರೋಹ ಮಾಡುತ್ತಾರೆ ಎಂದು ಹೇಳಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಕಾರ್ತಿಕ್​, ಯಾವಾಗಲೂ ನಾನೇ ಹೋಗಿ ಹೋಗಿ ಕ್ಷಮೆ ಕೇಳಿದ್ದೀನಿ, ಇನ್ನು ನನ್ನಿಂದ ಆಗುವುದಿಲ್ಲ. ಸೋತು, ಸೋತು ಸಾಕಾಗಿದೆ, ಸಾಯೋದಿಕ್ಕೆ ನಾನು ರೆಡಿಯಿಲ್ಲ. ಇವರು ನನ್ನನ್ನು ಮೆಟ್ಟಿಲಂತೆ ತುಳಿದುಕೊಂಡು ಹೋಗಿದ್ದಾರೆ ಎಂದು ಹೇಳುವ ಮೂಲಕ ತಮ್ಮೊಳಗಿದ್ದ ಬೇಸರವನ್ನು ಹೊರಹಾಕಿದ್ದಾರೆ.

https://www.vijayavani.net/charitable-organizations-nihang-singhs-and-iskcon-are-providing-free-meals-to-the-devotees-in-ayodhya