ಬಿರುಸಿನ ಪೈಪೋಟಿ, ಜಟಾಪಟಿ, ಮಾತಿನ ಕಿಡಿ ಮಧ್ಯೆಯೇ ಆಟದಲ್ಲಿ ತಮ್ಮ ಬದ್ಧತೆ, ಸ್ಪರ್ಧಾ ಮನೋಭಾವವನ್ನು ಪ್ರದರ್ಶಿಸುವಲ್ಲಿ ಯಶಸ್ವಿಯಾದ ಮೋಕ್ಷಿತಾ ಪೈ, ಹನುಮಂತು, ರಜತ್, ಮಂಜು, ಭವ್ಯ ಮತ್ತು ತ್ರಿವಿಕ್ರಮ್ ಸದ್ಯ ಫಿನಾಲೆ ವಾರದ ಆರು ಸ್ಪರ್ಧಿಗಳಾಗಿ ಅಖಾಡದಲ್ಲಿದ್ದಾರೆ. ಈಗಾಗಲೇ ಕಳೆದ ಭಾನುವಾರದಿಂದಲೇ ಯಾರು ಬಿಗ್ ಬಾಸ್ ಸೀಸನ್ 11ರ ಟ್ರೋಫಿಯನ್ನು ಗೆಲ್ಲಲಿದ್ದಾರೆ? ಯಾರ ಮುಡಿಗೆ ರಕ್ಕೆಯ ಟ್ರೋಫಿ ಸೇರಲಿದೆ ಎಂಬ ಕುತೂಹಲ, ಕೌತುಕ ಸದ್ಯ ನೋಡುಗರಲ್ಲಿ ಮನೆ ಮಾಡಿದೆ. ಈಗಾಗಲೇ ಇದಕ್ಕೆ ಸಂಬಂಧಿಸಿದಂತೆ ಜಾಲತಾಣಗಳಲ್ಲಿ ವ್ಯಾಪಕ ಅಭಿಪ್ರಾಯ, ಅನಿಸಿಕೆಗಳು ವ್ಯಕ್ತವಾಗಿದ್ದು, ಹನುಮಂತು, ಮಂಜು, ತ್ರಿವಿಕ್ರಮ್, ಮೋಕ್ಷಿತಾ ಮತ್ತು ರಜತ್ ನಡುವೆ ಟ್ರೋಫಿಗಾಗಿ ಭಾರೀ ಪೈಪೋಟಿ ನಡೆಯಲಿದೆ ಎಂಬ ಮಾತುಗಳು ಕೇಳಿಬಂದಿವೆ.
