ಬಜಾಜ್​ ಪಲ್ಸರ್​ ಎನ್​ 250 ಬಿಡುಗಡೆ; 'ಎಬಿಎಸ್​' ರೈಡ್​ ಮೋಡ್​ ಅಳವಡಿಕೆ

ಬೆಂಗಳೂರು: ಬಜಾಜ್​ ಆಟೋ ತನ್ನ ಬಹುನಿರೀತ ಪಲ್ಸರ್​ ಎನ್​ 250 ಬೈಕ್​ನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಹಲವು ನವೀಕರಣ ಹೊಂದಿದ್ದು, ಗ್ಲೋಸಿ ರೇಸಿಂಗ್​ ರೆಡ್​, ಬ್ರೂಕ್ಲಿನ್​ ಬ್ಲಾಕ್​ ಹಾಗೂ ಪರ್ಲ್​ ಮೆಟಾಲಿಕ್​ ವೈಟ್​ ಸೇರಿ ಒಟ್ಟು ಮೂರು ಬಣ್ಣದಲ್ಲಿ ಬೈಕ್​ ಲಭ್ಯವಿದೆ ಎಂದು ಬಜಾಜ್​ ತಿಳಿಸಿದೆ.

ಪಲ್ಸರ್​ ಎನ್ ​250 ಬೈಕ್​ನಲ್ಲಿ ಡಿಜಿಟಲ್​ ವ್ಯವಸ್ಥೆಯಿದ್ದು, ಬ್ಲೂಟೂತ್​ ಸಂಪರ್ಕ ಹೊಂದಿದೆ. ಫೋನ್​ ಕರೆ ಹಾಗೂ ಎಸ್​ಎಂಎಸ್​ ಅರ್ಲಟ್​, ರ್ಟನ್​&ಬೈ&ರ್ಟನ್​ ನ್ಯಾವಿಗೇಷನ್​, ಸ್ಪೀಡೋಮೀಟರ್​, ಓಡೋಮೀಟರ್​, ಇಂಧನ ಮಟ್ಟ, ಮೈಲೇಜ್​ ಸೇರಿದಂತೆ ಸಾಕಷ್ಟು ಮಾಹಿತಿಯನ್ನು ಡಿಜಿಟಲ್​ ರೂಪದಲ್ಲಿ ಪಡೆಯಬಹುದಾಗಿದೆ. ಈ ಬೈಕ್​ ಹೆಚ್ಚುವರಿಯಾಗಿ ಟ್ರಾನ್​ ಕಂಟ್ರೋಲ್​ ಹೊಂದಿದೆ. ಈ ವೈಶಿಷ್ಟ್ಯ ಹೊಂದಿರುವ ಮೊದಲ ಪಲ್ಸರ್​ ಮಾದರಿ ಇದಾಗಿದೆ. 249 ಸಿಸಿ ಹೊಂದಿದ್ದು, ಸಿಂಗಲ್​ ಸಿಲಿಂಡರ್​, ಆಯಿಲ್ ಕೂಲ್ಡ್​ ಎಂಜಿನ್​ನಿಂದ ಶಕ್ತಿ ಪಡೆಯುತ್ತದೆ. ಈ ಎಂಜಿನ್​ 24.1 ಬಿಎಚ್​ಪಿ ಶಕ್ತಿ ಹಾಗೂ 21.5 ಎನ್​ಎಂ ಟಾರ್ಕ್​ ಅನ್ನು ಹೊರಹಾಕುತ್ತದೆ.

ಬೈಕ್​ನ ವಿನ್ಯಾಸ ಬಹುತೇಕ ಹಿಂದಿನ ಮಾದರಿಯಂತೆ ಇದ್ದರೂ ಒಂದಷ್ಟು ನವೀಕರಿಸಿದ ಗ್ರಾಫಿಕ್ಸ್​ ಒಳಗೊಂಡಿದೆ. ಜತೆಗೆ ಯುಎಸ್​ಬಿ ಚಾರ್ಜಿಂಗ್​ ಸ್ಲಾಟ್​, ಎಲ್​ಇಡಿ ಪೊಜೆಕ್ಟರ್​ ಹೆಡ್​ಲ್ಯಾಂಪ್​, ಎಲ್​ಇಡಿ ಡಿಆರ್​ಎಲ್​ ಹಾಗೂ ಹಿಂಭಾಗದಲ್ಲಿ ಎಲ್​ಇಡಿ ಯುನಿಟ್​ ಹೊಂದಿದೆ.

ಹಾರ್ಡ್​ವೇರ್​ ವಿಭಾಗದಲ್ಲಿ ಸಾಕಷ್ಟು ಬದಲಾವಣೆ ಅಳವಡಿಸಿಕೊಂಡಿದ್ದು, ಈಗಾಗಲೇ ಇರುವ ಮಾದರಿಯಲ್ಲಿರುವ ಟೆಲಿಸ್ಕೋಪಿಕ್​ ಫ್ರಂಟ್​ ಫೋರ್ಕ್​ಗಳ ಬದಲಾಗಿ ಹೊಸ ಎನ್​ 250 ಷಾಂಪೇನ್​ ಗೋಲ್ಡ್​ ಯುಎಸ್​ಡಿ ಫೋರ್ಕ್​ಗಳನ್ನು ಪಡೆದುಕೊಂಡಿದೆ. ಹಿಂಭಾಗದಲ್ಲಿ ಮೊನೊಶಾಕ್​ ಯುನಿಟ್​ ಅನ್ನು ಈ ಬೈಕ್​ ಕೂಡಾ ಮುಂದುವರಿಸಿದೆ. ಈ ಬೈಕ್​ ಡ್ಯುಯಲ್​&ಚಾನೆಲ್​ ಎಬಿಎಸ್​ ಜತೆಗೆ 300 ಎಂಎಂ ಮುಂಭಾಗ ಹಾಗೂ 230 ಎಂಎಂ ಹಿಂಭಾಗದ ಪೆಟಲ್​ ಡಿಸ್ಕ್​ ಬ್ರೇಕ್​ಗಳನ್ನು ಹೊಂದಿದೆ.

ಎಬಿಎಸ್​ ರೈಡ್​ ಮೋಡ್​

ಪಲ್ಸರ್​ ಎನ್​250 'ರೋಡ್​, ರೇನ್​, ಆ್​ರೋಡ್​' ಎಂಬ ಎಬಿಎಸ್​ ರೈಡ್​ ಮೋಡ್​ಗಳನ್ನು ಹೊಂದಿದೆ. ಇವು ಪ್ರಿಸಿಶನ್​ ರೈಡ್​ನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ಸಹಾಯ ಮಾಡುತ್ತದೆ. ರೈಡರ್​ನ ನಿಯಂತ್ರಣ ಹೆಚ್ಚಳಕ್ಕೆ ಪ್ರತಿ ರೈಡ್​ ಮೋಡ್​ನಲ್ಲಿ ಎಬಿಎಸ್​ ಅನ್ನು ನೀಡಲಾಗಿದೆ. ಜತೆಗೆ ಟ್ರಾಕ್ಸನ್​ ಕಂಟ್ರೋನ್​ ಹೊಂದಿದೆ. ಇದು ಜಾರುವ ಸ್ಥಳಗಳಲ್ಲಿ ಹಾಗೂ ಹಾರ್ಡ್​ ಅಕ್ಸಲರೇಶನ್​ ಸಮಯದಲ್ಲಿ ಹಿಂಬದಿ ಚಕ್ರವನ್ನು ನಿಯಂತ್ರಿಸುತ್ತದೆ.

'ಎನ್​' ಸರಣಿಯು ಪಲ್ಸರ್​ ಬೈಕ್​ ವಿಭಾಗದಲ್ಲಿ ಅತ್ಯಂತ ಯಶಸ್ವಿ ಶ್ರೇಣಿಯಾಗಿದೆ. ಸುಧಾರಿತ ವೈಶಿಷ್ಟ$್ಯ ಹಾಗೂ ತಂತ್ರಜ್ಞಾನ ಹೊಂದಿರುವ ಪಲ್ಸರ್​ ಎನ್​ 250 ಅತ್ಯುತ್ತಮ ರೈಡಿಂಗ್​ ಅನುಭವ ನೀಡುತ್ತದೆ. ಜತೆಗೆ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದು ದೇಶದ ನಂ.1 ಸ್ಪೋರ್ಟ್ಸ್​ ಮೋಟಾರ್​ ಸೈಕಲ್​ ಆಗಿರುವ ಪಲ್ಸರ್​ನ್ನು ಇನ್ನಷ್ಟು ಬಲಪಡಿಸುವ ವಿಶ್ವಾಸವಿದೆ.

- ಸಾರಂಗ್​ ಕಾನಡೆ, ಅಧ್ಯಕ್ಷ, ಬಜಾಜ್​ ಆಟೋ ಮೋಟಾರ್​ ಸೈಕಲ್ಸ್​