ಪ್ರಕರಣದ ಹಿನ್ನೆಲೆ: ಮೂಲತಃ ತಮಿಳುನಾಡು ಹೊಸೂರು ತಾಲೂಕು ಪೂನಹಳ್ಳಿ ನಿವಾಸಿ, ಈಗ ಕೋಲಾರ ತಾಲೂಕಿನ ಹೊನ್ನೇನಹಳ್ಳಿ ಗ್ರಾಮದಲ್ಲಿ ವಾಸವಿರುವ ಸುಮಿತ್ರಾ ಮತ್ತು ಸತ್ಯ ದಂಪತಿಗಳಿಗೆ ಸೆ. 26ರಂದು ಎಸ್ಸೆನ್ನಾರ್ ಜಿಲ್ಲಾಸ್ಪತ್ರೆಯಲ್ಲಿ ಹೆಣ್ಣು ಮಗು ಜನಿಸಿತ್ತು. ಸುಮಿತ್ರ ತಂದೆಗೆ ಆರೋಗ್ಯ ಸರಿ ಇಲ್ಲದ ಕಾರಣ ಸುಮಿತ್ರಾ ಪತಿಯ ಸ್ನೇಹಿತ ಸೋಮಶೇಖರ್ನ ಪತ್ನಿ ಗೀತಾ ಅವರಿಗೆ ಮಗುವನ್ನು ಒಪ್ಪಿಸಿ ಎರಡ್ಮೂರು ದಿನ ನೋಡಿಕೊಳ್ಳಲು ತಿಳಿಸಿ ಅ.18ರಂದು ಮಗುವನ್ನು ಕೋಲಾರದ ಸೋಮೇಶ್ವರಸ್ವಾಮಿ ದೇವಸ್ಥಾನದಲ್ಲಿ ಗೀತಾ ಮತ್ತು ಪುಷ್ಪಾ ಅವರಿಗೆ ನೀಡಿ ಸುಮಿತ್ರಾ ತಂದೆಯ ವಾಸಸ್ಥಳಕ್ಕೆ ಹೋಗಿದ್ದರು. ವಾಪಸ್ ಬಂದ ನಂತರ ಗೀತಾಳ ಬಳಿ ಮಗು ಕೇಳಿದಾಗ ನೀಡಿರಲಿಲ್ಲ.
