ಕೇವಲ 1 ಕೋಟಿ ರೂ... ವರುಣ್ ಧವನ್ಗೆ ಹೊಸ ವರ್ಷದ ಕಹಿ! ಬಾಕ್ಸ್ ಆಫೀಸ್ನಲ್ಲಿ ಫ್ಲಾಪ್ ಆದ 'ಬೇಬಿ ಜಾನ್' | Flop

Published on:

03 Jan 2025, 1:01 pm

Baby John Flop: ಕಳೆದ ವರ್ಷ ಡಿಸೆಂಬರ್ 25ರಂದು ಜಾಗತಿಕವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಂಡ ಸೌತ್ ಬ್ಯೂಟಿ ಕೀರ್ತಿ ಸುರೇಶ್ ಮತ್ತು ಬಾಲಿವುಡ್ ನಟ ವರುಣ್ ಧವನ್ ಮುಖ್ಯಭೂಮಿಕೆಯಲ್ಲಿ ಅಭಿನಯದ ‘ಬೇಬಿ ಜಾನ್’ ಚಿತ್ರವು ಸದ್ಯ ಬಾಕ್ಸ್ ಆಫೀಸ್ನಲ್ಲಿ ಹೀನಾಯ ಸೋಲು ಕಂಡಿದೆ. ಮೊದಲ ದಿನದಿಂದ ಇಂದಿನವರೆಗೂ ಪ್ರೇಕ್ಷಕರ ಗಮನಸೆಳೆಯುವಲ್ಲಿ ಹಿಂದುಳಿದಿರುವ ಬೇಬಿ ಜಾನ್, ನಟನಿಗೆ ಮತ್ತೊಂದು ಸೋಲನ್ನು ಉಣಿಸಿರುವುದು ಸದ್ಯ ಅವರ ಅಭಿಮಾನಿಗಳಲ್ಲಿ ಭಾರೀ ಅಚ್ಚರಿ ಮೂಡಿಸಿದೆ.

ಇದನ್ನೂ ಓದಿ: ರೋಣಿಹಾಳ ಗ್ರಾಮ ಪಂಚಾಯಿತಿಗೆ ನೌಶಾದಬಿ ಅಧ್ಯಕ್ಷೆ, ಮಾರುತಿ ಉಪಾಧ್ಯಕ್ಷ

ಬಂಡವಾಳ ಎತ್ತುವುದೇ ಸವಾಲು

ಕ್ರಿಸ್ಮಸ್ ಹಬ್ಬದ ದಿನದಂದೇ 'ಬೇಬಿ ಜಾನ್' ತೆರೆ ಕಾಣಲಿದೆ ಎಂದು ಚಿತ್ರತಂಡ ಅಧಿಕೃತ ದಿನಾಂಕ ಘೋಷಿಸಿದ ಮರು ದಿನದಿಂದಲೇ ಉತ್ತಮ ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದ ಚಿತ್ರ ತಯಾರಕರು ಅಂತಿಮವಾಗಿ ಬೇಬಿ ಜಾನ್ ಗೆಲುವು ಕಾಣುವಲ್ಲಿ ವಿಫಲರಾಗಿದ್ದಾರೆ. ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಗಳಿಕೆಯಿರಲಿ ಹಾಕಿರುವ ಬಂಡವಾಳ ವಾಪಸ್ ಬರುವಷ್ಟು ಆದಾಯ ಬಂದರೆ ಸಾಕು ಎನ್ನುವಂತಾಗಿದೆ ನಿರ್ಮಾಪಕರ ಪಾಡು.