ಬಾಕ್ಸ್ ಆಫೀಸ್ನಲ್ಲಿ ಮುಗ್ಗರಿಸಿತಾ ಕೀರ್ತಿ ಚಿತ್ರ? ಬಂಡವಾಳ ಎತ್ತುವುದೇ 'ಬೇಬಿ ಜಾನ್' ಮುಂದಿರುವ ಸವಾಲು | Baby John

Published on:

29 Dec 2024, 6:44 am

Baby John: ಇತ್ತೀಚೆಗಷ್ಟೇ ತಮ್ಮ ಬಹುಕಾಲದ ಗೆಳೆಯ ಆಂಟೋನಿ ಜತೆಗೆ ಸಪ್ತಪದಿ ತುಳಿದ 'ಮಹಾನಟಿ' ಕೀರ್ತಿ ಸುರೇಶ್, ಮದುವೆಯ ಸಂಭ್ರಮದಲ್ಲಿಯೇ ಬಾಲಿವುಡ್ ನಟ ವರುಣ್ ಧವನ್ ಅವರೊಂದಿಗೆ ನಟಿಸಿದ ಬಹುನಿರೀಕ್ಷಿತ 'ಬೇಬಿ ಜಾನ್' ಚಿತ್ರವು ರಿಲೀಸ್ ಕಂಡಿದ್ದು, ನಟಿಗೆ ಡಬಲ್ ಧಮಾಕ ನೀಡಿದೆ. ಭರ್ಜರಿ ಓಪನಿಂಗ್ ಕಂಡಿದ್ದೇ ಆದರೂ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಅಬ್ಬರಿಸುವಲ್ಲಿ ಮಾತ್ರ ಮುಗ್ಗರಿಸಿರುವುದು ಸದ್ಯ ಚಿತ್ರತಂಡಕ್ಕೆ ಭಾರೀ ಸಂಕಷ್ಟ ತಂದೊಡ್ಡಿದೆ.

ಇದನ್ನೂ ಓದಿ: 30 ಲಕ್ಷ ರೂ. ಸಾಲದ ಹೊರೆ! ದಿಢೀರ್ ಹಣ, ವಿಮೆ ಪಡೆಯಲು ಅಮಾಯಕನ ಜೀವವನ್ನೇ ಬಲಿಕೊಟ್ಟ ವೈದ್ಯ | Fakes Death

ನಿರ್ದೇಶಕ ಕಲೀಸ್ ನಿರ್ದೇಶಿಸಿದ ಬೇಬಿ ಜಾನ್ ಚಿತ್ರದಲ್ಲಿ ಕೀರ್ತಿ ಸುರೇಶ್ ಮತ್ತು ವರುಣ್ ಧವನ್ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಕ್ರಿಸ್ಮಸ್ ದಿನದಂದೇ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆಕಂಡ ಈ ಚಿತ್ರ, ಕಳೆದ ಮೂರು ದಿನಗಳಿಂದ ಬಾಕ್ಸ್ ಆಫೀಸ್ನಲ್ಲಿ ನಿರೀಕ್ಷಿಸಿದ ಗಳಿಕೆಯನ್ನು ಕಾಣದಿರುವುದು ಬಾಲಿವುಡ್ ಮಂದಿಯ ಲೆಕ್ಕಾಚಾರಗಳನ್ನು ತಲೆಕೆಳಗಾಗಿಸಿದೆ. ಸಾಲು ಸಾಲು ರಜೆಗಳಿದ್ದರೂ ಸಹ ಪ್ರೇಕ್ಷಕರು ಚಿತ್ರಮಂದಿರದತ್ತ ತಿರುಗಿ ನೋಡದೆ ಇರುವುದು ಸದ್ಯ ಬೇಬಿ ಜಾನ್ ನಿರ್ಮಾಪಕರನ್ನು ಅಚ್ಚರಿಗೆ ದೂಡಿದೆ.

ಮೊದಲ ದಿನದ ಗಳಿಕೆಯಿಂದ ಇಂದು 4ನೇ ದಿನಕ್ಕೆ ಕಾಲಿಟ್ಟಿರುವ ಬೇಬಿ ಜಾನ್ ಚಿತ್ರವು ಮೂರನೇ ದಿನದ ಅಂತ್ಯಕ್ಕೆ ಜಾಗತಿಕ ಬಾಕ್ಸ್ ಆಫೀಸ್ನಲ್ಲಿ ಕೇವಲ 23.90* ಕೋಟಿ ರೂ. ಗಳಿಸಿದೆ. 160 ಕೋಟಿ ರೂ. ಬಜೆಟ್‌ನಲ್ಲಿ ನಿರ್ಮಿಸಲಾದ ಈ ಸಿನಿಮಾ ಪ್ರಸ್ತುತ ಹೂಡಿರುವ ಬಂಡವಾಳವನ್ನು ಎತ್ತುವ ಗುರಿಯನ್ನು ಹೊಂದಿದೆ. ಇದಕ್ಕಾಗಿ ಚಿತ್ರವು ಮುಂದಿನ ದಿನಗಳಲ್ಲಿ 570% ಹೆಚ್ಚು ಗಳಿಕೆ ನೋಡುವ ಅಗತ್ಯತೆ ಹೆಚ್ಚಿದೆ.