ಬಾಬಾ ಕಾ ಡಾಬಾ ಈಗ ಸಣ್ಣ ಅಂಗಡಿಯಲ್ಲ, ದೊಡ್ಡ ರೆಸ್ಟೋರೆಂಟ್​! ಇವೆಲ್ಲ ಸೋಶಿಯಲ್​ ಮೀಡಿಯಾ ಎಫೆಕ್ಟ್​!

ನವದೆಹಲಿ: ಎರಡು ತಿಂಗಳ ಹಿಂದೆ ಬಾಬಾ ಕಾ ಡಾಬಾ ಹೆಸರಿನ ಸಣ್ಣ ಅಂಗಡಿಯೊಂದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್​ ವೈರಲ್​ ಆಗಿತ್ತು. 80 ವರ್ಷದ ಬಡ ವೃದ್ಧನೊಬ್ಬ ತನ್ನ ಪತ್ನಿಯೊಂದಿಗೆ ಸಣ್ಣ ಹೋಟೆಲ್​ ರೀತಿಯ ಅಂಗಡಿ ನಡೆಸುತ್ತಿದ್ದು, ಲಾಕ್​ಡೌನ್​ನಲ್ಲಿ ಜನರಿಲ್ಲದೆ ಸಂಕಷ್ಟಕ್ಕೆ ಸಿಲುಕಿರುವುದಾಗಿ ಹೇಳಿಕೊಂಡಿದ್ದ ಆ ವಿಡಿಯೋಕ್ಕೆ ನೆಟ್ಟಿಗರ ಮನಸ್ಸು ಕರಗಿತ್ತು. ವಿಡಿಯೋ ಅಪ್​ಲೋಡ್​ ಆಗಿ 24 ಗಂಟೆಗಳಲ್ಲೇ ಬಾಬಾ ಕಾ ಡಾಬಾದ ಮುಂದೆ ಜನ ಕ್ಯೂ ನಿಂತು ಊಟ ಖರೀದಿಸಿದ್ದರು. ಈ ರೀತಿ ರಾತ್ರೋರಾತ್ರಿ ಫೇಮಸ್​ ಆದ ಬಾಬಾ ಕಾ ಡಾಬಾ ಈಗ ಹೇಗಿದೆ ಎಂದು ಗೊತ್ತಾದರೆ ನೀವು ಶಾಕ್​ ಆಗ್ತೀರ.

ಇದನ್ನೂ ಓದಿ: ಕರೊನಾ ಲಸಿಕೆ ವಿಜ್ಞಾನಿಯ ದುರಂತ ಅಂತ್ಯ! 14ನೇ ಮಹಡಿಯಿಂದ ಹಾರಿ ಪ್ರಾಣಬಿಟ್ಟರಾ ವಿಜ್ಞಾನಿ?

ದೆಹಲಿಯ ಮಾಲ್ವಿಯಾ ನಗರದ ಬಾಬಾ ಕಾ ಡಾಬಾದ ಸಣ್ಣ ಅಂಗಡಿ ಈಗ ಅಲ್ಲಿಲ್ಲ. ಬದಲಾಗಿ ಅದೇ ಏರಿಯಾದಲ್ಲಿ ಬಾಬಾ ದಾ ಡಾಬಾ ಹೆಸರಿನ ದೊಡ್ಡ ರೆಸ್ಟೋರೆಂಟ್​ ಒಂದು ಆರಂಭವಾಗಿದೆ. ಅಂದ ಹಾಗೆ ಈ ರೆಸ್ಟೋರೆಂಟ್​ನ ಮಾಲೀಕರು ಕೂಡ ಅದೇ ಬಾಬಾ ಕಾ ಡಾಬಾದ ವೃದ್ಧ ದಂಪತಿ ಕಾಂತಾ ಪ್ರಸಾದ್​ ಮತ್ತು ಬಾದಮಾ ದೇವಿ.

ಇದನ್ನೂ ಓದಿ: ಹೊಸ ಪಕ್ಷ ಸ್ಥಾಪಿಸಲು ಹೊರಟ ರಜನಿಕಾಂತ್​ಗೆ ಸಮನ್ಸ್​! ಕಾರಣವೇನು ಗೊತ್ತಾ?

ವಿಡಿಯೋ ನೋಡಿದ್ದ ಜನರು ಬಾಬಾ ಕಾ ಡಾಬಾಕ್ಕೆ ಬಂದು ಸಾಲುಗಟ್ಟಿ ನಿಂತು ವ್ಯಾಪಾರ ಮಾಡಿದ್ದರು. ಅನೇಕ ದಾನಿಗಳು ಬಂದು ದಂಪತಿಗೆ ಸಹಾಯ ಮಾಡಿ ಹೋಗಿದ್ದರು. ಆ ಎಲ್ಲ ಹಣವನ್ನು ಉಳಿಸಿಕೊಂಡ ದಂಪತಿ ಈಗ ಅದೇ ಹಣದಲ್ಲಿ ರೆಸ್ಟೋರೆಂಟ್​ ತೆರೆದಿದ್ದಾರೆ. ದೇವರ ದಯೆಯಿಂದ ನಾವು ಇಂದು ಯಾವುದೇ ಕಷ್ಟವಿಲ್ಲದೆ ನೆಮ್ಮದಿಯಿಂದ ಇದ್ದೇವೆ ಎನ್ನುತ್ತಾರೆ ಕಾಂತಾ ಪ್ರಸಾದ್​ ಅವರು. (ಏಜೆನ್ಸೀಸ್​)

https://www.vijayavani.net/singer-neha-kakkar-pregnant-secreat/

https://www.vijayavani.net/five-men-in-neemrana-rajasthan-allegedly-2-women-on-friday/