ಈ ಸಮಯದಲ್ಲಿ ದೇಶ ಹಾಗೂ ರಾಜ್ಯದಲ್ಲಿ ರಾಜಕೀಯ ಅಸ್ಥಿರತೆ, ವೈಮನಸ್ಸು, ಕೆಲವು ವಿಚಾರಗಳಲ್ಲಿ ಸರ್ಕಾರದ ನಡೆ ಕುರಿತು ಪ್ರಜೆಗಳಲ್ಲಿ ಅನುಮಾನ ಮೂಡುತ್ತವೆ. ಸಿಬಿಐ, ಆರ್ಬಿಐ, ನ್ಯಾಯಾಂಗ, ಚುನಾವಣಾ ಆಯೋಗದಂತಹ ಸಂಸ್ಥೆಗಳಲ್ಲಿ ಸರ್ಕಾರ ಹಸ್ತಕ್ಷೇಪ ಮಾಡುತ್ತಿದೆ ಎಂಬ ಅನುಮಾನದ ಜತೆಗೆ ಇವಿಎಂ ಬಳಕೆ ಬೇಡ ಎಂಬ ದೊಡ್ಡ ಕೂಗೇಳುತ್ತದೆ. ಗುರುಗಳು ಸಾಕ್ಷಾತ್ ಈಶ್ವರನ ಅವತಾರವೇ ಆಗಿದ್ದು, ನಮ್ಮ ಕಣ್ಣಿಗೆ ಮಾತ್ರ ಮಾನವರಂತೆ ಕಾಣುತ್ತಾರೆ ಎಂದು ಶ್ರೀಗುರು ಚರಿತ್ರೆಯಲ್ಲಿ ತಿಳಿಸಿದ್ದಾರೆ. ಇಂತಹ ಸಮಯದಲ್ಲಿ ಸಾಕ್ಷಾತ್ ಗುರುವಿಗೆ, ಶೃಂಗೇರಿ ಜ್ಞಾನಪೀಠದ ಶ್ರೀ ಭಾರತೀತೀರ್ಥ ಶ್ರೀಪಾದಂಗಳು, ಶ್ರೀ ವಿಧುಶೇಖರ ಭಾರತೀ ಶ್ರೀಪಾದಂಗಳಿಗೆ ನಮಸ್ಕರಿಸಿ, ಎಲ್ಲರಿಗೂ ಸನ್ಮಂಗಳವಾಗಲಿ ಎಂದು ಪ್ರಾರ್ಥಿಸೋಣ, ಧರ್ಮ ಮಾರ್ಗದಲ್ಲೇ ನಡೆಯೋಣ.
